07. Júní 2022

Fulltrúar atvinnulífsins á formannafundi Business Europe

Samtök atvinnulífsins

1 MIN

Fulltrúar atvinnulífsins á formannafundi Business Europe

Formannafundur Business Europe (Council of Presidents) var haldinn 3. júní í Prag í Tékklandi. Formenn Samtaka atvinnulífsins og Samtaka iðnaðarins sóttu fundinn ásamt framkvæmdastjórum og fastafulltrúa.

Business Europe eru leiðandi hagsmunasamtök sem beita sér fyrir vexti og samkeppnishæfni fyrirtækja á evrópskum vettvangi. 40 aðildarsamtök fyrirtækja af öllum stærðum og gerðum í 35 Evrópulöndum eru meðlimir Business Europe.

Stríðið í Úkraínu og afleiðingar þess á efnahagslíf í Evrópu var aðal umræðuefni fundarins en að auki var rætt um áhrif verðbólgu, rof í virðiskeðjum og þau mál sem eru á döfinni hjá Evrópusambandinu. Aðildarsamtök Business Europe fordæmdu innrásina í Úkraínu og áréttuðu að Evrópusambandið verði að gera allt sem í þeirra valdi stendur til að verja alþjóðalög og styðja Úkraínu og íbúa landsins. Aðilar Business Europe hafa frá upphafi staðið að baki viðskiptaþvingunum á Rússland.

Þau stóru tíðindi urðu að Svíinn Fredrik Persson tekur við sem forseti Business Europe 1. júlí nk. af Pierre Gattaz og er hann kjörinn til 2 ára.

Ályktun fundarins má finna hér.

Halldór Benjamín Þorbergsson, framkvæmdastjóri SA, Heiðrún Björk Gísladóttir, fastafulltrúi hjá Business Europe, Sigurður Hannesson, framkvæmdastjóri SI, fyrir aftan þá Eyjólf Árna Rafnsson, formann SA og Árna Sigurjónsson, formann SI.

Samtök atvinnulífsins