Íslendingar lengst á vinnumarkaði

Atvinnuþátttaka eldra fólks er mest hérlendis af öllum ríkjum OECD. Lækkandi eftirlaunaaldur er víða áhyggjuefni, en hérlendis a.m.k. er mikil eftirspurn eftir eldra fólki á vinnumarkaði. Áreiðanleiki, samviskusemi og rík ábyrgðar- tilfinning eru eiginleikar sem gjarnan eru nefndir, auk mikillar þekkingar og reynslu.
Sjá nánar

Starfsemin úr landi vegna hárra fyrirtækjaskatta
70-80% Svía telja líklegt að háir fyrirtækjaskattar leiði til þess að sænsk fyrirtæki flytji starfsemi sína úr landi og hamli gegn fjölgun starfa. Þá bendir ný sænsk rannsókn á 20 ríkjum til að eignarskattar hamli gegn hagvexti, en þeir eru enn innheimtir í Svíþjóð og á Íslandi.
Sjá nánar

Heildarsamtökum mismunað
Í fjárlagafrumvarpi næsta árs er gert ráð fyrir 30 milljóna króna framlagi til ASÍ. Sú mismunun á opinberum framlögum sem hér er á ferðinni er alvarlegt brot á þeirri grundvallarreglu að jafnræði eigi að ríkja milli aðila vinnumarkaðarins, segir Ari Edwald, framkvæmdastjóri SA.
Sjá nánar

Desemberuppbót

Desemberuppbót fyrir árið 2002 er kr. 36.000 fyrir verkafólk og iðnaðarmenn og kr. 41.000 fyrir skrifstofu- og verslunarfólk. Greiða á desemberuppbót í síðasta lagi 15. desember.
Sjá nánar á vinnumarkaðsvef SA

Viðauki við virkjunarsamning vegna Austurlands
Undirritaður hefur verið viðauki við virkjunarsamning SA við ASÍ og landssambönd þess, vegna fyrirhugaðra framkvæmda á Austurlandi. Samningnum er ætlað að mæta þörf á sveigjanlegu vinnufyrirkomulagi og löngum vinnulotum vegna fjarlægðar frá stærstu þéttbýliskjörnum.
Sjá nánar

Útvegsmenn greiði 1% framlag í séreignasjóð

Útvegsmönnum ber skv. dómi Félagsdóms að greiða sjómönnum í aðildarfélögum SSÍ 1% framlag í séreignasjóð án framlags af hálfu starfsmannsins. SA og LÍÚ hafa gert útgerðarmönnum grein fyrir niðurstöðu dómsins, sjónarmiðum samtakanna í málinu og hvernig beri að bregðast við niðurstöðunni.
Sjá nánar á heimsíðu LÍÚ

Mikil þátttaka í námskeiðum um starfsmannamál

Hátt á fjórða hundrað manns hafa þegar tekið þátt eða skráð sig á námskeið SA um starfsmannamál. Námskeiðin eru ætluð félagsmönnum og eru haldin bæði í Reykjavík og á landsbyggðinni, jafnt almenn námskeið um túlkun kjarasamninga sem námskeið um nýjungar og áherslur í starfsmannamálum.
Sjá nánar um námskeiðin

Nýtt starfsfólk SA

Christoph Kuhn hefur verið ráðinn til starfa á hagdeild SA og tekur hann við af Sigurði Jóhannessyni sem hafið hefur störf hjá Hagfræðistofnun HÍ. Þá hefur Helga Jóhannesdóttir verið ráðin í stöðu bókara hjá SA.
Sjá nánar

Lokanir leikskóla: áhersla SA á sveigjanleika

Þjónusta leikskólanna er mjög mikilvæg fyrir atvinnulífið og röskun sem kemur niður á foreldrum og börnum kemur óneitanlega einnig niður á atvinnulífinu, segir Ari Edwald, fram- kvæmdastjóri SA, í samtali við Morgunblaðið. Hann leggur áherslu á mikilvægi sveigjanleika í framkvæmd sumarlokana til að draga úr röskuninni.
Sjá nánar

Leitað verði orsaka mismunandi matvælaverðs
SA taka undir tillögu til þingsályktunar þess efnis að leitað verði orsaka fyrir mismunandi matvælaverði á Norðurlöndum og í ESB. SA telja hins vegar skylda tillögu vekja nokkra furðu, en skv. henni þyrfti Hagstofa Íslands sjálf að afla gagna um matvælaverð í ríkjum ESB ársfjórðungslega.
Sjá nánar

Umsagnir SA um þingmál

Samtök atvinnulífsins gefa Alþingi umsögn um margvísleg þingmál. Aðildarfyrirtæki SA eru hvött til að hafa samband ef þau vilja koma ábendingum á framfæri um einstök mál. Sjá umsagnir SA og lista yfir mál sem bíða umsagnar.
Sjá nánar

Verkefnastyrkir úr Atvinnuleysistryggingasjóði

Fyrirtæki, stofnanir o.fl. geta sótt um styrk úr Atvinnuleysistryggingasjóði til sérstakra verkefna á vegum svæðisvinnumiðlana. Styrkfjárhæðir nema hálfum eða heilum atvinnuleysisbótum og hámarkstími eru sex mánuðir.
Sjá nánar

Atvinnuleysi 3,2% og starfandi fólki fækkar
Atvinnuleysi var 3,2% í nóvember sl., skv. vinnumarkaðskönnun Hagstofunnar, en 2,4% á sama tíma í fyrra. Starfandi fólki fækkaði um 3.100 milli ára. Mest er atvinnuleysið meðal yngsta aldurshópsins og meira hjá körlum en konum.
Sjá nánar

Leit að umboðsmanni erlendis?

Útflutningsráð hefur hleypt af stokkunum verkefni til að auðvelda íslenskum fyrirtækjum val á umboðsmönnum erlendis. M.a. hefur verið komið á samstarfi við ýmsa erlenda aðila í þessu skyni.
Sjá nánar á heimasíðu Útflutningsráðs

Af vettvangi kemur næst út 9. janúar
Fréttabréfið Af vettvangi kemur næst út fimmtudaginn 9. janúar 2003.