2.3% atvinnuleysi í apríl

Í apríl sl. voru skráðir rúmlega 74.200 atvinnuleysisdagar á landinu öllu sem jafngilda því að 3.542 manns hafi að meðaltali verið á atvinnuleysisskrá í mánuðinum, eða 2,3% atvinnuleysi af áætluðum mannafla á vinnumarkaði. Til samanburðar mældist atvinnuleysið 2,6% í mars sl. og 3,5% í apríl 2004. Atvinnuleysi í apríl hefur ekki mælst jafn lítið síðan í apríl 2001 en þá mældist það 1,6%. Sjá nánar á vef Vinnumálastofnunar.