1 MIN
Aukin áhersla á samkeppnishæfni ESB-ríkja
Í samræmi við ákvörðun vorfundar leiðtoga ESB verða fundir fagráðherra sem fjalla um málefni innri markaðarins, iðnað og rannsóknir og þróun sameinaðir í framtíðinni. Markmið þessarar sameiningar er annars vegar að fækka ráðherrafundum og hins vegar að tryggja hagvöxt innan ESB og samkeppnishæfni ESB-ríkja út á við. Leiðtogafundurinn gaf ráðherrunum umboð til víðtæks samráðs við aðra ráðherrafundi um mál sem snerta viðfangsefnið.
Í samræmi við ákvörðun vorfundar leiðtoga ESB verða fundir fagráðherra sem fjalla um málefni innri markaðarins, iðnað og rannsóknir og þróun sameinaðir í framtíðinni. Markmið þessarar sameiningar er annars vegar að fækka ráðherrafundum og hins vegar að tryggja hagvöxt innan ESB og samkeppnishæfni ESB-ríkja út á við. Leiðtogafundurinn gaf ráðherrunum umboð til víðtæks samráðs við aðra ráðherrafundi um mál sem snerta viðfangsefnið.
UNICE, Evrópusamtök atvinnulífsins, hafa fagnað þessu framtaki og lagt ríka áherslu á að samráðs- og samræmingarhlutverk þessara nýju funda verði virt og þeim gert kleift að vinna að settum markmiðum. Ljóst þykir að framtíð Lissabon-ferilsins svokallaða kemur til með að ráðast að miklu leyti af árangri þessarar tilraunar, en helsta markmið hans er að ESB-ríkin verði samkeppnishæfasta efnahagssvæði veraldar árið 2010.