Vinnumarkaður - 

06. september 2012

Vinnuverndarvika á Íslandi 22.-26. október

Samtök atvinnulífsins

1 MIN

Vinnuverndarvika á Íslandi 22.-26. október

Dagarnir 22.-26. október eru helgaðir vinnuvernd en þá fer fram viðamikil dagskrá um vinnuvernd út um alla Evrópu undir yfirskriftinni Vinnuvernd - allir vinna. Vinnuverndarvikan er haldin árlega en hluti af henni er ráðstefna á Grand Hótel Reykjavík þriðjudaginn 23. október þar sem sérfræðingar úr atvinnulífinu fjalla um ýmsa þætti sem lúta að vinnuvernd í víðustu merkingu hugtaksins. Tilgangur vinnuverndarvikunnar að gera vinnustaði heilsusamlegri og öruggari.

Dagarnir 22.-26. október eru helgaðir vinnuvernd en þá fer fram viðamikil dagskrá um vinnuvernd út um alla Evrópu undir yfirskriftinni Vinnuvernd - allir vinna. Vinnuverndarvikan er haldin árlega en hluti af henni er ráðstefna á Grand Hótel Reykjavík þriðjudaginn 23. október þar sem sérfræðingar úr atvinnulífinu fjalla um ýmsa þætti sem lúta að vinnuvernd í víðustu merkingu hugtaksins. Tilgangur vinnuverndarvikunnar að gera vinnustaði heilsusamlegri og öruggari.

Evrópska vinnuverndarstofnunin í Bilbao á Spáni stendur fyrir þessu sameiginlega átaki Evrópuþjóða í seinni hluta október ár hvert. Markmiðið er að vekja athygli fólks á ákveðnum þáttum í vinnuumhverfinu með áherslu á heilsufarslegan og fjárhagslegan hagnað af markvissu vinnuverndarstarfi. Starfshópur, skipaður fulltrúum atvinnulífsins og Vinnueftirlitsins, sér um framkvæmd verkefnisins hér á landi. Dagskrá ráðstefnunnar á Grand Hótel verður auglýst þegar nær dregur.

Á vef Evrópsku vinnuverndarstofnunarinnar er að finna talsvert af útgefnu fræðsluefni um vinnuvernd en nánari upplýsingar er að finna á íslenskri upplýsingasíðu stofnunarinnar:

Vinnuvernd - allir vinna

Fræðsluefni á íslensku er að finna hér

Vefur Evrópsku vinnuverndarstofnunarinnar

Vefur Vinnueftirlitsins

Samtök atvinnulífsins