Opinberir aðilar í vanskilum

Opinberir aðilar eru eða hafa nýlega verið í vanskilum við um fimmtung fyrirtækja, samkvæmt könnun SA. Ljóst er að a.m.k. helmingur fyrir- tækjanna í úrtakinu er ekki í teljandi viðskiptum við opinbera aðila og því má gera að því skóna að þegar um veruleg viðskipti sé að ræða séu opinberir aðilar í vanskilum í um 40-50% tilvika. Alvarlegra er þó að í yfir 60% tilfella neita opinberir aðilar að greiða dráttarvexti.
Sjá nánar

Fyrirtæki hyggjast draga úr fjárfestingum

Tæp 40% fyrirtækja hyggjast fjárfesta minna í ár en 2002, en tæp 20% hyggjast fjárfesta meira, samkvæmt könnun SA. Samdrátturinn virðist nokkuð almennur milli greina, en algengari á landsbyggðinni en á höfuðborgar- svæðinu.
Sjá nánar

„Óvænta“ vaxtalækkun!
Það sem þörf er fyrir núna er því ekki „vænt“ vaxtalækkun heldur einmitt „óvænt,“ segir Ari Edwald, framkvæmdastjóri SA. Hann segir ekki verjandi að stuðla að háu gengi með margfalt hærri raunstýrivöxtum en eru í Evrópu, í því umhverfi verðlækkana og samdráttar sem hér er.
Sjá nánar

3,7% atvinnuleysi

Nú eru 6.059 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,7% af mannafla. Þetta er fjölgun um 144 einstaklinga á tæpri viku.
Sjá nánar

Ört vaxandi atvinnuleysi háskólagenginna
Háskólagengnu fólki á atvinnuleysiskrá hefur fjölgað ört undanfarna mánuði og misseri. Um síðustu áramót voru 363 háskólagengnir á atvinnuleysiskrá á landinu öllu. Fjöldi atvinnulausra háskólamanna á landinu jókst um tæp 75% á síðasta ári og á síðustu tveimur árum hefur fjöldinn þrefaldast.
Sjá nánar

Hverjir eru atvinnulausir?
Með versnandi atvinnuástandi og vaxandi atvinnuleysi eykst þörf fyrir tölulegar upplýsingar um atvinnuleysi og samsetningu þess. Samtök atvinnulífsins hafa skoðað tölur um atvinnuleysi eftir menntun.
Sjá nánar

Enn meiri launahækkanir í opinbera geiranum

Laun opinberra starfsmanna og bankamanna hækkuðu að meðaltali um 7,3% á 4. árs- fjórðungi 2002 árs miðað við sama tíma árið 2001. Á almennum markaði hækkuðu laun á sama tíma um 4,6%. Í heild hækkaði launa- vísitala Hagstofunnar um 5,8%.
Sjá nánar

Vaxandi áhyggjur af þróun peningamála
SA hafa vaxandi áhyggjur af þróun peningamála í landinu. Gengi krónunnar hefur hækkað það mikið að verulega þrengir að samkeppnisstöðu atvinnulífsins, stefnan er í átt til verðhjöðnunar og mikill slaki á vinnumarkaði. Nauðsynlegt er að stuðla að lækkun gengis með lækkun stýrivaxta.
Sjá nánar

Ekki trú á frekari gengishækkun

Gengishækkun undanfarinna mánaða er byggð á væntingum sem ekki eru byggðar á nægilega traustum forsendum, segir Hannes G. Sigurðsson, aðstoðarframkvæmdastjóri SA, í samtali við Viðskiptablaðið. Hann hefur ekki trú á að gengið hækki frekar, nema þá sem tímabundið flökt.
Sjá nánar

Námskeið SA í starfsmannamálum í Stykkishólmi og á Selfossi
Sjá nánar

Ráðstefna SVÞ um rýrnun í verslunum 10. febrúar
Sjá nánar

Aðalfundur Samtaka atvinnulífsins 29. apríl
Sjá nánar

Heimilt að skoða tölvupóst, ef farið er varlega

Lögmætir hagsmunir geta heimilað fyrirtækjum að skoða tölvupóst starfsmanna. Hins vegar þarf slík vöktun að vera gerð í skýrum og málefnalegum tilgangi, segir Hrafnhildur Stefánsdóttir, yfirlögfræðingur SA, í samtali við Morgunblaðið. Hún segir reglur fullnægjandi hérlendis.
Sjá nánar

Efla þarf samkeppnishæfni Evrópu

Á fundi UNICE, Evrópusamtaka atvinnulífsins, með forseta ráðherraráðs ESB lýstu samtökin áhyggjum af samkeppnis- hæfni Evrópu. Í nýrri skýrslu samtakanna er m.a. fjallað um háan launakostnað, háa skatta og mikla reglubyrði evrópskra fyrirtækja, og lagðar fram tillögur til úrbóta.
Sjá nánar

Úttekt á vörustjórnun til að lækka vöruverð
Nýrri og umfangsmikilli úttekt á vörustjórnunarkostnaði er ætlað að leiða í ljós hvernig megi lækka vöruverð. Þetta er í fyrsta sinn sem slík úttekt er gerð hérlendis og er hún unnin í samstarfi margra hagsmunaaðila og sérfræðinga á þessu sviði.
Sjá nánar í fréttapósti SVÞ

Viðskiptasendinefndir til Kanada, Íran, Lettlands...

Útflutningsráð skipuleggur ferð viðskiptasendinefndar til Kanada 9.-14. febrúar. Á árinu eru m.a. ráðgerðar slíkar ferðir til Íran, Katar, Lettlands, Bretlands og Noregs, ef áhugi reynist til staðar.
Sjá nánar á vef Útflutningsráðs

Gistinóttum fækkar milli ára
Samkvæmt niðurstöðum úr tekjukönnun SAF fækkaði seldum herbergjum á landinu í heild um 4,77% á árinu 2002 samanborið við árið 2001. Gistitekjur hækkuðu hinsvegar um 4,82%.
Sjá nánar í fréttabréfi SAF