dags
18. apríl 2024
tími
kl. 09:00 - 10:00
staður
Borgartún 35
Guðlaugur Þór Þórðarson, umhverfis-, orku- og loftslagsráðherra hyggst leggja í fundarferð um landið til þess að fjalla um stöðuna í orkumálum, þann árangur sem náðst hefur, áskoranir næstu ára og það sem kalla má viðbragðsáætlun stjórnvalda í orkumálum fyrir komandi misseri. Fyrsti fundurinn verður með okkur í Húsi atvinnulífsins 18. apríl nk.
Sigríður Margrét Oddsdóttir, framkvæmdastjóri Samtaka atvinnulífsins og Sigurður Hannesson, framkvæmdastjóri Samtaka iðnaðarins munu segja nokkur orð áður en ráðherra fjallar um stöðuna í orkumálum.
Fyrirséð er að næstu tvö til þrjú árin verði verulega krefjandi í raforkukerfinu. Segja má að komið sé að skuldadögum í orkumálum vegna aðgerðarleysis í málaflokknum, bæði þegar litið er til raforku og hitaveitu síðastliðin 15-20 ár. Margt hefur þó áunnist á síðustu tveimur árum og á næstu vikum og mánuðum og mörg stór mál á döfinni.
Fjölmennum og eigum samtal um þetta mikilvæga mál sem snertir allar atvinnugreinar næstu árin.