Í sáttmálanum sem má nálgast hér eru dregin fram gildi sem geta minnkað hættu á að einelti, áreitni eða ofbeldi á vinnustöðum eigi sér stað. Með því að hafa þau í heiðri stuðla starfsmenn að heilbrigðri vinnustaðamenningu.
Sáttmálann má einnig nálgast í Húsi atvinnulífsins og fyrirtæki geta óskað eftir því að fá það sent í pósti með því að senda tölvupóst á sa@sa.is .
Ef þú vilt útfæra eigin útgáfu og bæta við merki fyrirtækisins á veggspjaldið er sjálfsagt að útvega hrágögn.
SÁTTMÁLI GEGN EINELTI, ÁREITNI OG OFBELDI
Góð vinnustaðamenning skiptir sköpum fyrir vellíðan starfsfólks. Á vinnustaðnum eigum við góð samskipti og virðum eftirfarandi sáttmála.
- Við þekkjum stefnu og viðbragðsáætlun fyrirtækisins gegn einelti, kynferðislegri og kynbundinni áreitni og ofbeldi og erum meðvituð um skyldur okkar.
- Við sýnum kurteisi og virðingu í öllum samskiptum.
- Við líðum ekki einelti, áreitni eða ofbeldi.
- Við beitum ekki slíkri háttsemi og vitum að meðvirkni getur skaðað starfsfólk og vinnustað okkar.
- Við tökum tillit til ábendinga um að við getum bætt framkomu okkar.
- Við berum sameiginlega ábyrgð á vinnuumhverfinu og leggjum okkar af mörkum til að bæta það enn frekar.
- Við erum ólík, með mismunandi bakgrunn og lífsskoðanir, en sýnum hvert öðru virðingu í öllum samskiptum.
- Við skiljum að upplifun af samskiptum er mismunandi og gerum ekki lítið úr viðbrögðum og tilfinningum annarra.
- Við ræðum um framkomu sem okkur mislíkar, tökum upp varnir fyrir þá sem brotið er gegn og styðjum starfsfólk í að breyta hegðun sinni.
Sjá nánar:
Fræðsluefni á Vinnumarkaðsvef SA
Sniðmát til að nýta fyrir stefnu og viðbragðsáætlun fyrirtækja:
Opið sniðmát fyrir fyrirtæki um stefnu og viðbragðsáætlun gegn einelti, kynferðislegri og kynbundinni áreitni og ofbeldi (word)