Efnahagsmál - 

17. maí 2011

Ríkisstjórnin standi við gefin fyrirheit í sjávarútvegsmálum

Samtök atvinnulífsins

1 MIN

Ríkisstjórnin standi við gefin fyrirheit í sjávarútvegsmálum

Nýtt kvótafrumvarp stjórnarflokkanna veikir rekstrarskilyrði sjávarútvegsins og er því ekki í samræmi við yfirlýsingu ríkisstjórnar Íslands sem gefin var út í tengslum við undirskrift kjarasamninga á almennum vinnumarkaði til næstu þriggja ára. Þetta segir Vilhjálmur Egilsson, framkvæmdastjóri Samtaka atvinnulífsins, í samtali við fréttastofu RÚV. "Mér sýnist að í engu atriði sé verið að bæta rekstrarskilyrði sjávarútvegsins en í flestum atriðum verið að veikja þessi rekstrarskilyrði." Í yfirlýsingu ríkisstjórnarinnar frá 5. maí segir að sjávarútveginum verði tryggð góð rekstrarskilyrði.

Nýtt kvótafrumvarp stjórnarflokkanna veikir rekstrarskilyrði sjávarútvegsins og er því ekki í samræmi við yfirlýsingu ríkisstjórnar Íslands sem gefin var út í tengslum við undirskrift kjarasamninga á almennum vinnumarkaði til næstu þriggja ára. Þetta segir Vilhjálmur Egilsson, framkvæmdastjóri Samtaka atvinnulífsins, í samtali við fréttastofu RÚV. "Mér sýnist að í engu atriði sé verið að bæta rekstrarskilyrði sjávarútvegsins en í flestum atriðum verið að veikja þessi rekstrarskilyrði." Í yfirlýsingu ríkisstjórnarinnar frá 5. maí segir að sjávarútveginum verði tryggð góð rekstrarskilyrði.

Vilhjálmur gagnrýnir m.a. takmörkun á framsali aflaheimilda. "Þetta er algjört grundvallaratriði til að mynda hagkvæmni í greininni og ég hygg að ekkert einasta skip sem gert er út í dag væri rekstrarhæft ef þessi regla hefði gilt allt frá upptöku kvótakerfisins." Þá gagnrýnir hann fyrirætlanir um takmörkun á veðsetningu aflaheimilda sem muni skemma fyrir lánsviðskiptum við sjávarútveginn.

Framkvæmdastjóri SA segir ljóst að gera þurfi miklar breytingar á kvótafrumvarpinu áður en nýir kjarasamningar taki gildi þann 22. júní næstkomandi og leggur áherslu á að sátt náist um málið fyrir þann tíma. Það verði að treysta því að ríkisstjórnin standi við þá yfirlýsingu sem hún gaf út í tengslum við gerð kjarasamninga á almennum vinnumarkaði til þriggja ára.

Sjá nánar:

Horfa á frétt RÚV 16. maí 2011

Tengt efni:

Yfirlýsing ríkisstjórnar vegna kjarasamninga til þriggja ára (PDF)

Upplýsingavefur SA um kjarasamninga á almennum vinnumarkaði til þrigga ára

Samtök atvinnulífsins