Sigrún tekur við af Evu Margréti fyrir SA í Brussel

Sigrún Kristjánsdóttir hefur hafið störf á Evrópuskrifstofu Samtaka atvinnulífsins í Brussel. Sigrún er lögfræðingur frá Háskóla Íslands og hefur jafnframt numið Evrópufræði við Europa- Kolleg í Hamborg. Áður hefur Sigrún m.a. starfað hjá Eftirlitsstofnun EFTA, Héraðsdómi Reykjavíkur og Vinnueftirliti ríkisins. Hún tekur við af Evu Margréti Ævarsdóttur sem lætur innan skamms af störfum á Evrópuskrifstofunni og hefur lögmannsstörf á Lex lögmannsstofu. Samtök atvinnulífsins þakka Evu Margréti vel unnin störf og óska henni velfarnaðar á nýjum vettvangi.