ForsíðaVinnumarkaðsvefurKjarasamningarSpurt og svarað

Vinnumarkaðsvefur

Hér má sjá algengar spurningar og svör um þá kjarasamninga SA 2024-2028 sem hafa verið undirritaðir; við SGS, Eflingu, Samiðn, RSÍ, VM, Matvís, Grafíu og VR/LÍV.

Kynning á Stöðugleikasamningnum 2024 - 2028

Síðan er uppfærð jafnóðum og undirritun er afstaðin. Enn á eftir að semja við fjölmörg stéttarfélög á almennum vinnumarkaði, svo sem Leiðsögn – stéttarfélag leiðsögumanna, Blaðamannafélag Íslands, SSF – Samtök starfsmanna fjármálafyrirtækja, Samband stjórnendafélaga, auk þess sem tugum sérkjarasamninga fyrirtækja er ólokið.

Frá og með 1.4.2024 eiga sér stað eftirfarandi breytingar:

1. Vaktaálag greitt fyrir alla vinnu utan dagvinnutímabils fram að 100% vinnuskilum
Hjá vaktavinnufólki verður greitt vaktaálag fyrir allar vaktir utan dagvinnutímabils fram að 100% starfi skv. kjarasamningi. Starfsfólk sem tekur að sér aukavaktir sem ekki eru skipulagðar í vaktskrá eða vinnur yfir vaktskrá fær því greitt fyrir vinnuna með dagvinnukaupi á dagvinnutímabili en vaktaálagi utan dagvinnutímabils fram að 100% vinnuskilum í stað yfirvinnukaups líkt og reglan er fyrir breytinguna.

2. Breyting á launaflokki almenns starfsfólks
Almennt starfsfólk veitinga- og gistihúsa fer úr launaflokki 5 yfir í launaflokk 6.

3. Sérþjálfað starfsfólk í ferðaþjónustu
Þernur sem hafa unnið 3 mánuði í fyrirtæki og sérþjálfað starfsfólk í ferðaþjónustu fer yfir í launaflokk 7. Með sérþjálfuðu starfsfólki er átt við starfsfólk sem unnið getur sjálfstætt, sýnt getur frumkvæði og fela má tímabundna verkefnastjórnun. Enn fremur starfsfólk sem hefur sérhæfða þekkingu sem nýtist í starfi eða ber sérstaka ábyrgð.

Samningsaðilar munu taka saman hvaða störf falla undir kjarasamninginn og greina störfin í samráði við Fræðslumiðustöð atvinnulífsins. Þangað til niðurstaða hæfnigreininar liggur fyrir mun eftirfarandi starfsfólk sem ellegar myndi raðast í launaflokk 6 raðast í launaflokk 7:

(a) Starfsfólk sem hefur unnið fjögur ár eða lengur í sama eða sambærilegu starfi, hvort sem er hér á landi eða erlendis og a.m.k. 6 mánuði á núverandi vinnustað.

(b) Starfsfólk sem hefur unnið þrjú ár eða lengur í sama eða sambærilegu starfi, hvort sem er hér á landi eða erlendis og a.m.k. fjóra mánuði á núverandi vinnustað enda hafi það lokið samtals a.m.k. 40 klst. námskeiðum sem tengjast því starfi sem viðkomandi sinnir.

4. Sérstakar breytingar á félagssvæði Eflinar
Tilfallandi starfsfólk án vinnuskyldu á félagssvæði Eflingar mun fá greitt dagvinnukaup á dagvinnutímabili en vaktaálag vegna vinnu utan dagvinnutímabils í stað yfirvinnukaups. Á móti fellur niður sá launaflokkur (l.fl. 4) og vaktaálag á skemmtstöðum og börum verður 55% frá kl. 24:00 - 05:00 aðfararnótt laugardags og sunnudags. Breytingin nær ekki til félagssvæðis SGS þar sem fyrirkomulagið verður óbreytt.

5. Heimilt að semja um aðrar álagsgreiðslur
Heimilt verður að semja um annað vaktaálag en skv. kjarasamningi að því gefnu að meðalvaktaálag haldist óbreytt en stéttarfélag skal staðfesta að svo sé og meirihluti starfsfólks samþykki breytinguna í atkvæðagreiðslu. Ef ágreiningur er um útreikning meðalvaktaálag skal honum skotið til SA og ASÍ.

Við útreikning á vaktaálagi er tekið mið af því að meðalvaktaálag verði við breytinguna óbreytt frá því sem það hefur verið síðastliðna 12 mánuði í fyrirtækinu m.v. mánaðamót nema sérstakar aðstæður gefi til kynna að miða eigi við annað tímaviðmið.

Breytist forsendur í meginatriðum sem liggja að baki samkomulaginu, t.d. reglulegur opnunartími fyrirtækisins og mönnun varanlega frá því sem var þegar vaktaálagið var ákveðið getur hvor aðili um sig krafist þess að vaktaálagið sé endurskoðað m.v. breyttar forsendur.

Samtök atvinnulífsins munu vera félagsmönnum sínum innan handar sem vilja fara í breytingar sem þessar, m.a. við útreikning á meðalvaktaálögum og gerð samkomulags um breytinguna.

Sjá hér frekari upplýsingar um breytingar á kjarasamningum vegna veitinga- og gistihúsa og afþreyingarstarfsemi.

Aðgengilegri aðstoð við félagsmenn með betrumbættum vef

Lögmenn vinnumarkaðssviðs eru boðnir og búnir að aðstoða félagsmenn við að gera hlutina rétt í hvívetna.

Fara á Vinnumarkaðsvef

6

Aðildarsamtök sem starfa á grunni atvinnugreina

2000+

Aðildarfyrirtæki SA, allt frá sjálfstætt starfandi frumkvöðlum til stærstu fyrirtækja landsins

70%

Launafólk á almennum vinnumarkaði starfa hjá aðildarfyrirtækjum SA

Aðild að SA

Samtök atvinnulífsins eru heildarsamtök íslensks atvinnulífs með sex aðildarsamtökum sem starfa á grunni atvinnugreina. Yfir 2.000 fjölbreytt fyrirtæki eiga aðild að Samtökum atvinnulífsins, allt frá sjálfstætt starfandi frumkvöðlum til stærstu fyrirtækja landsins. Hjá aðildarfyrirtækjum SA starfa um 70% launafólks á almennum vinnumarkaði. Við erum Samtök atvinnulífsins.

Sjá nánar

Samtök orku- og veitufyrirtækja

Samtök verslunar og þjónustu

Samtök fyrirtækja í sjávarútvegi

Samtök fjármálafyrirtækja

Samtök ferðaþjónustunnar

Samtök iðnaðarins