1,3% atvinnuleysi í maí

Í maímánuði sl. voru skráðir 47.418 atvinnuleysisdagar á landinu öllu sem jafngilda því að 2.062 manns hafi að meðaltali verið á atvinnuleysisskrá í mánuðinum, eða 1,3% af áætluðum mannafla á vinnumarkaði. Atvinnuleysið mældist einnig 1,3% í apríl sl. en í maí 2005 mældist það 2,2%. Að mati Vinnumálastofnunar bendir flest til að litlar breytingar verði á atvinnuleysi milli maí og júní og reiknar stofnunin með að atvinnuleysi verði 1,2 til 1,5% í júní. Sjá nánar á vef Vinnumálastofnunar.