1 MIN
Dapurlegar niðurstöður vinnumarkaðsrannsóknar
Niðurstöður vinnumarkaðsrannsóknar Hagstofunnar fyrir ágúst síðastliðinn eru ekki uppörvandi. Fækkun íbúa á vinnualdri er áætluð 600 miðað við ágúst 2011 og vinnuaflsframboð landsmanna er talið hafa minnkað um 2.500. Sú fækkun skýrist annars vegar af fólksfækkuninni og fjölgun um 1.900 í hópi þeirra sem standa utan vinnumarkaðarins. Störfum fækkaði um 1.600 en þrátt fyrir það fækkar atvinnulausum um 900 vegna fjölgunar þeirra sem standa utan vinnumarkaðar.
Niðurstöður vinnumarkaðsrannsóknar Hagstofunnar fyrir ágúst síðastliðinn eru ekki uppörvandi. Fækkun íbúa á vinnualdri er áætluð 600 miðað við ágúst 2011 og vinnuaflsframboð landsmanna er talið hafa minnkað um 2.500. Sú fækkun skýrist annars vegar af fólksfækkuninni og fjölgun um 1.900 í hópi þeirra sem standa utan vinnumarkaðarins. Störfum fækkaði um 1.600 en þrátt fyrir það fækkar atvinnulausum um 900 vegna fjölgunar þeirra sem standa utan vinnumarkaðar.
Þegar litið er lengra aftur í tímann kemur í ljós að störf í ágúst hafa ekki verið færri síðan árið 2005. Loks hefur meðalvinnutími á viku styst um tæplega eina klukkustund. Fækkun starfandi fólks og stytting vinnutíma samanvegin leiðir til þeirrar niðurstöðu að unnum heildarvinnustundum hafi fækkað um 5% í ágúst miðað við sama tíma í fyrra.
Svipuð mynd kemur í ljós þegar litið er á niðurstöður rannsóknarinnar um þróunina innan þessa árs. Árstíðaleiðréttar tölur sýna að íbúum á vinnualdri hafi fækkað um 4.200 milli janúar og ágúst og að vinnuaflsframboð landsmanna hafi minnkað um 3.600 manns. Á sama tíma hafi starfandi fólki fækkað um 3.200 og vinnutími styst um eina klukkustund. Fækkun starfandi og stytting vinnutíma samanvegin sýnir að unnum heildarvinnustundum í landinu hafi fækkað um 4,3% frá ársbyrjun. Fjöldi atvinnulausra er svipaður sem og hlutfallslegt atvinnuleysi, eða 6,4% í ársbyrjun og 6,3% í ágúst.
Tengt efni:
Umfjöllun Stöðvar 2 - smelltu til að horfa
Umfjöllun Reykjavík síðdegis á Bylgjunni - smelltu til að hlusta