Í síðustu viku heimsóttu Samtök atvinnulífsins Sauðárkrók og Akureyri sem hluta af árlegri hringferð samtakanna.

Veður og færð á miðvikudag settu strik í reikninginn varðandi fyrirhugaðan fund á Sauðárkróki. Þrátt fyrir það tókst að fara í fyrirtækjaheimsóknir á Króknum, þar sem heimsótt voru Kaupfélag Skagfirðinga, Dögun og Steinull.

Fimmtudagurinn hófst með heimsókn til TDK við Krossanes á Akureyri. Að heimsókn lokinni var efnt til vinnufundar í Hofi, þar sem fjölbreyttur hópur félagsmanna SA og annarra áhugasamra kom saman. Að fundi loknum voru heimsótt fyrirtækin Slippurinn DNG og Samherji.

Hér að neðan má sjá myndir úr ferðinni.