Skattasamkeppni á höfuðborgarsvæðinu?

Af sveitarfélögunum á höfuðborgarsvæðinu innheimtir Reykjavík hæstan fasteignaskatt af atvinnuhúsnæði, en Kópavogur og Hafnarfjörður fylgja þar fast á eftir. Lægst er skatthlutfallið í Mosfellsbæ en á yfirstandandi kjörtímabili hefur skatturinn hækkað mest í Garðabæ, eða um tæp 50%.
Sjá nánar

Misjafnar reglur um innkaup sveitarfélaga
Sveitarfélögin eru undanþegin stórum hluta laga um opinber innkaup og því gilda misjafnar reglur um opinber innkaup þeirra fyrir milljarða króna. SA berast iðulega kvartanir frá fyrirtækjum vegna þessa, en nú hefur nefnd verið skipuð til að gera tillögur um gildissvið laganna gagnvart sveitarfélögum.
Sjá nánar

Mannréttindi - nei takk?
Með ólíkindum hefur verið að fylgjast með upphrópunum sumra stjórnmálamanna í framhaldi af málefnalegum athugasemdum SA og VÍ um samkeppnislög og vinnubrögð Samkeppnisstofnunar, segir Ari Edwald, framkvæmdastjóri SA. Hann segir endurskoðun samkeppnislaga óhjákvæmilega.
Sjá nánar

Stjórn Samtaka atvinnulífsins fagnar ákvörðunum opinberra aðila og fyrirtækja um lækkanir á verði og gjaldskrám. Þessar aðgerðir, ásamt aðhaldssamri verðlagningu fyrirtækja á markaði, eiga að geta leitt til þess að verðlagsmarkmið í maí nk. náist og þannig verði komist hjá hugsanlegri víxlverkun verðlags- og launahækkana. Sjá nánar

SA álykta um samkeppnismál
Framkvæmdastjórn SA hefur beint því til efnahags- og viðskiptanefndar Alþingis, að hún beiti sér fyrir sjálfstæðri skoðun á því að hvaða leyti íslensk samkeppnislög og framganga og vinnuaðferðir Samkeppnisstofnunar séu frábrugðin því sem annars staðar gerist innan EES.
Sjá nánar

Föstudaginn 8. febrúar nk. gengst Vinnueftirlitið fyrir málþingi um kulnun í starfi, með stuðningi SA o.fl. Aðalfyrirlesari verður hollenskur fræðimaður sem er heimsþekktur fyrir rannsóknir og skrif um þetta efni.
Sjá nánar á heimasíðu Vinnueftirlitsins.

Námskeið SA um gerð jafnréttisáætlana
Námskeið um gerð jafnréttisáætlana verður haldið miðvikudaginn 6. mars nk. kl. 10:00 -12:00 í húsakynnum SA að Garðastræti 41. Námskeiðið er opið öllum félagsmönnum SA.
Sjá nánar

Skattamál: bókhald og ársreikningar í erlendri mynt
SA fagna framkomnu frumvarpi um heimild til að færa bókhald í erlendri mynt en telja kröfu frumvarpsins um að jafnframt skuli færa bókhald í íslenskum krónum vera of þunglamalega. Umreikningur til skattskila í íslenskar krónur á meðalgengi væri ásættanleg niðurstaða.
Sjá nánar

Allt að 33% hækkun á gjaldskrám heilbrigðisnefnda

Nær allar heilbrigðisnefndir sveitarfélaga hækkuðu gjaldskrár sínar árið 2001. Mest var hækkunin á Kjósarsvæði, 33,3%, 20% á Norðurlandi Vestra og 10% í Reykjavík. Þessar hækkanir urðu allar í desember.
Sjá nánar.

Útgjöld utanríkisráðuneytisins hækka mest
Útgjöld ríkissjóðs hækka um 9% frá fjárlögum fyrir árið 2001 til fjárlaga fyrir árið 2002. Þjóðhagsstofnun gerir ráð fyrir að verðlag samneyslu hækki um 6% frá 2001 til 2002, og miðað við það eru umsvif ríkisins að aukast. Mest hækka útgjöld utanríkisráðuneytisins.
Sjá nánar

SA vilja styttingu í skólakerfinu
Menntahópur Samtaka atvinnulífsins styður þau viðhorf sem koma fram í skýrslu VR og Hagfræðistofnunar um styttingu grunn- og framhaldsskóla, en fækkun grunn- og framhaldsskólaára eru meðal yfirlýstra áhersluatriða SA í menntamálum
Sjá nánar

Fyrirtækin vilja aukin tengsl við háskóla

Allur þorri fyrirtækja vill koma að kennslu, rannsóknum eða stjórnun háskóla, og um helmingur þeirra vill auka framlög til rannsókna og menntunar, verði skattafrádráttur aukinn vegna slíkra framlaga. Þetta er meðal niðurstaðna könnunar SA fyrir Stúdentaráð HÍ.
Sjá nánar

Samkeppnishugsun í skólakerfið
Í erindi á ráðstefnu Stúdentaráðs Háskóla Íslands um tengsl háskóla og atvinnulífs lagði Gústaf Adolf Skúlason frá SA megináherslu á mikilvægi samkeppnishugsunar í skólakerfinu. Hann fjallaði m.a. um jákvæð áhrif aukinnar samkeppni á viðskiptadeild HÍ.
Sjá nánar

Pólland, Ungverjaland, Marokkó, WTO o.fl.

Fyrirhugaðir eru EFTA-fundir um fríverslunarmál við Pólland, Ungverjaland, Marokkó, Ísrael og Palestínu. Þá hefst senn undirbúningur nýrrar lotu WTO-viðræðna. Þetta eru kjörin tækifæri til að koma á framfæri upplýsingum um vandræði í viðskiptum erlendis.
Sjá nánar

Evrópskt atvinnulíf kallar eftir samkeppnishæfni
Aukinn sveigjanleiki á vinnumarkaði og minni skriffinskubyrði eru meðal þess sem formenn samtaka atvinnulífs í öllum fimmtán aðildarríkjum ESB fara fram á í opnu bréfi til forsætisráðherra Spánar, sem nú gegnir formennsku í ESB.
Sjá nánar

Evran kallar á samkeppnishæfari starfsskilyrði

Tilkoma evrunnar veitir ríkjum á evrusvæðinu ákveðið samkeppnisforskot. Önnur ríki verða því að bjóða fjárfestum betri kjör á öðrum sviðum, sagði utanríkisráðherra Noregs á aðalfundi norsku samtaka atvinnulífsins. Hann boðar m.a. skattalækkanir og vill umbuna skólum fyrir árangur.
Sjá nánar

Hagvöxtur með fríverslun
Þau lönd sem hafa verið fremst í fríverslun hafa einnig notið mests hagvaxtar, sagði formaður NHO, norsku samtaka atvinnulífsins, í ávarpi sínu á aðalfundi samtakanna þar sem fjallað var um hnattvæðinguna og tækifæri þau sem í henni felast.
Sjá nánar

Neikvæð áhrif auðlindagjalds á skatttekjur ríkisins
Samkvæmt skýrslu Hagfræðistofnunar gætu neikvæð áhrif auðlindagjalds á eignir landsmanna og þá einkum á landsframleiðslu leitt til þess að tekjuaukning hins opinbera af álagningu auðlindagjalds verði engin eða jafnvel neikvæð. Sjá nánar á heimasíðu LÍÚ

Mannvirki.is

Samtök iðnaðarins hafa opnað nýjan fagvef mannvirkjagerðar og byggingariðnaðar á Íslandi. Vefurinn tengist verkefninu Construct North 2002 - málþingi og fagsýningu SI á Grand Hótel 28. febrúar og í Laugardagshöll 1. til 3. mars næstkomandi.
Sjá nánar

Atvinnuleysistryggingasjóður kaupir Engjateig 11
Atvinnuleysistryggingasjóður hefur fest kaup á því húsnæði sem Vinnumálastofnun hefur haft á leigu undanfarin ár til að hýsa skrifstofu Vinnumiðlunar höfuðborgarsvæðisins.
Sjá nánar