Sóknarfæri í Evrópusjóði

Samið hefur verið um framlengingu þróunar- sjóðs EFTA með all nokkrum breytingum, en m.a. verður sjóðnum nú heimilt að styrkja verkefni sem lúta að nýtingu og stjórn náttúruauðlinda. Íslensk fyrirtæki geta boðið í verkefnin, líkt og í önnur verkefni sem boðin eru út innan EES, sem norsk fyrirtæki hafa hingað til verið duglegri við. Íslensk fyrirtæki staðsett innan ESB hafa sótt styrki í slíka sjóði.
Sjá nánar

Mælt með einu þrepi virðisaukaskatts
Alþjóðavæðingin knýr á um lækkun VSK hlutfalls í Svíþjóð og öðrum háskattalöndum. Nýleg sænsk skýrsla mælir með afnámi undanþága til að auðvelda lækkun almenna hlutfallsins. Fáar undanþágur stuðla að lægri jaðarsköttum og minnka líkur á bjöguðum fjárfestinga- og neysluákvörðunum, sem hafa sóun í för með sér.
Sjá nánar

Skólagjöld og rekstrarform háskóla
Að sögn OECD er lítil kostnaðarþátttaka nemenda helsta ástæða fremur langs námstíma íslenskra háskólanema, segir Gústaf Adolf Skúlason, forstöðumaður stefnumótunar- og samskiptasviðs SA. Hann segir suma stjórnendur við ríkisháskóla telja afar brýnt að losna undan hamlandi og ósveigjanlegu lagaumhverfi hins opinbera vinnumarkaðar.
Sjá nánar

Brýn nauðsyn aðhalds í opinberum fjármálum - ályktun stjórnar SA
Núverandi gengi krónunnar fær ekki staðist til lengdar, segir í ályktun stjórnar SA, en Seðlabankinn spáir því að raungengi hækki um 10% á þessu ári og að samkeppnisstaðan versni sem því nemur. Til mótvægis við stóriðjuframkvæmdir er afar brýnt að skýr aðhaldsstefna í opinberum fjármálum verði mótuð og þurfa stærstu sveitarfélögin einnig að koma að þeirri stefnumótun.
Sjá nánar

Hækkun raungengis vanmetin

SA telja mat Seðlabankans á raungengi á mælikvarða launa vera vanmat. Þær samkeppnisaðstæður sem fyrirtækjum í alþjóðlegri samkeppni eru nú búnar eru orðnar það slæmar að óhjákvæmilegt er að þær leiði til verulegs samdráttar í útflutnings- og samkeppnisgreinum.
Sjá nánar

Starfsmenntaverðlaunin 2003

Starfsmenntaverðlaunin verða afhent í fjórða skiptið í september nk. og er óskað eftir tilnefningum í flokkum fyrirtækja og félaga- samtaka, skóla og fræðsluaðila og í opnum flokki. Frestur til þess að tilnefna rennur út 10. ágúst.
Sjá nánar á heimasíðu Menntar

Ráðin framkvæmdastjóri Fræðslumiðstöðvar atvinnulífsins
Ingibjörg E. Guðmundsdóttir hefur verið ráðin framkvæmdastjóri Fræðslumiðstöðvar atvinnulífsins ehf., sem ætlað er að standa fyrir víðtæku menntunar- og starfsfræðsluátaki fyrir þau 42% á íslenskum vinnumarkaði sem hafa aðeins lágmarksmenntun eða mjög takmarkaða skólagöngu að baki.
Sjá nánar

Á ekki og getur ekki stýrt uppbyggingu atvinnulífsins
SA vilja efla Samkeppnisstofnun til góðra verka og hafa stutt breytingar sem gera stofnuninni betur kleift að vinna gegn ólögmætu samráði fyrirtækja, segir Ari Edwald, framkvæmdastjóri SA, í samtali við Morgunblaðið. Hann segir það hins vegar ekki hlutverk Samkeppnisstofnunar að stýra uppbyggingu atvinnulífsins.
Sjá nánar

Fagnar samráði um skattabreytingar

Ari Edwald, framkvæmdastjóri SA, fagnar því í samtali við Ríkisútvarpið að stjórnvöld ætli að hafa samráð við aðila vinnumarkaðarins um lækkun tekjuskatts. Hann segir fordæmi fyrir því að ráðstafanir stjórnvalda hafi greitt fyrir kjarasamningum.
Sjá nánar

Yfir 70 smærri skattar og gjöld
KPMG hafa uppfært yfirlit sitt yfir smærri skatta og gjöld sem íslensk fyrirtæki þurfa að greiða, en yfirlitið var á sínum tíma unnið fyrir SA og birt í skýrslu skattahóps samtakanna í maí 2001. Ekki hafa orðið miklar breytingar frá þeim tíma, en alls eru rúmlega 70 smærri skattar og gjöld tilgreind í yfirlitinu.
Sjá nánar

Orlofsuppbót

Greiða skal orlofsuppbót við upphaf orlofstöku en þó eigi síðar en 15. ágúst. Orlofsuppbót verslunarmanna er kr. 15.400 í ár en orlofsuppbót flestra annarra starfsstétta er kr. 20.400 (verslunarmenn hafa aftur hærri desember-uppbót). Upphæðin miðast við fullt starf allt orlofsárið.
Sjá nánar

Opinberir aðilar spenna upp launaþróunina
Samtök atvinnulífsins hafi lengi gagnrýnt að launahækkanir á opinberum vinnumarkaði hafi verið meiri en á almennum vinnumarkaði, segir Ari Edwald, framkvæmdastjóri SA í viðtali við DV og segir engin efni til annars í kjarasamningum en að taka tillit til þess raunveruleika sem við búum við.
Sjá nánar

Veikindarétturinn bundinn í lög
Rétturinn til launa í veikinda- og slysaforföllum er bundinn í lög og það er ekki á valdi samningsaðilanna að breyta því, segir Ari Edwald, framkvæmdastjóri SA, í samtali við Morgunblaðið. Hann telur núverandi sjúkrasjóðakerfi hins vegar þarfnast endurskoðunar, algerlega óháð öllu öðru.
Sjá nánar

Leiðrétting

Umhverfis- og heilbrigðisstofa Reykjavíkur hefur gert athugasemd við upphæð lögboðinna eftirlits- og leyfisgjalda sem stofnunin leggur á atvinnulífið, eins og hún er sett fram í töflu í skýrslu SA, „Bætum lífskjörin!“ Misskilnings gætti við úrvinnslu gagna hjá SA og er beðist velvirðingar á því.
Sjá nánar

Kynna markaðsmöguleika í Japan
Fulltrúar frá Japan External Trade Organisation verða hér á landi um mánaðamótin ágúst-september. Fyrirtæki sem eru í viðskiptum við Japan eða hyggjast kanna markaðsmöguleika sína á þessu markaðssvæði geta bókað með þeim fund.
Sjá nánar á heimasíðu Útflutningsráðs

Fjórar plágur ferðaþjónustunnar

Samtök ferðaþjónustunnar fagna ákvæðum í stefnuyfirlýsingu ríkisstjórnarflokkanna um að íslenskri ferðaþjónustu verði sköpuð sambærileg rekstrarskilyrði og í samkeppnis- löndum. Þau kalla hátt gengi krónunnar fjórðu plágu greinarinnar.
Sjá nánar á heimasíðu SAF

Samstarfsnet Evrópuáætlana og -skrifstofa á Íslandi
Ísland á aðild að fjölmörgum samstarfsáætlunum ESB á sviði rannsókna, mennta, menningar og æskulýðsmála. Umsjón með samstarfinu hérlendis er á höndum ólíkra aðila.
Sjá nánar á heimasíðu Útflutningsráðs