Afl upprunans með Gaute Høgh

Samtök atvinnulífsins bjóða til morgunverðarfundar í tilefni af endanlegri niðurstöðu dómstóls Evrópusambandsins, þar sem kröfum bresku verslunarkeðjunnar Iceland Foods Ltd um einkarétt á orðinu Iceland sem vörumerki innan ESB var hafnað.

Á þessum tímamótum höfum við fengið til landsins frumkvöðulinn og markaðssérfræðinginn Gaute Høgh , stofnanda Co/PLUS, sem flytur fyrirlesturinn Afl upprunans. Þá munu Brynhildur Georgsdóttir , forstöðumaður viðskiptaþróunar hjá Íslandsstofu, ásamt fulltrúum atvinnulífsins, fjalla um málareksturinn og áhrif hans.

Fundurinn verður haldinn þriðjudaginn 16. september kl. 9.00 til 10.00 í Kaldalóni, Hörpu. Boðið verður upp á léttan morgunverð frá kl. 8.30.

Fyrirlesturinn Afl upprunans fjallar um hvernig fyrirtæki geta nýtt sér eigin sérstöðu og arfleifð sem drifkraft í markaðssetningu og verðmætasköpun. Gaute Høgh hefur áratuga reynslu af því að byggja upp öflug vörumerki og hefur unnið fyrir heimsþekkt fyrirtæki á borð við Bang & Olufsen, Lego, Maersk og Norwegian , auk fjölda íslenskra fyrirtækja.

Þetta er einstakt tækifæri til að kynnast hugmyndum leiðandi sérfræðings á sviði markaðssetningar á Norðurlöndum, fræðast um árangursríkar aðferðir og fá innblástur til að nýta uppruna og sérstöðu í rekstri.

Vinsamlegast staðfestið þátttöku fyrir 12. september með því að skrá ykkur hér fyrir neðan.