Viðsnúningur á vinnumarkaði

77% fyrirtækja hyggjast halda óbreyttum fjölda starfsfólks næstu 3-4 mánuði, skv. könnun SA. 13% hyggjast fjölga starfsfólki en 10% hyggjast fækka því. Þetta er töluverður viðsnúningur frá í desember, en þá hugðist 21% fyrirtækja fækka starfsfólki og 8% fjölga því. Nokkur starfsmanna- fækkun virðist framundan í fiskvinnslu, útgerð og fjármálaþjónustu, en fjölgun í iðnaði og ferðaþjónustu.
Sjá nánar

Hagræði af tilfærslu fimmtudagsfrídaga

Forsvarsmenn 82% fyrirtækja telja að tilfærsla einhverra fimmtudagsfrídaganna á vorin yfir á heppilegri tíma myndi stuðla að hagræði í rekstri. Helst hefur verið rætt um sumardaginn fyrsta og uppstigningardag í þessu sambandi.
Sjá nánar

Greiðari leið fyrir erlent starfsfólk
Nauðsynlegt er að greiða leið erlends starfsfólks hingað eins og hægt er í tengslum við stóriðjuframkvæmdir, m.a. með því að stytta ferla hjá Vinnumála- og Útlendingastofnun, segir Hannes G. Sigurðsson, aðstoðarframkvæmdastjóri SA. Hann segir ferlið nú alltof tímafrekt.
Sjá nánar

Félagsdómur túlkar útkallsákvæði kjarasamninga
Samkvæmt nýlegum dómi Félagsdóms er ekki um útkall að ræða þegar haft er samband við starfsmann, sem þegar hefur verið kallaður út, og hann beðinn að vinna annað verk innan útkallstímans. Samkvæmt öðrum dómi eiga útkallsákvæði kjarasamnings einungis við um kvaðningu til vinnu sem feli í sér að starfsmaður þurfi að fara á vinnustað.
Sjá nánar

Tekjulækkun á ári sem svarar mánaðarveltu

Gengishækkun krónunnar kemur illa við allar útflutningsgreinar og greinar í erlendri samkeppni. Á fundi Samtaka fiskvinnslustöðva á dögunum var fjallað um sérstaka erfiðleika rækjuvinnslunnar, en á einu og hálfu ári hafa tekjur greinarinnar dregist saman um sem svarar eins mánaðar veltu á ári.
Sjá nánar

Mjög brýnt að samkeppnislögin verði endurskoðuð
SA telja það mjög brýnt að samkeppnislögin verði endurskoðuð, segir Gústaf Adolf Skúlason, forstöðumaður hjá SA, í samtali við Fréttablaðið. Hann segir m.a. að viðmiðunarmörk vegna samruna séu hér alltof lág og að verulegir ágallar hafi komið fram á réttarfari samkeppnismála.
Sjá nánar

Mæla með auknum hlut einkaaðila

Sendinefnd Alþjóðagjaldeyrissjóðsins segir gagnlegt að auka hlut einkaaðila við að veita almannaþjónustu og efla tengsl þjónustugjalda og raunverulegs kostnaðar við þjónustuna. Í samtali við Fréttablaðið segir Gústaf Adolf Skúlason, forstöðumaður hjá SA, þetta að mestu í anda þess sem SA hafi boðað, en undanskilur þjónustugjöld í heilbrigðiskerfi.
Sjá nánar

3,2% kaupmáttaraukning launa

Á tímabilinu frá 1. ársfjórðungi 2002 til 1. ársfjórðungs 2003 hækkuðu regluleg laun að meðaltali um 5,1%. Á sama tíma hækkaði vísitala neysluverðs um 1,9% og samkvæmt því jókst kaupmáttur launa að meðaltali um 3,2% á tímabilinu.
Sjá nánar í fréttabréfi Kjararannsóknarnefndar

Minnkandi atvinnuleysi
Samkvæmt mælingum Vinnumálastofnunar jafngiltu skráðir atvinnuleysis- dagar í maí 3,6% atvinnuleysi á landinu öllu. Það er lækkun úr 3,9% í apríl, en atvinnuleysið er þó enn mun hærra en fyrir ári síðan, þegar það mældist 2,5%.
Sjá nánar

Vaxandi hlutfall langtímaatvinnulausra

Í lok maí hafði 1.601 einstaklingur verið á atvinnuleysisskrá í 6 mánuði eða lengur, eða 27,6% af heildarfjölda atvinnulausra. Þetta hlutfall var 20,3% í lok maí 2002.
Sjá nánar á heimasíðu Hagstofu Íslands

Starfsmenntaverðlaunin verða afhent í fjórða skiptið í september nk og er óskað eftir tilnefningum í flokkum fyrirtækja og félaga- samtaka, skóla og fræðsluaðila og í opnum flokki. Frestur til þess að tilnefna rennur út 10. ágúst.
Sjá nánar á heimasíðu Menntar

Íslendingar reiðubúnari að taka þátt í kostnaði við menntun sem tryggt getur þeim störf
Íslendingar eru reiðubúnari til að taka þátt í kostnaði við menntun sem tryggt getur þeim störf, en almennt gildir um EES-borgara. Nær helmingur EES-borgara, eða 47%, er ekki reiðubúinn að taka þátt í slíkum kostnaði, en hérlendis er þetta hlutfall 38%.
Sjá nánar

Náið verði fylgst með áhrifum á EES-samninginn

Í áliti sínu til ráðherraráðs EFTA leggur ráðgjafarnefnd samtakanna áherslu á mikilvægi þess að EFTA fylgist grannt með áhrifum væntanlegrar stjórnarskrár ESB á EES-samninginn og hefji sem fyrst undirbúning viðbragða, til að sem best verði áfram staðinn vörður um hagsmuni EFTA-ríkjanna.
Sjá nánar

Stuðningur við stjórnarskrárdrög ESB
UNICE, Evrópusamtök atvinnulífsins, hafa lýst yfir stuðningi við drög að fyrstu sameiginlegu stjórnarskrá ESB. Aukin áhersla á samkeppnishæfni og formleg viðurkenning á hlutverki aðila vinnumarkaðarins eru meðal þess sem samtökin fagna.
Sjá nánar

Forsetaskipti hjá UNICE

Þann 1. júlí verða forsetaskipti hjá UNICE, Evrópusamtökum atvinnulífsins, en þá lætur George Jacobs af embætti og við tekur Jürgen F. Strube. Strube er doktor í lögum og er m.a. stjórnarformaður þýsku viðskiptasamsteypunnar BASF.
Sjá nánar

Handbók um gæðastaðla gefin út á íslensku
Staðlaráð gaf nýlega út handbók um ISO 9001 gæðastaðla fyrir lítil fyrirtæki. Handbókin er leiðbeinandi um kosti þess að taka upp vinnulag samkvæmt gæðastöðlunum og um hvernig beri að innleiða gæðastaðla í starfsemi fyrirtækja.
Sjá nánar á heimasíðu Staðlaráðs

Góð reynsla af einkarekstri fangelsa

Samkeppni milli fangelsa, í opinberum rekstri og í einkarekstri, hefur leitt til betri þjónustu og lægri kostnaðar, auk þess að vinna gegn almennri andstöðu kerfisins við breytingar, að sögn yfirmanns fangelsismála í breska innanríkisráðuneytinu. Hann segir einkareknu fangelsin meðal þeirra bestu í landinu.
Sjá nánar

Ráðstefna um vinnuvistfræði
Vinnuvistfræðifélag Íslands stendur fyrir ráðstefnu dagana 11.-13. ágúst nk., m.a. með stuðningi SA. Innlendir og erlendir fyrirlesarar munu fjalla um streitu, þjálfun, áhættumat, fjárhagslegan ávinning af vinnuvernd o.fl. Þá verður kynning á vörum og þjónustu og verðlaunaafhending, sem tilnefna má fyrirtæki og einstaklinga til.
Sjá nánar

Af vettvangi kemur næst út 4. september
Vegna sumarleyfa mun fréttabréfið Af vettvangi ekki koma út í ágústmánuði. Það kemur næst út fimmtudaginn 4. september.