Styrkir vegna starfsmenntunar 2003

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu. Auglýst er eftir umsóknum til verkefna sem tengjast:

1. Ný tækifæri til náms
Verkefni sem auka tækifæri og hvetja einstaklinga til náms ásamt því að efla frumkvæði einstaklinga sem fyrirtækja til aðgerða gegn atvinnuleysi.  Frumkvöðlastarfsemi nýtur forgangs ásamt starfsmenntun á landsbyggðinni.

2. Náms- og starfsráðgjöf í atvinnulífinu
Betra aðgengi að náms- og starfsráðgjöf fyrir fyrirtæki og einstaklinga, atvinnulausa jafnt sem starfandi, stuðlar að öflugri upplýsingagjöf og vandaðri ákvarðanatöku, einstaklingum og atvinnulífinu til hagsbóta.

3. Stuttar starfsmenntabrautir
Þörf er á að skipuleggja 1 - 2 ára starfsmenntabrautir byggðar á starfsþjálfun og sérhæfingu á vinnustað studdri með námskeiðum.  Að stuttar starfsmenntabrautir verði skilgreindar og unnið að því að þær verði metnar á formlegan hátt og fái þannig opinbera viðurkenningu

Til úthlutunar eru 50 milljónir. Umsóknarfrestur er til 12. mars 2003


 
Rétt til að sækja um styrk eiga:

Samtök atvinnurekenda og launafólks, einstök fyrirtæki, einkaaðilar eða opinberir aðilar sem standa fyrir starfsmenntun í atvinnulífinu, starfsmenntaráð einstakra atvinnugreina og samstarfsverkefni á vegum tveggja eða fleiri framangreindra aðila.  Umsóknir frá skólum koma aðeins til greina þegar um er að ræða samstarf við framangreinda aðila, einn eða fleiri.

Sjá nánari upplýsingar og umsóknareyðublöð á heimasíðu Starfsmenntaráðs. Eingöngu er tekið við umsóknum á rafrænu formi.