Menntadagur atvinnulífsins 2026
Framtíðin kallar. Er menntakerfið að hlusta?
Menntadagur atvinnulífsins er vettvangur þar sem fyrirtæki, menntastofnanir, stjórnvöld og aðrir hagaðilar koma saman til að ræða hvernig menntun getur betur mætt raunverulegum þörfum framtíðarinnar.
Dagskrá Menntadags atvinnulífsins 2026 verður fjölbreytt og áhugaverð. Sérstaklega er sjónum beint að samspili og samvinnu atvinnulífs og skóla. Þátttakendur koma víða að úr atvinnulífi, menntakerfi, stjórnmálum og stjórnsýslu.
Sigríður Margrét Oddsdóttir, fráfarandi framkvæmdastjóri Samtaka atvinnulífsins, fjallar um viðamikla könnun sem lögð hefur verið fyrir forsvarsfólk fyrirtækja innan vébanda SA.
Inga Sæland, mennta- og barnamálaráðherra, Logi Einarsson, menningar- og háskólaráðherra og Steinn Jóhannsson, sviðsstjóri hjá Reykjavíkurborg sitja fyrir svörum í pallborði hjá Sigurði Hannessyni, framkvæmdastjóra SI.
Helga Halldórsdóttir, mannauðsstjóri Arion banka, Guðrún Inga Sívertsen, skólastjóri Verzlunarskóla Íslands, Magnús Þór Jónsson, formaður KÍ, og Tanya Zharov, aðstoðarforstjóri Alvotech, ræða málin í pallborði hjá Sigtryggi Magnasyni, forstöðumanni miðlunarsviðs SA.
Kastljósinu verður beint að samstarfi Kjarnafæði Norðlenska og VMA, starfinu í Elliðaárstöð og Bláa lóninu. Þá fáum við innlegg frá Írisi Róbertsdóttur, bæjarstjóra í Vestmannaeyjum og Sigurði Svavari Indriðasyni, sviðsstjóra bílgreinasviðs Iðunnar.
Síðast en ekki síst verður tilkynnt um menntafyrirtæki ársins og menntasprota.
Menntadagur atvinnulífsins er sameiginlegt verkefni SA, SI, SVÞ, SAF, SFS, SFF og Samorku.
Skráning fer fram
hér
.
Menntaverðlaun atvinnulífsins
Fögnum frábærum árangri
Menntaverðlaun atvinnulífsins verða afhent á Hilton Nordica miðvikudaginn 11. febrúar 2026.
Verðlaun eru sem fyrr veitt í tveimur flokkum. Menntafyrirtæki ársins er valið og menntasproti ársins útnefndur.
Láttu þig streyma
Taktu þátt úr fjarska
Menntadeginum í ár verður streymt á heimasíðu SA og öllum helstu fréttamiðlum.
Samtök ferðaþjónustunnar
Samtök orku- og veitufyrirtækja
Samtök fyrirtækja í fjármálaþjónustu
Samtök fyrirtækja í sjávarútvegi
Samtök iðnaðarins
Samtök verslunar og þjónustu
Starfsmenntasjóðir leggja deginum lið
Starfsmenntasjóðir hafa aukið starfshæfni og menntunarstig starfsfólks á almennum vinnumarkaði og bætt samkeppnishæfni fyrirtækja.
Landsmennt, Starfsafl, Starfsmenntasjóður verslunar og skrifstofufólks og Starfsmenntasjóður STF leggja Menntadegi atvinnulífsins lið í ár.
Skráning er hafin
Taktu þátt í deginum
https://www.sa.is/starfsemin/vidburdir/menntadagur-atvinulifsins-2026