1,6% atvinnuleysi í janúar

Í janúar sl. voru alls skráðir 53.682 atvinnuleysisdagar á landinu öllu sem jafngilda því að 2.443 manns hafi að meðaltali verið á atvinnuleysskrá í mánuðinum, eða 1,6% af áætluðum mannafla á vinnumarkaði. Til samanburðar mældist atvinnuleysið 1,5% í desember sl. en 3,0% í janúar 2005. Að sögn Vinnumálastofnunar eru yfirleitt litlar breytingar á atvinnustigi milli janúar og febrúar. Sjá nánar á vef Vinnumálastofnunar.