Samgöngu- og sveitarstjórnarráðuneytið og Samtök atvinnulífsins standa að morgunfundi um netógnir sem steðja að íslenskum fyrirtækjum.

Fundurinn verður haldinn á Grand hótel Reykjavík fimmtudaginn 31. október kl. 8.30-10 í tilefni af evrópska netöryggismánuðinum í október.

Einn af æðstu yfirmönnum Norsk Hydro mun segja frá alvarlegri netárás á fyrirtækið og lærdómi sem draga megi af henni. Fyrirlesari frá Norska tækniháskólanum mun m.a. fjalla um miðstöð sem sett hefur verið upp til að æfa varnir gegn árásum á stofnanir og fyrirtæki. Loks munu tveir öryggissérfræðingar frá Landsbankanum fjalla um leiðir til að halda vöku sinni varðandi netógnir framtíðar.

Dagskrá og skráning á vef Stjórnarráðsins

Boðið verður upp á morgunverð frá kl. 8. Fundinum verður streymt í beinni útsendingu á vef Stjórnarráðsins, á vef SA og á Facebook-síðu samtakanna.