Málþing um starfsendurhæfingu


Þriðjudaginn 13. nóvember nk. verður haldið málþing um mikilvægi starfsendurhæfingar í þeim tilvikum þegar einstaklingar hafa verið lengi frá vinnu vegna veikinda eða slysa. Að málþinginu standa Samtök atvinnulífsins, Tryggingastofnun ríkisins, Landssamtök lífeyrissjóða, ASÍ, Vinnumálastofnun og Samstarfsráð um endurhæfingu. Reynslan sýnir að löng fjarvera hefur áhrif á sjálfsbjargarviðleitni og sjálfsöryggi, eykur kvíða og leiðir jafnvel til þunglyndis. Þessir einstaklingar eiga í mörgum tilvikum ekki afturkvæmt út á vinnumarkaðinn og enda að lokum á örorkubótum. Talið er að markviss aðstoð og endurhæfing geti skipt sköpum sé hún veitt í tæka tíð. Markmið málþingsins er að skapa umræðu um skipulag starfsendurhæfingar á Íslandi og leiðir til úrbóta.

Málþingið verður haldið 13. nóvember nk. kl. 13 - 16, á Grand Hótel Reykjavík