Átak til minnkunar reglubyrði
í nágrannalöndunum

Öll aðildarríki OECD hafa á stefnuskrá sinni að draga úr reglubyrði fólks og fyrirtækja og auka gæði gildandi regluverks. Nokkur ríkjanna hafa tekið upp markvissar aðgerðir í þessu skyni, þeirra á meðal Noregur, Danmörk og Svíþjóð.
Sjá nánar

Skipting í skólahverfi á að heyra sögunni til
Sjálfstæðir skólar eiga að fá sömu fjárframlög á hvern nemanda og skólar í opinberum rekstri. Það er svo foreldra og nemenda að velja hvert féð rennur en hagsmunir allra skólanna að laða til sín nemendurna. Skipting í skólasvæði á að heyra sögunni til, á öllum skólastigum, segir m.a. í skýrslunni Bætum lífskjörin!
Sjá nánar

Um tjáningarfrelsi forsvarsmanna fyrirtækja
Verkalýðshreyfingin hefur barist fyrir setningu löggjafar um rétt starfsfólks til upplýsinga um líklega þróun í rekstri fyrirtækja og því vekur afstaða ASÍ furðu, segir Hrafnhildur Stefánsdóttir, yfirlögfræðingur SA, og minnir á stjórnarskrárbundið tjáningarfrelsi.
Sjá nánar

Jafnréttismálin og atvinnulífið
Að velja ekki þann hæfasta eru einfaldlega slakir stjórnunarhættir, sem ekki skila árangri á samkeppnismarkaði, segir Gústaf Adolf Skúlason, forstöðumaður hjá SA. Hann segir tækifæri til breytinga sem stuðla myndu að jöfnun á stöðu kynjanna á vinnumarkaði og horfir m.a. til starfs- og vetrarfrísdaga í skólum.
Sjá nánar

Ingimundur Sigurpálsson kjörinn formaður SA

Á aðalfundi SA var tilkynnt um niðurstöðu úr beinni póstkosningu formanns samtakanna. Ingimundur Sigurpálsson, forstjóri Eimskipafélags Íslands, hlaut 97% greiddra atkvæða og er því réttkjörinn formaður SA starfsárið 2003 til 2004. Hann tekur við af Finni Geirssyni, sem gegnt hefur formennsku frá stofnun SA í september 1999 en gaf ekki kost á sér til endurkjörs. Kosningaþátttaka var 54%.

Ný stjórn Samtaka atvinnulífsins

Á aðalfundi SA var lýst kjöri stjórnar samtakanna fyrir starfsárið 2003-2004. Nýir koma inn í stjórnina þeir Baldvin Valdemarsson, Slippstöðinni, Eiríkur Tómasson, Þorbirni-Fiskanes, Jón Ásgeir Jóhannesson, Baugi Group, Sigurður Á. Sigurðsson, Búri, og Þorsteinn Már Baldvinsson, Samherja.
Sjá nánar

SA og verkalýðsforystan hefji umræður

Í ræðu sinni á aðalfundi SA sagði Ingimundur Sigurpálsson, nýr formaður samtakanna, æskilegt að SA og verkalýðshreyfingin næðu sameiginlegri sýn á stöðu efnahagsmála og breytingar á launakostnaði næstu misseri. Hvatti hann til að forysta SA og verkalýðs- hreyfingarinnar ræddi meginlínur næsta samningstímabils fyrr en seinna.
Sjá nánar

Bætum lífskjörin!

Í nýrri skýrslu fjalla Samtök atvinnulífsins um leiðir til að bæta lífskjörin í landinu með kerfisumbótum. Ari Edwald, framkvæmdastjóri SA, kynnti skýrsluna á aðalfundi samtakanna. Heilbrigðiskerfið hlýtur að verða höfuðviðfangs- efni ríkisfjármálanna á næstu árum, að mati hans.
Sjá nánar

15 til 40 milljarðar í eftirlitsiðnaðinn?
Bein gjöld atvinnulífsins vegna opinberrar eftirlitsstarfsemi eru 1,6 milljarðar á ári og hafa hækkað um 30% á tíu árum, á núvirði. Heildarkostnaður vegna eftirlitsiðnaðarins er þó mun meiri, en mörg fyrirtæki segja hann t.d. kalla á sérstakt starfsfólk. Ef mat ESB er yfirfært á Ísland nemur heildarkostnaðurinn 15 til 40 milljörðum króna á ári.
Sjá nánar

„Bætum lífskjörin!“ á Netinu

Á heimasíðu SA er að finna nýja skýrslu samtakanna um leiðir til lífskjarabóta með kerfisumbótum. Í skýrslunni er fjallað um reglubyrði, opinbert eftirlit, vinnumarkað, matvælaverð, landbúnaðarkerfið, heilbrigðiskerfið og menntakerfið.
Sjá skýrsluna (pdf-snið)

Ársskýrsla SA

Ársskýrsla Samtaka atvinnulífsins fyrir starfsárið 2002-2003, sem dreift var á aðalfundi samtakanna 29. apríl. Í skýrslunni er að finna ítarlega umfjöllun um starfsemi SA, efnahagsmál, kjaramál o.fl.
Sjá skýrsluna (pdf-snið)

Orsakir þýska efnahagsvandans

Þýskaland býr við hverfandi hagvöxt og mikið atvinnuleysi. Ástæðurnar má ekki síst rekja til ósveigjanlegs vinnumarkaðar - svo sem ríkrar uppsagnarverndar, hás óbeins launakostnaðar og rausnarlegra atvinnuleysisbóta. Þetta kom fram í erindi yfirhagfræðings þýsku samtaka atvinnulífsins á aðalfundi SA.
Sjá nánar

Fjárfestingar betri en þróunaraðstoð
Þeim þróunarríkjum sem ná að laða til sín erlenda fjárfestingu vegnar mun betur efnahagslega en öðrum. Samkvæmt nýrri skýrslu sænsku samtaka atvinnulífsins eru fyrirtækin því lausnin, ekki vandamálið líkt og oft megi ætla af almennri umræðu um erlendar fjárfestingar í þróunarríkjum.
Sjá nánar

Ályktun ASÍ tilefnislaus
Framkvæmdastjóri Brims hf. var í fullum rétti að tjá starfsfólki fyrirtækisins skoðanir sínar á afleiðingum þess, ef stefna stjórnarandstöðuflokkanna í sjávarútvegsmálum næði fram að ganga og ályktun ASÍ var því tilefnislaus. Þetta kemur fram í lögfræðiáliti Sigurðar Líndal, fyrrverandi lagaprófessors.
Sjá nánar á heimasíðu LÍÚ

Fyrirtæki sýknað af kröfum vegna brota á forgangsréttarákvæði með vísan til félagafrelsissjónarmiða

Héraðsdómur Reykjavíkur hefur kveðið upp dóma þar sem félagafrelsisákvæði stjórnarskrár eru talin ganga framar forgangsréttarákvæði kjarasamnings. Beita skuli slíkum ákvæðum af varfærni þegar saman lýstur hagsmunum starfsmanna í viðkomandi félagi og annarra starfsmanna.
Sjá nánar

2,5% kaupmáttaraukning á árinu 2002
Á tímabilinu frá 4. ársfjórðungi 2001 til 4. ársfjórðungs 2002 hækkuðu regluleg laun að meðaltali um 4,8% og kaupmáttur launa jókst að meðaltali um 2,5%. Launaskrið hefur minnkað verulega og er komið niður á það stig sem einkennir vinnumarkað í jafnvægi.
Sjá nánar

Svíar telja að efla þurfi hvatann til vinnu

Svíar eru ósáttir við áherslur sænskra stjórnvalda í velferðarmálum, samkvæmt nýrri könnun. Talað var við 1.000 manns og af þeim reyndust 58% telja of lítinn hvata til að vinna og 83% að bótakerfi almannatrygginga séu misnotuð.
Sjá nánar

Yngra fólkinu frekar sagt upp

Líkurnar á að vera sagt upp störfum eru mun meiri hjá þeim sem eru yngri en 40 ára en hinum sem komnir eru yfir fertugt, skv. samantekt dönsku samtaka atvinnulífsins. Hlutfallslega er algengast að fólki á aldrinum 25 til 29 ára sé sagt upp störfum.
Sjá nánar

Gengissveiflur skekkja samkeppnisstöðu
Á aðalfundi SAF voru m.a. samþykktar ályktanir um skatta-, gengis- og vaxtamál, og um markaðsmál greinarinnar. Kvartað er undan háum vöxtum og gríðarlegum gengissveiflum krónunnar, sem skekkja samkeppnisstöðu fyrirtækja í ferðaþjónustu og víðar á alþjóðamarkaði.
Sjá nánar