1% atvinnuleysi í september

Í septembermánuði síðastliðnum voru skráðir 34.140 atvinnuleysisdagar á landinu öllu sem jafngilda því að 1.628 manns hafi að meðaltali verið á atvinnuleysisskrá í mánuðinum, eða 1% af áætluðum mannafla á vinnumarkaði. Til samanburðar mældist atvinnuleysið 1,2% í ágúst sl. og 1,4% í september 2005. Að mati Vinnumálastofnunar má gera ráð fyrir að atvinnuleysi aukist lítilsháttar í október. Sjá nánar á vef Vinnumálastofnunar.