Launakostnaður hefur aukist tvöfalt á við viðskiptalöndin

Á síðustu sex árum hafa laun á almennum markaði hér á landi hækkað um 45% mælt í erlendum gjaldmiðli, samanborið við 18% hækkun að meðaltali í viðskiptalöndum okkar. Hækkunin hér á landi var því ríflega tvöföld á þessu tímabili.
Sjá nánar

Launin aldrei verið hærra hlutfall verðmætasköpunarinnar
Hlutfall launa af verðmætasköpuninni stefnir í 70% á þessu ári, sem er sögulegt hámark sem rekja má til launa- og gengisþróunar undanfarinna ára. Að meðaltali mun þetta hlutfall vera um 60% meðal OECD-ríkja. Þetta háa launahlutfall þýðir minni framlegð í atvinnulífinu, minni arðsemi fjármagns og að minna fé er varið til fjárfestinga.
Sjá nánar

Lægstu launin hafa hækkað mest

Frá ársbyrjun 1997 hefur kaupmáttur lægstu launa hækkað um 40%, sem er ríflega tvöfalt meiri kaupmáttaraukning en átt hefur sér stað hjá launafólki á almennum vinnumarkaði. Við núverandi aðstæður er næsta víst að sérstakar hækkanir lægstu launa myndu færast upp allan launastigann.
Sjá nánar

Í aðdraganda samningalotu
Lítið svigrúm er til launahækkana í miðlægum samningum segir Ari Edwald, framkvæmdastjóri SA. Hlutur launa í verðmætasköpuninni sé hærri en fái staðist til lengdar og hljóti að lækka fyrr en síðar, með hægari launabreytingum hér á landi en í viðskiptalöndunum eða með lækkun gengis krónunnar. Sú fyrri sé leið stöðugleikans en hin síðari hafi oftast verið kennd við kollsteypur.
Sjá nánar

Samkeppnin að aukast í íslensku atvinnulífi

Flest bendir til að samkeppni hafi aukist mikið í íslensku atvinnulífi, þótt rannsóknir séu af skornum skammti, sagði Guðrún Johnsen, hagfræðingur hjá SA, á morgunfundi Viðskipta- og hagfræðideildar HÍ. Bæði milljónamæringum og fyrirtækjum hefur fjölgað gífurlega undanfarin ár og verðlagsþróun styður ekki kenningar um neikvæð áhrif af fákeppni.
Sjá nánar

Samneyslan hækkar hér en lækkar á Norðurlöndum
Hlutfall samneyslu af landsframleiðslu hefur vaxið hratt hér á landi síðustu áratugi, en hefur hins vegar staðið í stað eða lækkað á hinum Norður- löndunum. Þetta kemur fram í nýlegri skýrslu OECD. Af Norðurlöndunum er hlutur samneyslunnar einungis hærri í Svíþjóð.
Sjá nánar

Starfsmenntaverðlaunin til Eimskips, Eftirmenntunar vélstjóra og Verkmenntaskólans á Akureyri

Starfsmenntaverðlaunin í ár hljóta Eimskip í flokki fyrirtækja, Eftirmenntun vélstjóra í flokki skóla og fræðsluaðila og Verkmenntaskólinn á Akureyri í opnum flokki.
Sjá nánar

Stytting náms til stúdentsprófs
SA fagna því að hreyfing sé að komast á styttingu náms til stúdentsprófs, sem verið hefur eitt helsta stefnumál samtakanna í menntamálum. Mikið þjóðhagslegt hagræði yrði af slíkri breytingu og hagsmunir atvinnulífsins af sumarvinnu skólafólks standa ekki í vegi fyrir lengingu skólaársins í þessu skyni, sé það gert fyrri hluta sumars.
Sjá nánar

Aðalfundur LÍÚ 30.-31. október
Sjá nánar á heimasíðu LÍÚ

Kaupmáttur jókst um 3,2%

Á tímabilinu frá 2. ársfjórðungi 2002 til 2. ársfjórðungs 2003 hækkuðu regluleg laun að meðaltali um 5,2%, samkvæmt niðurstöðum launakönnunar Kjararannsóknarnefndar (KRN). Á sama tíma hækkaði vísitala neysluverðs um 2,0% og samkvæmt því jókst kaupmáttur að meðaltali um 3,2%.
Sjá nánar í fréttabréfi KRN

Vaxandi hlutfall langtíma atvinnuleysis
Í lok ágúst höfðu 1.493 einstaklingar verið á atvinnuleysisskrá í 6 mánuði eða lengur, eða 32,8% af heildarfjölda atvinnulausra. Þetta hlutfall var 24,4% í lok ágúst 2002.
Sjá nánar á heimasíðu Hagstofunnar

Nýsköpunarstyrkir Starfsafls fyrir fyrirtæki
Starfsafl hefur ákveðið að veita tvo svokallaða nýsköpunarstyrki Starfsafls. Hvor um sig er að upphæð 500.000 kr. og er tilgangur þeirra að styðja við viðleitni fyrirtækja innan SA til að vinna að nýsköpun í símenntunarmálum starfsmanna sem aðild eiga að Flóabandalaginu. Umsóknarfrestur er til 1. desember.
Sjá nánar á heimasíðu Starfsafls

Leonardó-styrkir: starfsþjálfun erlendis o.fl.

Viltu senda starfsmann í þjálfun erlendis? Ertu í samstarfi við aðra evrópska aðila í starfs- menntamálum? Landsskrifstofa Leonardó á Íslandi lýsir eftir umsóknum um styrki í mannaskipta- og tilraunaverkefni Leonardo da Vinci starfsmenntaáætlunar ESB. Umsóknar- frestur er til 3. október 2003.
Sjá nánar

Evrópustyrkir vegna nýsköpunar
Viku nýsköpunar er lýkur á morgun, föstudag, með tveimur opnum fundum um Evrópustyrki sem í boði eru til nýsköpunar. Meðal annars verður fjallað um 6. rannsóknaráætlun ESB og stuðning við lítil og meðalstór fyrirtæki.
Sjá nánar á heimasíðu Samtaka iðnaðarins

Heimsviðskiptin misstu af tækifæri í Cancun

UNICE, Evrópusamtök atvinnulífsins, lýsa yfir miklum vonbrigðum með að fundur WTO í Cancun skuli hafa farið út um þúfur. Samtökin lýsa áhyggjum af mögulegum áhrifum á framtíð WTO og hvetja öll aðildarríkin til að leggja sitt af mörkum til að framhald verði á Doha-samningalotu WTO um aukið frelsi í viðskiptum.
Sjá nánar

Frakkar hætta við styttingu vinnuvikunnar
Frakkar hyggjast breyta nokkurra ára gömlum lögum sem kveða á um 35 klst. vinnuviku. Samkvæmt nýrri skoðanakönnun telja 67% þjóðarinnar að lögin hafi ekki náð meginmarkmiði sínu, að draga úr atvinnuleysi. Þá töldu svarendur að löggjöfin væri fyrirtækjum erfið og þvingaði þau jafnvel til að flytja starfsemi úr landi.
Sjá nánar