hvað er á döfinni?
01. október 2026
01. október
kl. 15:00 - 17:00
Ársfundur atvinnulífsins 2026
Ákvarðanir á vinnumarkaði hafa áhrif á hvert einasta fyrirtæki í landinu og á hagkerfið í heild sinni. En þjóna leikreglurnar fyrirtækjum og almenningi nægilega vel? Á ársfundi Samtaka atvinnulífsins í Silfurbergi í Hörpu þann 1. október beinum við sjónum okkar að vinnumarkaðslíkaninu og samkeppnishæfni Íslands. Hvernig sköpum við forsendur fyrir stöðugleika, kaupmætti og samkeppnishæfu atvinnulífi? Taktu þátt í umræðu sem mótar samfélagið. Aðgangur er ókeypis en mikilvægt að skrá sig í skráningarforminu hér að neðan. Dagskrá fundarins: Ávarp frá Jóni Ólafi Halldórssyni, formanni Samtaka atvinnulífsins. Ávarp frá Kristrúnu Frostadóttur, forsætisráðherra Íslands. Pallborðsumræður: Hvað þarf til að sækja fram? Þátttakendur í pallborði: Baldvin Þorsteinsson, forstjóri Samherja, Birna Ósk Einarsdóttir, forstjóri Húsasmiðjunnar, Skúli Mogensen, frumkvöðull, og Tómas Már Sigurðsson, forstjóri HS Orku. Stjórnandi: Sigtryggur Magnason, forstöðumaður miðlunarsviðs SA. Ávarp frá Rannveigu Rist, fyrrverandi forstjóra Rio Tinto á Íslandi. Pallborðsumræður: Hvernig rjúfum við vítahringinn? Þátttakendur í pallborði: Bryndís Hlöðversdóttir, fyrrverandi ráðuneytisstjóri og fyrrverandi ríkissáttasemjari, Gylfi Jónu Arnbjarnarson, ráðgjafi og fyrrverandi forseti ASÍ, og Þorsteinn Víglundsson, formaður Samtaka iðnaðarins, forstjóri Hornsteins og fyrrverandi framkvæmdastjóri SA. Stjórnandi: Ragnar Árnason, forstöðumaður vinnumarkaðssviðs SA. Sækjum fram, erindi frá Bjarna Benediktssyni, framkvæmdastjóra SA. Húsið opnar kl. 14:30 og stendur fundurinn yfir frá kl. 15-17. Að fundi loknum verður móttaka í Björtuloftum þar sem við höldum samtalinu áfram undir ljúfum tónum frá DJ Dóru Júlíu og með léttum veitingum.
Algengar spurningar
Get ég fengið aðstoð frá lögmanni með starfsmannamál?
Já, ef þú ert félagsmaður getur þú fengið lögfræðilega aðstoð við túlkun kjarasamninga og stjórn starfsmannamála, sem hafa að gera með ráðningar, uppsagnir, vinnutíma, veikindarétt, orlof og fleira. Þú getur sent tölvupóst á sa@sa.is, hringt í síma 591 0000 eða haft beint samband við þinn tengilið á vinnumarkaðssviði SA.
Hvar sæki ég um félagsaðild?
Hvar finn ég ráðningarsamninga?
Undir Eyðublöð hér á vefnum geta félagsmenn nálgast fjölbreytt form af ráðningarsamningum ásamt fylgiskjölum bæði á íslensku og ensku. Félagsmenn geta einnig fengið aðstoð við gerð ráðningarsamninga hjá lögmönnum vinnumarkaðssviðs SA.
Þarf ég að semja um fjarvinnu?
Já, ef það er samkomulag um að starfsmaður sinni reglulega eða alfarið utan starfstöðvar félagsins, t.d. á heimili sínu þarf að semja um fjarvinnu. Félagsmenn SA geta nálgast nánari umfjöllun um fjarvinnu hér á vinnumarkaðsvefnum auk sniðmáts að samkomulagi um fjarvinnu á íslensku og ensku undir „Eyðublöð“.
Hvernig get ég komið upplýsingum á framfæri til ykkar?
Það er keppikefli Samtaka atvinnulífsins að skapa fyrirtækjum landsins sem best umhverfi til þess að vaxa og dafna. Við tökum því öllum ábendingum fagnandi, hvort sem það lítur að innra starfi okkar eða hagsmunamáli fyrir þitt fyrirtæki. Þér er velkomið að hafa samband í 591 0000 eða senda póst á sa@sa.is.