Greinilega komið ferli vaxtalækkana
Bankastjórn Seðlabankans ákvað í gær að lækka vexti um 0,3% frá
og með deginum í dag. Í samtali við Morgunblaðið segir Ari Edwald,
framkvæmdastjóri Samtaka atvinnulífsins, vaxtalækkunina eðlilega
ákvörðun. Þar sem rétt rúmur mánuður sé liðinn frá síðustu
vaxtalækkun sé greinilegt að komið sé ferli vaxtalækkana og ljóst
að að raunvextir séu mjög háir með þeim mikla viðsnúningi sem hér
hefur orðið í verðlagsþróun. "Í því ljósi hefði ég getað búist við
því að þessi vaxtalækkun yrði meiri. Ég geri þó ráð fyrir því að
við getum átt von á frekari lækkunum innan skamms tíma, ef
framvindan verður áfram í þeim farvegi sem vonast er eftir," segir
Ari.
