"Það stendur upp úr að við erum að ná þessum markmiðum sem við settum okkur með samkomulagi í desember," segir Ari Edwald, framkvæmdastjóri SA, í samtali við Vísi.is eftir fund með ASÍ og stjórnvöldum um hið svonefnda rauða strik.

 
Í samtali við fréttavefinn segir Ari það til marks um að markmiðin séu að nást að Þjóðhagsstofnun spáir 2,6% verðbólgu frá upphafi til loka ársins. "Það herðir okkur í þeirri trú og vissu um hve mikilvægt það er að við náum markmiðunum í maí. Það er lítið sem stendur eftir af því svigrúmi sem þar er. Þess vegna er mjög mikilvægt að allir aðilar sem hafa áhrif á verðlag styðji við bakið á þessum markmiðum," segir Ari. Aðspurður segir hann lítið svigrúm til einhverra sértækra aðgerða núna en leggur áherslu á mikilvægi þess að þessi meðvitund nái til allra þeirra er komi að ákvörðunum um almenna verðlagsþróun. Þá segir Ari deilu sjúkraþjálfara hafa sett strik í reikninginn og vonast hann til að það breytist. Loks segir Ari breytingar í umhverfi grænmetisverslunar líklegar til að skila meiru en menn höfðu trú á áður.

Sjá frétt á Vísi.is.