Vinnumarkaður - 

30. Oktober 2019

Rangfærslur um laun blaðamanna leiðréttar

Samtök atvinnulífsins

1 MIN

Rangfærslur um laun blaðamanna leiðréttar

Í kjölfar sáttafundar þriðjudaginn 29. október var haft eftir Hjálmari Jónssyni, formanni Blaðamannafélags Íslands, á mbl.is að blaðamenn væru með „lægstu laun há­skóla­menntaðra í land­inu“. Í samtali við Fréttablaðið ítrekaði hann staðhæfinguna: „Við erum náttúrulega lægst launaða háskólastéttin í landinu ... Og ég fullyrði það að það sé engin háskólastétt í landinu jafn illa launuð“.

Í kjölfar sáttafundar þriðjudaginn 29. október var haft eftir Hjálmari Jónssyni, formanni Blaðamannafélags Íslands, á mbl.is að blaðamenn væru með „lægstu laun há­skóla­menntaðra í land­inu“. Í samtali við Fréttablaðið ítrekaði hann staðhæfinguna: „Við erum náttúrulega lægst launaða háskólastéttin í landinu ... Og ég fullyrði það að það sé engin háskólastétt í landinu jafn illa launuð“.

Fullyrðingar Hjálmars standast ekki. Samkvæmt launaupplýsingum Hagstofu Íslands var miðgildi reglulegra launa blaðamanna 603 þús. kr. á mánuði árið 2018, eins og sést á meðfylgjandi súluriti. Miðgildi reglulegra launa þeirra 29 starfsgreina þar sem háskólamenntunar er krafist var 599 þús. kr. þannig að blaðamenn voru í miðju launadreifingarinnar.

Sama gildir sé litið til grunnlauna, sem er þrengra launahugtak en regluleg laun. Miðgildi grunnlauna blaðamanna var 580 þús. kr. en miðgildi grunnlauna allra sérfræðinga var 588 þús. kr., þannig að miðgildi grunnlauna blaðamanna var einnig í miðju dreifingarinnar. Loks þegar litið er til heildarlauna, þ.e. þegar yfirvinnugreiðslum er bætt við regluleg laun, kemur fram að 10 starfsgreinar voru með lægri heildarlaun og 18 með hærri.

 

Samtök atvinnulífsins