Sveigjanleiki á vinnumarkaði
og upptaka evrunnar

Ef Íslendingar taka upp evru verður ekki hægt að bregðast við hagsveiflum með peninga-
prentun og verðbólgu. Sveigjanleiki í launum gæti þá skipt miklu, en samkvæmt nýrri skýrslu sem unnin var fyrir SA er launakostnaður á Íslandi sveigjanlegur ef á móti blæs.
Sjá nánar


Viðurlagaákvæði samkeppnislaga ströngust hérlendis
Samkvæmt íslenskum samkeppnislögum skal leggja á sektir ef bannákvæði laganna hafa verið brotin, á meðan löggjöf annars staðar kveður á um heimild til að leggja á sektir. Þá hafa hérlend samkeppnisyfirvöld sjálfstæða heimild til ákvörðunar sekta ólíkt öðrum. Þetta er meðal þess sem fram kemur í nýrri skýrslu SA.
Sjá nánar

Þjóðfélagslýsing 1. maí!
Gamaldags gífuryrði um örbirgð og neyð eru ekki viðeigandi lýsing á íslensku þjóðfélagi, þegar kaupmáttur er í hámarki og full atvinna ríkir, segir Hannes G. Sigurðsson, aðstoðarframkvæmdastjóri SA.
Sjá nánar

Aðalfundur SART 10. maí
Sjá nánar

European Business Summit, Brussel 6.-8. júní
Sjá nánar

Aukið atvinnuleysi, færra ungt fólk á vinnumarkaði

Samkvæmt vinnumarkaðskönnun Hagstofunnar mælist atvinnuleysi nú 3,2% en var 2,1% í apríl 2001. Starfandi fólki fækkar um 1.300 milli ára og er fækkunin bundin við yngsta aldurshópinn, sem er athyglisvert í ljósi umræðu um stöðu eldra fólks á vinnumarkaði.
Sjá nánar

Enn miklar launahækkanir í opinbera geiranum
Laun opinberra starfsmanna hækkuðu að meðaltali um 14,1% á 1. ársfjórðungi þessa árs m.v. sama tíma í fyrra. Á almennum markaði hækkuðu laun á sama tíma um 6,4%. Í heild hækkaði launavísitala Hagstofunnar um 9,5%.
Sjá nánar

Greinilega komið ferli vaxtalækkana
Þar sem rétt rúmur mánuður er liðinn frá síðustu vaxtalækkun Seðlabankans er greinilega komið ferli vaxtalækkana, segir Ari Edwald, framkvæmdastjóri SA, í samtali við Morgunblaðið. Í ljósi viðsnúnings í verðlagsþróun hefði hann getað búist við meiri vaxtalækkun.
Sjá nánar

Samkeppnishæfni Íslands

Ísland er í 12. sæti yfir samkeppnishæfni landa og hækkar um eitt sæti frá fyrra ári, samkvæmt nýrri skýrslu IMD stofnunarinnar í Sviss. Í nýlegri skýrslu annarrar stofnunar, WEF, var Ísland í 16. sæti. Á báðum listum eru flest helstu samkeppnislöndin hins vegar ofar Íslandi.
Sjá nánar

Ekki miklar undirliggjandi verðlagsbreytingar
Vísitala neysluverðs hækkaði um 0,04% milli mars og apríl. Í samtali við Mbl.is segir Ari Edwald, framkvæmdastjóri SA, líkurnar hafa aukist á að verðlagsmarkmiðin náist í maí. Þá staðfesti þessi mæling heilt yfir að undirliggjandi verðlagsbreytingar séu ekki miklar.
Sjá nánar

Ríkið keppi ekki við hugbúnaðarfyrirtæki
Fjöldi opinberra stofnana og fyrirtækja starfrækir sína eigin hugbúnaðarþjónustu. Í setningarræðu á ráðstefnu TölvuMynda sagði Ari Edwald, framkvæmdastjóri SA, að gera yrði þá kröfu til hins opinbera að það keppti ekki við einkafyrirtæki á þessu sviði.
Sjá nánar

Í prinsippinu á móti ríkisábyrgðum

„Við erum í prinsippinu á móti ríkisábyrgðum“ segir Ari Edwald, framkvæmdastjóri SA, í samtali við DV um frumvarp um ríkisábyrgð til Íslenskrar erfðagreiningar. Hann segir samtökin ekki geta stutt þessa nálgun, þótt þau vilji veg fyrirtækisins sem mestan.
Sjá nánar

Aðilum verði ekki mismunað
Ari Edwald, framkvæmdastjóri SA, segir í samtali við Morgunblaðið að sér sé ekki kunnugt um hvernig ASÍ sé ætlað aukið hlutverk verði Þjóðhagsstofnun lögð niður. Hann segist ganga út frá því að stjórnvöld ætli ekki að mismuna aðilum vinnumarkaðarins að þessu leyti.
Sjá nánar

LÍÚ ályktar gegn ESB-aðild
Stjórn LÍÚ segir aðild að ESB ekki koma til álita, útilokað sé að Íslendingar gangist undir hina sameiginlegu sjávarútvegsstefnu ESB. Samkvæmt nýrri könnun PWC fyrir LÍÚ er ekki marktækur munur á fjölda stuðningsmanna og andstæðinga aðildar að ESB.
Sjá nánar

Áhrif gildistöku evrunnar á finnsk fyrirtæki

Gildistaka evrunnar leiddi ekki til verðhækkana í Finnlandi, en fyrirtækin þurftu að fjárfesta talsvert í uppfærslu hugbúnaðar. Þetta kemur fram í nýrri skýrslu sem sænsku samtök atvinnulífsins hafa unnið, m.a. á grundvelli könnunar meðal rúmlega 200 finnskra fyrirtækja.
Sjá nánar

SAF ályktar um aukin framlög til landkynningar

Í ályktun aðalfundar SAF er framlagi ríkisstjórnar til markaðs- og landkynningarmála í kjölfar hryðjuverkanna í Bandaríkjunum fagnað, en jafnframt skorað á samgönguráðherra að beita sér fyrir stórauknum framlögum til landkynningarmála.
Sjá nánar

Eldra starfsfólki síður sagt upp en yngra
Fyrirtæki sem þurfa að fækka starfsfólki segja frekar upp yngra starfsfólki en því eldra. Þetta kemur fram í athugun sem danska hagstofan gerði fyrir dönsku samtök atvinnulífsins og staðfestir niðurstöður tveggja annarra rannsókna samtakanna.
Sjá nánar