Námskeiðaröð SA um starfsmannamál

Samtök atvinnulífsins halda á næstunni námskeið um starfsmannamál fyrir félagsmenn sína bæði í Reykjavík og á landsbyggðinni. Boðið verður upp á tvö námskeið. Annars vegar um túlkun kjarasamninga þar sem farið verður yfir almenn atriði í kjarasamningum og löggjöf og hins vegar námskeið um nýjungar og áherslur í starfsmannamálum. Við kennsluna verður stuðst við Vinnumarkaðsvef SA.   Einnig verður haldið sérstakt verkstjóranámskeið í janúar/febrúar.  Verður það auglýst nánar síðar.

Námskeiðin eru eingöngu  ætluð félagsmönnum SA og eru þeim að kostnaðarlausu. Þátttakendur eru beðnir um að skrá sig í síma 591-0000 eða á netfangið sa@sa.is.

Túlkun kjarasamninga og laga um starfsmannamál
Farið verður yfir helstu reglur sem þarf að hafa í huga við ráðningar og uppsagnir starfsmanna, veikindi o.fl. sem reynir á bæði við stjórnun starfsmanna og launaútreikning.
Námskeiðið er ætlað þeim sem fara með starfsmannamál, þ.m.t. starfsmenn í launavinnslu.

Námskeiðið verður haldið í Húsi atvinnulífsins að Borgartúni 35 á 6. hæð.

Hægt er að velja um fimm dagsetningar: 
    -  miðvikudaginn 20. nóvember kl. 13:15-16:15, 
    -  þriðjudaginn 26. nóvember kl. 9:00-12:00,

    -  þriðjudaginn 3. desember  kl. 9:00-12:00,

    -  miðvikudaginn 4. desember kl. 9:00-12:00 eða

    -  fimmtudaginn 5. desember kl. 13:15-16:15.

Nýjungar og áherslur í starfsmannamálum
Farið verður yfir  breytingar sem orðið hafa á reglum kjarasamninga og lögum auk einstakra atriða sem SA telur ástæðu til að leggja sérstaka áherslu á.  Þá verður fjallað um nýjar Evrópureglur sem innleiða á í íslenska löggjöf og munu því hafa áhrif á starfsmannastjórnun fyrirtækja. Námskeiðið er einkum  ætlað starfsmannastjórum og þeim sem móta starfsmannastefnu fyrirtækja auk annarra sem fara með starfsmannamál.

Námskeiðið verður haldið í Húsi atvinnulífsins að Borgartúni 35 á 6. hæð.

Hægt er að velja um fjórar dagsetningar  
    -  fimmtudaginn 21. nóvember kl. 9:00 - 12:00, 
    -  miðvikudaginn 27. nóvember kl. 13:15 - 16:15

    -  þriðjudaginn 3. desember kl. 13:15 - 16:15 eða 

    -  mánudaginn 9. desember  kl. 13:15 - 16:15.

Einnig verða haldin sambærileg námskeið utan Reykjavíkur, en þau munu einnig henta verkstjórum.


Þau verða haldin á 
  
         Akureyri mánudaginn 2. desember að Hótel KEA.
         Námskeiðið verður tvískipt, annars vegar um
         túlkun kjarasamninga og laga um starfsmannamál 
         kl. 9:30 - 12:30 og hins vegar um nýjungar og
         áherslur í starfsmannamálum kl. 13:30-16:30.

         Ísafirði fimmtudaginn 5. desember að Hótel
         Ísafirði.  Námskeiðið verður tvískipt, annars
         vegar um túlkun kjarasamninga og laga um 
         starfsmannamál kl. 8:30 - 11:30 og hins vegar 
         um nýjungar og áherslur í starfsmannamálum 
         kl. 12:30-15:30.
 
         Vestmannaeyjum miðvikudaginn 11. desember 
         í Ásgarði Vestmannaeyjum. Námskeiðið verður
         tvískipt, annars vegar um túlkun kjarasamninga
         og laga um starfsmannamál kl. 9:00-12:00 og
         hins vegar um nýjungar og áherslur í starfs-
         mannamálum kl. 13:00-16:00.
 
         Námskeið í Stykkishólmi og Selfossi í verða
         haldin í janúar 2003. Þau verða auglýst nánar
         síðar.


Nýlega voru haldin námskeið á Austurlandi, bæði á Vopnafirði og Reyðarfirði í samstarfi við Fræðslunet Austurlands.