1 MIN
Stjórnvöld marki sóknarstefnu í atvinnumálum
Hannes G. Sigurðsson, aðstoðarframkvæmdastjóri Samtaka atvinnulífsins, segir í samtali við fréttastofu Stöðvar 2 að samtökin telji að Seðlabankinn hafi ráðist allt of hægt í stýrivaxtalækkanir. Svigrúm Seðlabankans til að keyra niður raunvexti fer minnkandi með lækkandi verðbólgu en hagdeild Samtaka atvinnulífsins telur að ábyrgðin á því að blása lífi í hagkerfið sé að færast frá Seðlabankanum og yfir á stjórnvöld. Hannes segir mikilvægast að stjórnvöld marki sóknarstefnu í atvinnumálum, eyði óvissu í kringum sjávarútveginn og stuðli að því að þau fjárfestingarverkefni sem eru á borðinu verði að veruleika.
Hannes G. Sigurðsson, aðstoðarframkvæmdastjóri Samtaka atvinnulífsins, segir í samtali við fréttastofu Stöðvar 2 að samtökin telji að Seðlabankinn hafi ráðist allt of hægt í stýrivaxtalækkanir. Svigrúm Seðlabankans til að keyra niður raunvexti fer minnkandi með lækkandi verðbólgu en hagdeild Samtaka atvinnulífsins telur að ábyrgðin á því að blása lífi í hagkerfið sé að færast frá Seðlabankanum og yfir á stjórnvöld. Hannes segir mikilvægast að stjórnvöld marki sóknarstefnu í atvinnumálum, eyði óvissu í kringum sjávarútveginn og stuðli að því að þau fjárfestingarverkefni sem eru á borðinu verði að veruleika.
Hægt er að horfa á frétt Stöðvar 2 hér en í umfjöllun um málið á Vísi segir að vaxtastefna Seðlabankans hafi eftir hrun miðað að því að styðja við gengi krónunnar frekar en að örva hagkerfið eins og víða annarstaðar. Verðbólgan hér á landi mælist nú aðeins 2,6 prósent, sem merki að svigrúm Seðlabankans til að keyra niður raunvexti í framtíðinni og auka þannig fjárfestingu fari minnkandi.
Hannes G. Sigurðsson, aðstoðarframkvæmdastjóri SA og forstöðumaður hagdeildar Samtaka atvinnulífsins, segir að samtökin telji að Seðlabankinn hafi ráðist allt of hægt í stýrivaxtalækkanir.
"Það hefur ítrekað komið fram í könnunum meðal stjórnenda að þeir telja að of hátt vaxtastig hafi komið í veg fyrir fjárfestingar undanfarin misseri. Nú um stundir þá er myndin flóknari og menn telja að ástæðan fyrir þessum litlu fjárfestingaráformum sé óvissa; pólitísk óvissa, skattastefna stjórnvalda og óvissan í kringum sjávarútveginn." segir Hannes.
Hann telur að fyrirtæki horfi að miklu leyti á nafnvexti, og þegar þeir séu komnir til jafns á við önnur lönd taki fjárfestingar hugsanlega við sér. Hannes segir að Seðlabankinn geti ekki haft mikil áhrif á fjárfestingu eftir að svigrúmið til vaxtalækkana hefur verið tæmt.
"Ég held að það sé mikilvægast að stjórnvöld marki sóknarstefnu í atvinnumálum, eyði óvissu í kringum sjávarútveginn og stuðli að þeim fjárfestingarverkefnum sem eru á borðinu og þá komust við upp úr þessari kreppu," segir Hannes. Ábyrgðin fyrir því að blása lífi í efnahagskerfið sé að færast frá Seðlabankanum og yfir til ríkisstjórnarinnar.
Sjá nánar: