Íslensk fyrirtæki með í mótun Evrópulöggjafar

Íslensk fyrirtæki munu taka þátt í nýju rafrænu umsagnarkerfi ESB um mótun nýrrar Evrópu- löggjafar, fyrir milligöngu SA og aðildarfélaga. Þannig fá íslensk fyrirtæki tækifæri til að tjá sig á frumstigi um Evrópulöggjöf sem getur haft veruleg áhrif á rekstrarumhverfi þeirra eftir að hún er tekin upp í íslenska löggjöf í gegnun EES-samninginn.
Sjá nánar

Bætt réttaröryggi fólks og fyrirtækja
Setja þarf samræmdar og skýrar framkvæmdarreglur fyrir þær stjórn- valdsstofnanir sem einhverra hluta vegna telja sig þurfa að sækja gögn inn á heimili fólks eða í fyrirtæki. Þetta er niðurstaða danskrar réttar- öryggisnefndar sem danski dómsmálaráðherrann hefur gert að sinni.
Sjá nánar

Lifi samkeppnin
„Loksins, loksins er að myndast almennur skilningur á þeirri brýnu nauðsyn sem er á endurskoðun samkeppnislaga,“ segir Ari Edwald, framkvæmda- stjóri SA. Mikilvægt sé þó að betur verði vandað til verka en við síðustu endurskoðun laganna. Ari segir samkeppni hafa stóraukist í íslensku viðskiptalífi og að mikil tækifæri séu til lífskjarabóta með því að ljúka upp fyrir samkeppni þar sem hún er nú lítil eða engin.
Sjá nánar

Ábyrgð nýs rekstraraðila gagnvart starfsmönnum

Við kaup á fyrirtæki eða hluta þess og samruna fyrirtækja geta starfsmenn átt rétt á að flytjast yfir til hins nýja rekstraraðila með óbreyttum kjörum og nýji rekstraraðilinn jafnvel verið ábyrgur fyrir ógreiddum launaskuldum fyrri vinnuveitanda gagnvart þeim starfsmönnum sem hefja störf hjá honum.
Sjá nánar

Réttur til orlofstöku, ekki orlofslauna
Úrskurðarnefnd fæðingar- og foreldraorlofsmála hefur komist að þeirri niðurstöðu að lög um fæðingar- og foreldraorlof feli ekki í sér réttinn til orlofslauna heldur einungis réttinn til orlofstöku. Þetta er í samræmi við túlkun SA og sameiginlegar forsendur SA og ASÍ sem byggt var á við setningu laganna.
Sjá nánar

Fá atvinnu- og dvalarleyfi með flýtimeðferð

Sérstakt fyrirkomulag er í gildi varðandi ráðningu erlends starfsfólks úr starfsgreinum þar sem skortur ríkir í Danmörku. Danska útlendingastofan heldur lista yfir umræddar starfsgreinar og veitir starfsfólki úr þeim, frá löndum utan EES, atvinnu- og dvalarleyfi með flýtimeðferð.
Sjá nánar

SA og samkeppnismálin

Undanfarin ár hafa SA ítrekað bent á ýmsa ágalla á samkeppnislöggjöfinni og framkvæmd hennar og sett fram ýmsar tillögur til úrbóta, m.a. í ítarlegri skýrslu. Nú hafa öll þau skrif sem SA hafa sent frá sér um samkeppnismál, ýmis viðtöl sem birst hafa í fjölmiðlum o.fl. verið tekin saman á einum stað á heimasíðu samtakanna.
Sjá nánar

Nýir starfsmenn til SA

Tveir nýir starfsmenn hafa tekið til starfa hjá Samtökum atvinnulífsins. Guðrún Johnsen hefur hafið störf á hagdeild samtakanna og Auður Guðmundsdóttir hefur hafið störf sem móttökuritari.
Sjá nánar um bakgrunn Guðrúnar Johnsen

Viltu senda starfsmann í þjálfun erlendis? Ertu í samstarfi við aðra evrópska aðila í starfsmenntamálum? Landsskrifstofa Leonardó á Íslandi lýsir eftir umsóknum um styrki í mannaskipta- og tilraunaverkefni Leonardo da Vinci starfsmenntaáætlunar ESB. Umsóknarfrestur er til 3. október 2003.
Sjá nánar

Vika símenntunar 7.-13. september

Vika símenntunar verður haldin dagana 7.-13. september nk. Málþing, sérstakur símennta- dagur í fyrirtækjum o.fl. er meðal þess sem verður á döfinni, en þema vikunnar að þessu sinni er „fjarnám“og aðrar óhefðbundnar leiðir til náms.
Sjá nánar á heimasíðu vikunnar

Opinn fundur um samstarf menningar- og atvinnulífs

Föstudaginn 5. september nk. gangast Listahátíð í Reykjavík og Höfuðborgarstofa, í samvinnu við SA, fyrir opnum fundi í Listasafni Reykjavíkur um samstarf menningar- og atvinnulífs. Aðalfyrirlesari verður Mikael Strandänger, framkvæmdastjóri alþjóðlegu samtakanna Arts and Business.
Sjá nánar

Vika símenntunar 7.-13. september
Sjá nánar

Klasar og samkeppnishæfni fyrirtækja og svæða, 9.-10. sept.
Sjá nánar

Launahækkanir nær tvöfalt meiri hérlendis
Í Danmörku hafa laun að meðaltali hækkað um 3,9% frá sama tíma í fyrra. Ársmeðaltalið innan ESB eru 3%. Hérlendis hafa laun hækkað um 5,5% milli ára á almennum vinnumarkaði og um 5,9% hjá hinu opinbera. Launa- hækkanir hafa því verið næstum tvöfalt meiri hér en að jafnaði meðal okkar samkeppnisríkja og eru þær langhæstar hérlendis.
Sjá nánar

Sérkjarasamningur vegna jarðgangagerðar undirritaður

Í júlí var undirritaður sérkjarasamningur milli SA og hlutaðeigandi verkalýðsfélaga vegna vinnu við gerð jarðganga milli Reyðarfjarðar og Fáskrúðsfjarðar. Samningurinn fjallar um skipulegar 10 daga vinnulotur, fyrirkomulag vakta, ferðir til og frá vinnustað, tryggingar og öryggismál, og hefur sama gildistíma og aðalkjarasamningar samningsaðila, þ.e. til næstu áramóta.
Sjá samninginn

Þörf á hagræðingu í heilbrigðiskerfinu

Hægt er að nýta kosti samkeppni og einka- rekstrar til hagræðingar í heilbrigðiskerfinu, án þess að hlutur hins opinbera í kostnaði við hvern sjúkling minnki, né heldur gæði þjón- ustunnar, sagði Ari Edwald, framkvæmdastjóri SA, m.a. í erindi á málþingi LSH um rekstur sjúkrahúsa o.fl.
Sjá nánar

Óhagkvæmt fyrirkomulag frítöku
Í Morgunblaðsgrein fjallar Gústaf Adolf Skúlason, forstöðumaður hjá SA, um þá röskun sem fylgir löngum sumarleyfistíma á Íslandi, fimmtudags- frídaga o.fl. Hann hvetur til fækkunar skólaára og lengingar skólaársins, sem m.a. myndi stuðla að hagkvæmara fyrirkomulagi orlofstöku hérlendis.
Sjá nánar

Önnur verkefni í stað veikindafjarvistar?
Dönsku samtök atvinnulífsins hafa lagt til að í veikindavottorðum til atvinnurekenda taki læknar fram hvaða eða hvers konar verkefni viðkomandi starfsmenn geti ekki innt af hendi sökum veikindanna. Danska alþýðusambandið styður tillöguna, en sambærilegt fyrirkomulag hefur skilað góðum árangri í Noregi.
Sjá nánar