3,7% atvinnuleysi

Í dag, fimmtudaginn 6. febrúar eru 6.059 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,7% af mannafla, nánar tiltekið 3,72%. Þetta er fjölgun um 144 einstaklinga á tæpri viku, eða sem nemur um 0,1% af mannafla. Föstudaginn 24. janúar hafði atvinnulausum á skrá fjölgað um 129 manns á einni viku og föstudaginn 31. janúar um 142, þ.e. í kringum 0,1% af mannafla í viku hverri. Hlutfallslegt atvinnuleysi er það sama hjá körlum og konum. Línuritið sýnir þróunina frá áramótum, þegar atvinnuleysi mældist 3,1%.

Smellið á myndina

Heimild: Vinnumálastofnun. Mælingum fyrir einstaka daga er ekki haldið til haga á vef stofnunarinnar, sem skýrir eyðuna milli 31. desember 2002 og 17. janúar 2003.