Fyrirtæki hyggjast fækka fólki

Að meðaltali hyggjast fyrirtæki fækka starfsfólki um 1,55% á næstunni, samkvæmt könnun SA. Þetta er talsvert hærri tala en mælst hefur að undanförnu. Einkum hyggjast stærri fyrirtæki fækka fólki. Hlutfallslega er mest fækkun framundan í sjávarútvegi og meiri á landsbyggð en á höfuðborgarsvæði.
Sjá nánar

Mikil aukning á viðbótarsparnaði árið 2002
Viðbótar lífeyrissparnaður jókst mikið á síðasta ári skv. úrvinnslu SA á gögnum Kjararannsóknarnefndar. Mest var aukningin hjá verkafólki, þar sem sparnaður var minnstur fyrir, í kjölfar þess að helmingur mótframlags vinnuveitenda var festur. Samkvæmt úttektinni taka þrír af hverjum fjórum þátt í viðbótar lífeyrissparnaði.
Sjá nánar

Vinnuframlag eldra starfsfólks meira metið?

Forsvarsmenn 35% fyrirtækja telja eldra starfsfólk verðmætara en það yngra. Flestir, eða 62%, telja það jafn verðmætt en 3% telja það ekki eins verðmætt. Eldra fólkið þykir verðmætast meðal smæstu fyrirtækjanna, en minni munur er á milli starfsgreina.
Sjá nánar

Stóriðjuframkvæmdir
Umræður um umhverfismál virðast í ákaflega einlitum farvegi á Íslandi, segir Ari Edwald, framkvæmdastjóri SA. Hann segir óeðlilegt að erlend samtök blandi sér um of í ákvarðanir fullvalda þjóðar um þessi málefni. Það kunni ekki góðri lukku að stýra eins og reynslan kenni.
Sjá nánar

Ný lög um atvinnuréttindi útlendinga

Um áramót tóku gildi ný lög um atvinnuréttindi útlendinga. Þar er m.a. kveðið á um skyldu atvinnurekenda til að sjúkratryggja erlenda starfsmenn fyrstu sex mánuð dvalar á Íslandi. SA hafa tekið saman nokkur atriði um nýju lögin.
Sjá nánar

65% kaupmáttaraukning lágmarkslauna frá 1995

Kaupmáttur lágmarkskauptaxta hefur aukist um 58% frá því í janúar 1995. Á sama tíma hefur kaupmáttur lágmarkstekjutryggingar aukist um 65%.
Sjá nánar

Kaupmáttur eykst um 1,6%
Regluleg laun hafa hækkað að meðaltali um 4,9% milli 3. ársfjórðungs 2001 og 3. ársfjórðungs 2002, skv. fréttabréfi Kjararannsóknarnefndar. Á sama tíma hækkaði vísitala neysluverðs um 3,3%. Samkvæmt því jókst kaupmáttur launa að meðaltali um 1,6%.
Sjá nánar

Stóriðjuframkvæmdir geta breytt útlitinu á næsta ári

„Stóriðjuframkvæmdir, ef af þeim verður, munu geta breytt útlitinu umtalsvert og náð að draga úr þeirri deyfð sem annars blasir við á næsta ári,“ segir Finnur Geirsson, formaður SA, í áramótaviðtali við Morgunblaðið. Þar fjallar hann m.a. um hátt launastig, vöxt samneyslunnar, einkavæðingu og mikilvægi stöðugleikans.
Sjá nánar

Auknar tekjur ríkissjóðs af fyrirtækjum
Tekjuskattar fyrirtækja skila 750 milljónum meira í ríkissjóð á næsta ári en þessu, þrátt fyrir að lækkun skatthlutfallsins úr 30% í 18 taki gildi um áramótin, skv. nýrri tekjuáætlun fjármálaráðuneytisins. Samhliða lækkun skatthlutfallsins stækkar þannig skattstofninn, líkt og SA hafa haldið fram.
Sjá nánar

Vaxandi hlutur samneyslunnar

Hagvöxtur var neikvæður á þriðja ársfjórðungi 2002 um sem nemur 1,6%. Samfara minni verðmætasköpun jókst hins vegar samneyslan um 6,5%. Hlutur opinbers rekstrar í efnahags- lífinu, sem hefur aukist mikið undanfarin ár, hefur nú náð nýju hámarki, eða rúmlega 25%.
Sjá nánar

SA fagna hverju skrefi í vaxtalækkunum
Aðstæður núna kalla ekki á aðhaldssama stefnu Seðlabankans í peningamálum segir Hannes G. Sigurðsson, aðstoðarframkvæmdastjóri SA, í samtali við Morgunblaðið. Hann segir SA fagna hverju skrefi Seðlabankans í vaxtalækkunum.
Sjá nánar

Málefnastarf SA
Á næstunni munu málefnahópar SA hefja undirbúning aðalfundar SA sem haldinn verður 29. apríl nk. Málefnastarfið er opið öllum aðildarfyrirtækjum og aðildarfélögum og eru áhugasamir hvattir til að skrá sig í málefnahópa.
Sjá nánar

Námskeið SA í starfsmannamálum í Stykkishólmi og á Selfossi
Sjá nánar

Leikreglur samkeppninnar 16. janúar
Sjá nánar

Menntadagur iðnaðarins 16. janúar
Sjá nánar

Námskeið í jarðlagnatækni
Sjá nánar

Alþjóðavæðingin og norrænir atvinnurekendur

Samtök atvinnu- og iðnrekenda á Norðurlöndum hafa gefið út rit þar sem sett eru fram sameiginleg viðhorf til alþjóðavæðingar og lýst í stuttu máli hvaða verkefni er að þeirra mati brýnast að takast á við á næstu árum.
Sjá nánar

Áhyggjur af samkeppnishæfni Evrópu
UNICE, Evrópusamtök atvinnulífsins, lýsa áhyggjum af samkeppnishæfni Evrópu. Í nýrri skýrslu samtakanna til forseta ráðherraráðs ESB er m.a. fjallað um háan launakostnað, háa skatta og mikla reglubyrði evrópskra fyrirtækja, og lagðar fram tillögur til úrbóta.
Sjá nánar

Mikilvægt að samkeppni ríki milli háskóla

Æskilegt er að nám mótist á grundvelli framboðs og eftirspurnar og mikilvægt að samkeppni ríki á milli aðila, sagði Ari Edwald, framkvæmdastjóri SA, í erindi um þróun háskólanáms. Hann sagði kostnaðar- þátttöku nemenda vinna á móti offjárfestingu á háskólasviðinu.
Sjá nánar

Samið um Stýrimannaskólann og Vélskólann
Menntafélagið ehf. og menntamálaráðuneytið hafa undirritað verksamning um rekstur og starfsemi Stýrimannaskólans í Reykjavík og Vélskóla Íslands. Samningurinn er liður í þeirri viðleitni stjórnvalda að tengja fræðslu á starfsmenntasviðum enn betur við atvinnulífið.
Sjá nánar á heimasíðu LÍÚ

Áhyggjur af atvinnuhorfum
Ari Edwald, framkvæmdastjóri SA, tekur í samtali við RÚV undir áhyggjur ASÍ af atvinnuhorfum í landinu. Hann segir SA aðhyllast almennar aðgerðir og segir þær skattkerfisbreytingar sem farið hafi verið í vera jákvæðar fyrir efnahagslífið. Frekari vaxtalækkun sé íhugunarefni.
Sjá nánar

Nær 70% fleiri atvinnulausir en í fyrra

Samkvæmt gögnum vinnumiðlana voru 4.567 manns skráðir atvinnulausir í lok nóvember 2002, samanborið við 2.716 í nóvember 2001. Þetta er fjölgun um rúm 68% milli ára.
Sjá nánar

Óþægindi vegna starfsdaga í skólum
SA berst fjöldi erinda frá fyrirtækjum þar sem lýst er óþægindum vegna starfsdaga. Í samtali við Morgunblaðið spyr Gústaf Adolf Skúlason hjá SA hvort ekki sé hægt að skipuleggja þetta með skilvirkari hætti fyrir börnin, foreldra, vinnustaði þeirra og þar með þjóðfélagið í heild.
Sjá nánar

Hagnýt viðmið - stjórntæki í fyrirtækjum

Iðntæknistofnun hefur í samstarfi við SA o.fl. innleitt aðferðafræði sem auðveldar íslenskum fyrirtækjum að bera rekstur fyrirtækja sinna saman við önnur fyrirtæki og taka upp það besta sem þar þekkist í stjórnun.
Sjá nánar

Meirihluti vill léttvín og bjór í matvöruverslanir
51,2% fólks á aldrinum 20-67 ára vill að leyfð verði sala á léttvíni og bjór í matvöruverslunum og 37,6% eru andvíg. Þessar niðurstöður koma fram í nýrri könnun sem Pricewaterhouse Coopers gerðu fyrir SVÞ.
Sjá nánar