1 MIN
Fjölbreytileikinn í beinu streymi
Hvatningarverðlaun jafnréttismála afhent í dag
Samtök atvinnulífsins og Háskóli Íslands halda morgunfund núna kl. 08:30 um jafnréttismál 2022 í Hátíðasal Háskóla Íslands. Að loknum fróðlegum erindum verða Hvatningarverðlaun jafnréttismála afhent fyrir kynjajafnrétti og Jafnréttissprotinn vegna framtaks m.t.t. til fjölmenningar, fötlunar og annarra brýnna viðfangsefna jafnréttismála.
Markmiðið með Hvatningarverðlaunum jafnréttismála er að vekja athygli á fyrirtækjum, sem sett hafa jafnrétti á oddinn og jafnframt að hvetja önnur fyrirtæki til þess að gera slíkt hið sama. Stjórnendur og starfsmenn fyrirtækja sem skapað hafa góða fyrirtækjamenningu þar sem jafnrétti og virðing fyrir fjölbreytileika samfélagsins liggur til grundvallar voru hvattir til að senda inn tilnefningu.
Verðlaunin eru nú veitt í tíunda sinn, en árið 2021 voru það Vörður og Samkaup sem hlutu verðlaunin.
Fundurinn hefst kl. 08:30 og er í beinu streymi hér:
Dagskrá
Ath. Húsið opnar 8:00 með morgunhressingu
Ávarp
Jón Atli Benediktsson, rektor HÍ
Ávarp
Halldór Benjamín Þorbergsson, framkvæmdastjóri SA
Við töpum öll
Thelma Kristín Kvaran, stjórnendaráðgjafi og sérfræðingur í ráðningum
Nýsköpunarvirkni fatlaðs fólks
Stefan C. Hardonk, prófessor við HÍ
Jafnrétti fyrir öll – Samkaup alla leið
Gunnur Líf Gunnarsdóttir, framkvæmdastjóri mannauðs- og samskiptasviðs Samkaupa
Áslaug Arna Sigurbjörnsdóttir, háskóla-, iðnaðar- og nýsköpunarráðherra, afhendir Hvatningarverðlaun jafnréttismála og Jafnréttissprotann.