Víðtækt þríhliða samkomulag
Mánudaginn 18. nóvember sl. var gert þríhliða samkomu-lag milli heildarsamtakanna á finnska vinnumarkaðnum og stjórnvalda. Einstökum verkalýðsfélögum og samtökum vinnuveitenda bar að tilkynna hvort þeir myndu gerast aðilar að því í síðasta lagi fyrir 30. nóvember. Samkomulagið hljóðaði upp á að ef samningsaðilar samþykktu samkomulagið yrði það undirritað 2. desember. Sú varð og raunin með allan þorra samningsaðila og var samkomulagið undirritað 2. desember og nær það til 92% launafólks á finnskum vinnumarkaði.
Víðtæk sátt forsenda undirritunar
Þessi aðferð við afgreiðslu kjarasáttarinnar fól í raun í raun í
sér að að forsenda undirritunar var að nánast allir sem
samkomulagið næði til yrðu fyrirfram bundnir af því og þar af
leiðandi að sem næst enginn þeirra felldi það í atkvæðagreiðslu
meðal félagsmanna. Undirritunin þann 2. desember staðfesti að
þáttakan var nægileg til þess að félög sem samþykkt höfðu
samninginn í atkvæðagreiðslu gætu gerst aðilar að honum með
undirritun forystumanna.
Hækkanir áætlaðar 3,7% og 3,4% á ári með
launaskriði
Helstu atriði samkomulagsins eru þau að samið er til tveggja ára,
en samningstíminn er frá 1. febrúar 2003 til 15. febrúar 2005. Frá
1. mars 2003 hækka mánaðarlaun um 2.400 kr. (28,39 evrur), en þó að
lágmarki um 1,8%. Þar til viðbótar er launahækkunum deilt út úr
svokölluðum pottum þannig að launahækkunin verður 2,9% að meðaltali
hjá öllum launamönnum. Með áætluðu launaskriði er búist við því að
launakostnaður hækki um 3,7% á næsta ári, verði þetta samkomulag að
kjarasamningi á vinnumarkaðnum öllum. Þann 1. mars 2004 verður
síðari launahækkun samningsins, en þá hækka mánaðarlaun um 2.300,
en þó ekki minna en 1,7%. Í launapott fara 0,5% og verður
launahækkunin því 2,2% samtals. Með launaskriði er búist við
3,4% launakostnaðarhækkun á árinu 2004.
"Rautt strik"
Samningurinn er með "rauðu striki" sem kveður á um að ef
neysluverðsvísitala hækkar um meira en 3,1% frá nóvember 2002 til
október 2003 þá hækka laun um það sem nemur vísitöluhækkun umfram
það mark. Aðilar geta þó samið um að sú hækkun komi ekki til
framkvæmda ef um verðbólguskot af erlendum uppruna er að ræða.
Lækkun tekjuskatts o.fl.
Samkomulagið kveður einnig á um bætt skilyrði fyrir trúnaðarmenn,
bann við ráðningarsambandi sem felur í sér styttri vinnutíma en
fjórar stundir á viku, aukin réttindi vegna veikinda barna, ákvæði
um aukið eftirlit af hálfu yfirvalda með notkun á erlendu
starfsfólki, lækkun tekjuskatts um 0,3% og aðgerðir í atvinnumálum
(auknar samgönguframkvæmdir, styrki til skipasmíðastöðva
o.fl.).
Aukinni uppsagnarvernd hafnað
Kröfur verkalýðsfélaganna um aukna uppsagnarvernd náðu ekki fram að
ganga. Meginkrafan var uppsagnargreiðsla svarandi til 6-24
mánaðarlauna eftir starfstíma hjá vinnuveitanda. Þá náðu hvorki
fram að ganga kröfur um styttri vinnutíma, einkum á þrískiptum
vöktum, né takmarkanir við notkun afkastahvetjandi kerfa.
