Héraðsdómur telur að af  afdráttarlausu ákvæði stjórnarskrárinnar um að engan megi skylda til aðildar að félagi og öðrum lagaákvæðum verði að draga þá ályktun að enda þótt ákvæði í kjarasamningum um forgangsrétt til starfa verði almennt talin standast verði að beita slíku ákvæði af varfærni, þegar saman lýstur hagmunum starfsmanna í viðkomandi félagi og annarra starfsmanna. Láti vinnuveitandi félagsaðild starfsmanna skipta sköpum við uppsagnir, þannig að félagsmönnum í tilteknu stéttarfélagi sé skipulega hlíft við uppsögnum  á kostnað annarra starfsmanna feli það í sér svo alvarlega íhlutun í frelsi starfsmanna til að velja sér stéttarfélag eða vera utan þeirra að jafngildi þvingun til aðildar að viðkomandi stéttarfélagi. Slíka framkvæmd á forgangsréttarákvæði kjarasamnings verði að telja ósamrýmanlega 4. gr. laga nr. 80/1938 um stéttarfélög og vinnudeilur, og  2. mgr. 74. gr. stjórnarskrárinnar. 

Sjá nánar dóma Héraðsdóms Reykjavíkur (pdf-skjal)  sem kveðnir voru upp í dag í bótamálum málum tveggja félagsmanna Bifreiðastjórafélagsins Sleipnis en uppsagnir þeirra höfðu áður verið dæmdar brot gegn forgangsréttarákvæði í kjarasamningi félagsins af Félagsdómi.