Hvatningarverðlaun jafnréttismála 2018

Atvinnuvega- og nýsköpunarráðuneytið, Samtök atvinnulífsins,  Festa - miðstöð um samfélagsábyrgð og Háskóli Íslands óska eftir tilnefningum til Hvatningarverðlauna jafnréttismála 2018 sem verða afhent þann 19. nóvember næstkomandi.

Sérstakur samstarfsaðili verðlaunanna er UN Women á Íslandi. Verðlaunin afhendir Þórdís Kolbrún R. Gylfadóttir, ráðherra ferðamála, iðnaðar- og nýsköpunar.

Hvatningarverðlaunum jafnréttismála er ætlað að vekja jákvæða athygli á fyrirtækjum sem hafa stuðlað að jafnrétti á markvissan hátt innan sinna fyrirtækja og jafnframt að hvetja önnur fyrirtæki til að gera slíkt hið sama.

Leitað er eftir tilnefningum frá fyrirtækjum þar sem áhersla er lögð á neðangreinda þætti í starfsemi þeirra:

  • Tekið er mið af jafnréttismálum í allri stefnumótun fyrirtækisins.
  • Jafnrétti kynjanna er í hávegum haft í innri og ytri samskiptum fyrirtækisins.
  • Jöfn hlutföll kynjanna í stjórn, stjórnendastöður og aðrar almennar stöður.
  • Auknum möguleikum beggja kynja til starfsframa.
  • Jöfnum launum kynjanna.
  • Aukinni vitund um þann ávinning sem jafnrétti hefur fyrir fyrirtækið og samfélagið.

Sérstaklega er leitað að fyrirtækjum sem uppfylla eftirfarandi skilyrði:

  • Stefna fyrirtækis í jafnréttismálum hefur skýran tilgang og markmið.
  • Jafnrétti hefur fest rætur og sýnt er fram á varanleika.
  • Vakin er athygli á rekstrarlegum ávinningi af jafnrétti.
  • Jafnréttissýnin er hvetjandi fyrir önnur fyrirtæki.
  • Sýnt er frumkvæði og nýsköpun sem stuðlar að auknu jafnrétti kynjanna.

Frestur til að senda inn tilnefningar er til 13. nóvember, kl 17. 

Tilnefningar skulu sendast með tölvupósti á verdlaun@sa.is.  

Nánari upplýsingar um tilnefningar má nálgast hér (PDF)