Samtök atvinnulífsins efndu til opins umræðufundar um fjármál ríkisins, forgangsröðun fjármuna og hvað landsmenn fá fyrir skattana sína í Hörpu miðvikudaginn 18. nóvember. Fulltrúar allra stjórnmálaflokka á Alþingi tóku þátt en yfirskrift fundarins var Hvert fara peningarnir þínir? Upptaka af fundinum er nú aðgengileg á vef SA ásamt greiningu efnahagssviðs SA á fjármálum ríkisins sem var lögð fram á fundinum.

Smelltu hér til að sjá allt efni fundarins - hluta hans má nálgast hér að neðan.

Þátttakendur voru Bjarni Benediktsson, fjármálaráðherra og formaður Sjálfstæðisflokksins, Brynhildur S. Björnsdóttir, stjórnarformaður Bjartrar framtíðar, Bjarkey Ólsen Gunnarsdóttir, þingmaður Vinstri grænna, Katrín Júlíusdóttir, varaformaður Samfylkingarinnar, Ásta Guðrún Helgadóttir, þingmaður Pírata og Sigurður Ingi Jóhannsson, sjávarútvegs- og landbúnaðarráðherra og varaformaður Framsóknarflokksins.

Formaður Samtaka atvinnulífsins, Björgólfur Jóhannsson, ávarpaði fundinn í upphafi en Þorsteinn Víglundsson, framkvæmdastjóri SA, stýrði umræðunum.

Greining efnahagssviðs SA (PDF)

Umræðunum var skipt upp í fjóra hluta sem voru leiddar inn með stuttum sjónvarpsinnslögum til að ramma umræðuefnið inn. Þú getur horft á innslögin og umræðurnar hér að neðan með því að smella á myndirnar.

Upphaf umræðna

Ávarp formanns SA

Innslag um skatta

Umræður um skatta

Innslag um forgangsröðun

Umræður um forgangsröðun

Innslag um innviði

Umræður um innviði

Innslag um framtíðina

Umræður um framtíðina

 

 Samtök atvinnulífsins þakka þeim fjölmörgu sem lögðu leið sína í Hörpu í gær eða horfðu á fundinn á netinu en hann var sýndur í beinni útsendingu á Vísi.