Á fundi stjórnar UNICE, Evrópusamtaka atvinnulífsins, var ítrekuð fordæming forseta samtakanna á hryðjuverkunum í Bandaríkjunum og samstöðu lýst yfir með Bandaríkjamönnum. Lögð er áhersla á mikilvægi þess að hryðjuverkamönnum verði ekki leyft að trufla efnahagslegar og félagslegar framfarir um heim allan, heldur beri að tryggja að hjól atvinnulífsins snúist áfram með eðlilegum hætti í sífellt alþjóðlegra hagkerfi. Loks eru aðildarsamtök um alla Evrópu hvött til þess að minnast fórnarlambanna, en Samtök atvinnulífsins hvöttu einmitt landsmenn til að taka þátt í þriggja mínútna þögn kl. 10:00 í dag að íslenskum tíma.

Sjá yfirlýsingu stjórnar UNICE.