Litlar veikindafjarvistir á Íslandi?

Veikindafjarvistir virðast vera talsvert minni hér á landi en á öðrum Norðurlöndum, en hérlend gögn eru reyndar mjög takmörkuð. Erlendis eru þær meiri hjá hinu opinbera en í einkageiranum og vísbendingar eru um það sama hér á landi. Ætla má að beinn kostnaður vegna veikindafjarvista sé um 20-25 milljarðar króna á ári.
Sjá nánar

Samkeppnislögin harðari og þrengri hér

Nýlegar breytingarnar á dönsku samkeppnislögunum miða að því að skerpa og herða ákvæði laganna. Þrátt fyrir þessar breytingar í Danmörku verður að telja að samkeppnislög og framkvæmd þeirra sé í ýmsum atriðum mun harðari og þrengri hér á landi en þar.
Sjá nánar

Væntanlegar stóriðjuframkvæmdir
Líkur á uppbyggingu í ál- og orkuiðnaði hafa aukist mikið. Ari Edwald, framkvæmdastjóri SA, segir framkvæmdirnar koma á heppilegum tíma fyrir efnahagslífið, en draga verði úr öðrum framkvæmdum eins og kostur er á sama tíma.
Sjá nánar

Brýnt að endurskoða samkeppnislög
Það er mjög brýnt að samkeppnislögin og starfsreglur á þessu sviði verði tekin til gagngerrar endurskoðunar, segir Ari Edwald, framkvæmdastjóri SA. Hann segir núgildandi lög draga úr kraftinum í íslensku athafnalífi, í harðri alþjóðlegri samkeppni, auk þess sem verulegir ágallar hafi komið í ljós í réttarfari í samkeppnismálum.
Sjá nánar

Stöðugleiki og stóriðjuframkvæmdir 11. september

Miðvikudaginn 11. september standa SA fyrir morgunverðarfundi undir yfirskriftinni Stöðugleiki og stóriðjuframkvæmdir - er hætta á ofþenslu? Frummælendur verða Ari Edwald frá SA, Bolli Þór Bollason, fjármálaráðuneyti og Þórarinn G. Pétursson, Seðlabanka Íslands.
Sjá nánar

Ráðstefna um Evrópumál 12.-13. september
Ráðstefna Samtaka iðnaðarins, ASÍ o.fl. um fullveldishugtakið á 21. öld og um kosti og galla aðildar að ESB.
Sjá nánar á vef SI

Kynningarfundur um norræna sjóði 17. september

Alþjóðleg ráðstefna um verkefnisstjórnun 25.-27. september

Vika símenntunar 8.-14. september

Vika símenntunar verður haldin 8.-14. september í ár og er yfirskriftin Símenntun í atvinnulífinu. Málþing, fræðsluhátíð og símenntunardagurinn eru meðal þess sem á döfinni verður.
Sjá nánar á heimasíðu Viku símenntunar

Nýr Evrópusamningur um fjarvinnu
Aðilar vinnumarkaðsins á Evrópuvísu undirrituðu í sumar samning um fjarvinnu. Það er það fyrirkomulag þegar starfsmaður innir, með aðstoð upplýsingatækni, reglulega af hendi störf utan starfsstöðvar fyrirtækis sem einnig er hægt að vinna þar.
Sjá nánar

Telja eldra starfsfólk verðmætara

Um helmingur danskra fyrirtækja í verslun og þjónustu telur eldra starfsfólk verðmætara en það yngra, en tæp 20% fyrirtækjanna eru því ósammála. Þekking, stöðugleiki og ábyrgðartilfinning eru sagðir helstu kostir eldra starfsfólks.
Sjá nánar

198 tillögur til minnkunar á reglubyrði

Danska ríkisstjórnin hefur kynnt áætlun um að einfalda lög og reglur, einfalda opinbera stjórnsýslu, afnema óþarfa reglur og minnka skriffinskubyrði fólks og fyrirtækja. Í ítarlegri aðgerðaáætlun eru lagðar fram 198 tillögur í þessu skyni.
Sjá nánar

Aukið hlutverk einkageirans í t.d. heilbrigðiskerfinu
Í umfjöllun framkvæmdastjórnar Alþjóðagjaldeyrissjóðsins um Ísland er lagt til að stjórnvöld íhugi að auka hlutverk einkageirans við veitingu opinberrar þjónustu, svo sem í heilbrigðis- og menntakerfinu. Þá leggja framkvæmdastjórarnir til meiri aga í ríkisútgjöldum, ekki síst launaútgjöldum.
Sjá nánar

Svigrúm fyrir stórframkvæmdir

Stjórn Samtaka iðnaðarins telur að vegna framleiðsluslaka í hagkerfinu standi verðstöðugleika ekki ógn af fyrirhuguðum framkvæmdum við Kárahnjúkavirkjun og álver í Reyðarfirði.
Sjá ályktun stjórnarinnar á heimasíðu SI

Meirihluti launamunar skýrður
Samkvæmt nýrri könnun Jafnréttisráðs og Nefndar um efnahagsleg völd kvenna má skýra tvo þriðju til þrjá fjórðu hluta launamunar kynjanna með starfi, menntun o.fl. Eftir stendur 7,5-11% launamunur, sem stafar af því að hjónaband o.fl hefur önnur áhrif á laun kvenna en karla.
Sjá nánar

ESB auki samráð við aðila vinnumarkaðarins

Framkvæmdastjórn ESB hvetur til aukins samráðs ráðherraráðs ESB og Evrópuþingsins við aðila vinnumarkaðarins, sem hún telur best fallna til þess að ná skynsamlegu jafnvægi á milli sveiganlegri vinnumarkaðar og traustra félagslegra réttinda. SA eiga m.a. aðild að Evrópusamtökum atvinnulífsins.
Sjá nánar

6. rannsóknaáætlun ESB að hefjast
Sjötta rannsóknaáætlun ESB hefst um næstu áramót. Búast má við að fyrstu auglýsingar eftir styrkumsóknum verði birtar í október-nóvember nk. Sérstök áhersla verður lögð á þarfir lítilla og meðalstórra fyrirtækja.
Sjá samantekt á heimasíðu Samtaka iðnaðarins

Ríkið hætti verslunarrekstri

SVÞ krefjast þess að stjórnvöld láti af áformum sínum um að viðhalda sölu á snyrtivörum, rafmagnstækjum, sælgæti og tóbaki í Flugstöð Leifs Eiríkssonar, svo og í öðrum flughöfnum, þegar breytingar verða gerðar á rekstri flugstöðvarinnar um næstu áramót.
Sjá nánar

Átta íslensk fyrirtæki meðal 500 framsæknustu
Á nýjum lista GrowthPlus yfir 500 framsæknustu frumkvöðlafyrirtæki Evrópu er að finna átta íslensk fyrirtæki, fleiri en nokkru sinni fyrr. Bakkavör er skráð í annað sæti listans sem er glæsilegur árangur.
Sjá nánar á heimasíðu Samtaka iðnaðarins