Aðrar skýrslur SA
Hagsýn, framsýn og áræðin atvinnustefna SA
Samtök atvinnulífsins hafa markað hagsýna, framsýna og áræðna atvinnustefnu sem innlegg í umræðu um hvernig hægt er að snúa vörn í sókn. Þar kemur fram að bregðast verði rétt við, lágmarka þann skaða sem hefur orðið og auðvelda nýja uppbyggingu. Nauðsynlegt sé að grípa til ráðstafana og taka ákvarðanir sem skapi grunn að nýrri framfarasókn. Ritið kom út í janúar 2009.
Leiðbeiningar um stjórnarhætti opinberra fyrirtækja
Viðskiptaráð Íslands, NasdaqOMX Ísland og Samtök atvinnulífsins gáfu út í nóvember 2008 leiðbeiningar um stjórnarhætti opinberra fyrirtækja. Markmið leiðbeininganna er margþætt en þeim er fyrst og fremst ætlað að auka gagnsæi í rekstri opinberra fyrirtækja og aðstoða hið opinbera og fyrirtæki í eigu þess að skapa traust um starfsemi sína.
Leiðbeiningarnar má nálgast hér
Staða og horfur á norrænum vinnumarkaði
Í ágúst 2008 kom út sameiginleg skýrsla samtaka atvinnulífsins á Norðurlöndum um stöðu og horfur á norrænum vinnumarkaði. Á Norðurlöndunum eru 10-15% fólks á vinnualdri utan vinnumarkaðar tímabundið eða til frambúðar vegna heilsufarsvanda. Í öllum ríkjunum er reynt að bregðast við með því að stórauka endurhæfingu en útlit er fyrir að fólki muni fækka á norrænum vinnumarkaði á næstu árum og áratugum. Aldurssamsetning þjóðanna er að breytast - fjölmennir árgangar eru að fara á eftirlaun og árgangar fólks sem koma út á vinnumarkaðinn eru fámennari auk þess sem ungt fólk byrjar seinna að vinna en áður. Skýrslan er á ensku og er yfirskrift hennar A Larger Labour Force In The Nordic Countries.
Skýrsla um fjölmyntavæðingu atvinnulífsins
Sérfræðinganefnd SA sem framkvæmdastjórn samtakanna fól að skoða fjölmyntavæðingu atvinnulífsins skilaði af sér skýrslu í júlí 2008. Viðfangsefni nefndarinnar var að draga saman greiningu á fjölmyntavæðingu atvinnulífsins, þ.e. aukinni notkun erlendra gjaldmiðla í skuldbindingum og viðskiptum einkaaðila með auknu frjálsræði í iðskiptum og alþjóðavæðingu og án beins atbeina stjórnvalda. Einhugur var í nefndinni um að auka ætti veigjanleika atvinnulífsins hvað gjaldmiðlanotkun varðar og greiða ætti götu þess að viðskipti og notkun eða tenging við gjaldmiðla gæti þróast óhindrað eftir þeim leiðum sem markaðsaðilar telja hagkvæmast hverju sinni.
Baráttan um besta fólkið
Samtök atvinnulífsins hafa gefið út nýtt rit Baráttan um besta fólkið þar sem fjallað er um alþjóðavæðingu vinnumarkaðarins. Þar kemur m.a. fram að Ísland stendur Norðurlöndunum í heild að baki við að takast á við áskoranir hnattvæðingarinnar. Ísland stendur vel að vígi í alþjóðlegum samanburði hvað varðar laun og skatta en hátt verðlag og smæð landsins eru ekki aðlaðandi. Á heildina litið er samkeppnisstaða Íslands um hæft starfsfólk í meðallagi þegar litið er til kaupmáttar launa eftir skatt, en baráttan um besta fólkið mun fara harðnandi. Ritið kom út í apríl 2008.
Atvinnulífið er hluti af lausninni
Samtök atvinnulífsins á Norðurlöndum mörkuðu sameiginlega stefnu í loftslagsmálum og gáfu út í desember 2007. Í sameiginlegu riti samtakanna er hvatt er til þess að stjórnvöld og atvinnulíf vinni saman að því að finna lausnir á loftslagsvandanum. Í ritinu er að finna tillögur um hvernig hægt sé að ráðast gegn vandanum en það er mat þeirra að án aðkomu atvinnulífsins verði hann ekki leystur - atvinnulífið sé hluti af lausninni. Tillögurnar fela í sér sýn um nýtt alþjóðlegt samkomulag eftir að Kyoto-bókunin fellur úr gildi árið 2012 og undirstrika með hvaða hætti Evrópusambandið geti unnið gegn óæskilegum áhrifum loftslagsbreytinga með raunhæfum og hagkvæmum aðgerðum. Ritið er á ensku og heitir Nordic Position on Climate Change - Policies Post 2012.
Sjá nánar rit samtakanna (PDF)
Uppskriftin að farsælli nýsköpun
Samtök atvinnulífsins á Norðurlöndum hafa tekið saman uppskrift að farsælli nýsköpun og gefið út í ritinu The Nordic Recipe for Successful Innovation. Í ritinu er staða nýsköpunar á Norðurlöndunum sett í alþjóðlegt samhengi. Ellefu sögur af farsælli nýsköpun fyrirtækja eru sagðar og á grundvelli viðtala við frumkvöðla og stjórnendur fyrirtækjanna er uppskriftin að farsælli nýsköpun byggð. Meðal þeirra sem rætt er við eru Hörður Arnarson, forstjóri Marel Food Systems, Ágúst Guðmundsson, forstjóri Bakkavarar og Hreiðar Már Guðmundsson forstjóri Kaupþings. Í ritinu greina þeir í hverju velgengni fyrirtækjanna er fólgin og leggja línurnar til framtíðar. Ritið kom út í ágúst 2007.
Ritið í heild má nálgast hér (PDF-skjal)
Ísland 2050: Eldri þjóð – ný viðfangsefni
Samtök atvinnulífsins hafa gefið út ritið Ísland 2050: Eldri þjóð – ný viðfangsefni . Þar er fjallað er um þau viðfangsefni sem þjóðin þarf að fást við vegna breytinga á aldurssamsetningu þjóðarinnar. Í ritinu er sett fram ný mannfjöldaspá SA en aldurssamsetning íslensku þjóðarinnar árið 2050 verður mjög frábrugðin því sem nú er. Einstaklingar á eftirlaunaaldri, 65 ára og eldri, verða til að mynda 27% íbúanna í stað 12% nú og munu telja 109 þúsund manns. Fjöldi Íslendinga 80 ára og eldri mun fimmfaldast fram til 2050, úr 9 þúsund í 45 þúsund. Í ritinu er fjallað er um framtíðarhorfur á íslenskum vinnumarkaði og fólksfjöldaþróun í heiminum öllum. Ritið kom út í apríl 2007.
Ritið í heild má nálgast hér (PDF-skjal).
Í leit að bestu norrænu leiðinni.
Í sameiginlegu riti sem samtök atvinnulífsins á Norðurlöndum hafa gefið út, Í leit að bestu norrænu leiðinni, kemur fram að Norðurlöndin státi öll af sterkri stöðu í alþjóðlegri samkeppni. Margt sé líkt með löndunum fimm en þau geti þó ýmislegt gagnlegt lært hvert af öðru, þar sem ekki er til neitt eitt norrænt módel. Í ritinu er í stuttu máli fjallað um sérstaka styrkleika í hverju landanna fyrir sig, m.a. um skattalagabreytingar á Íslandi, finnska nýsköpunarumhverfið og afnám takmarkana á atvinnufrelsi og innleiðingu samkeppni í sænsku atvinnulífi. Ritið kom út í ágúst 2006.
Ritið í heild má nálgast hér (PDF-skjal).
Heilbrigður einkarekstur
Samtök atvinnulífsins hafa gefið út ritið Heilbrigður einkarekstur – tækifæri til sóknar í íslenskri heilbrigðisþjónustu. Í því er fjallað um þær áskoranir sem íslenskt heilbrigðiskerfi stendur frammi fyrir og settar eru fram ítarlegar tillögur um hvernig bregðast skuli við þeim. Auk greiningar SA eru í ritinu birt viðtöl við sérfróða aðila sem tjá sig um einkarekstur og framtíð íslenskrar heilbrigðisþjónustu. Rætt er við Sigurð Guðmundsson, landlækni, Sigurð Ásgeir Kristinsson, bæklunarlækni og framkvæmdastjóra Orkuhússins, Önnu Birnu Jensdóttur, hjúkrunarforstjóra Sóltúns og framkvæmdastjóra Öldungs hf., Stefán Þórarinsson, stjórnarformann Nýsis, og Grím Sæmundsen, lækni og forstjóra Bláa Lónsins hf. Ritið var gefið út í júní 2006.
Ritið í heild má nálgast hér (PDF-skjal).
Íslenska lífeyriskerfið í umbreytingu
Samtök atvinnulífsins hafa gefið út Íslenska lífeyriskerfið í umbreytingu. Þar er í fyrsta sinn lagt mat á samspil almannatrygginga og lífeyrissjóða næstu áratugina en líkur eru á að smám saman verði hlutverk lífeyrissjóðanna yfirgnæfandi þegar kemur að greiðslu lífeyris í stað hins opinbera. Í skýrslunni er dregin upp mynd af framtíðarþróun íslenska lífeyriskerfisins og þeim áskorunum sem það stendur frammi fyrir. Til að varpa ljósi á þessar áskoranir gerðu SA könnun á tryggingafræðilegum uppgjörum 15 lífeyrissjóða. Um framreikning á lífeyrisgreiðslum næstu áratugi sá Bjarni Guðmundsson, tryggingastærðfræðingur. Skýrslan kom út í mars 2006.
Stjórnarhættir fyrirtækja, önnur útgáfa
Samtök atvinnulífsins, Viðskiptaráð Íslands og Kauphöll Íslands hafa gefið út endurskoðaðar leiðbeiningar um stjórnarhætti fyrirtækja sem fyrst komu út árið 2004. Mikil og góð reynsla var af leiðbeiningunum og ákveðið var að gefa út nýjar og uppfærðar leiðbeiningar til að svara kalli atvinnulífsins. Það er vænleg leið til árangurs að atvinnulífið sjálft sýni frumkvæði og taki upp starfsreglur sem styrkja innviði fyrirtækja og auka traust milli almennings og fyrirtækja. Sjá nánar á vef Viðskiptaráðs.
Valkostir í umhverfisvottun á Íslandi
Hreinn ávinningur: Hvaða valkostir eru í boði í umhverfisvottun á Íslandi? er heitið á kynningarriti þar sem er að finna yfirlit yfir þær umhverfisvottanir sem íslensk fyrirtæki hafa aðgang að og byggja á óháðri úttekt þriðja aðila. Ýmist er um að ræða vottun á vöru, þjónustu eða stjórnun, en yfirleitt eru þó ekki skörp skil þar á milli. Ritið er gefið út í tengslum við ráðstefnuna, „Hreinn ávinningur – Hvað er að græða á umhverfisstarfi fyrirtækja?” Útgefendur eru Samtök atvinnulífsins, Umhverfisfræðsluráð, Alþýðusamband Íslands og Samtök iðnaðarins. Sjá kynningarritið
Uppskriftin að velgengni Norðurlanda á heimsvísu
Samtök atvinnurekenda á Norðurlöndum hafa búið til sameiginlega uppskrift að því hvernig Norðurlöndin geti tryggt áframhaldandi velgengni sína á heimsvísu. Uppskriftin er birt í skýrslunni The Nordic recipe for global success. Skýrslan fjallar um það hvernig Norðurlöndin geti brugðist við sífellt harðnandi alþjóðlegri samkeppni og í henni kemur fram að Norðurlandaþjóðirnar verði að sækja í sig veðrið, með því að bæta starfsumhverfi atvinnulífsins og efla menntun fólks enn frekar, ef takast eigi að tryggja velferð þjóðanna til framtíðar.
Skýrsluna í heild sinni má nálgast hér. (PDF skjal).
Íslenska þýðingu á inngangi og samantekt skýrslunnar ásamt Uppskriftinni að velgengni Norðurlanda á heimsvísu má nálgast hér. (PDF skjal).
Áherslur atvinnulífsins í þrettán málaflokkum
Samtök atvinnulífsins hafa lagt fram áherslur sínar í þrettán málaflokkum sem varða starfsskilyrði íslenskra fyrirtækja. Um er að ræða niðurstöður víðtæks og kraftmikils málefnastarfs þar sem fjöldi fólks frá aðildarfélögum samtakanna, einstökum fyrirtækjum og fleiri aðilum lögðu drög að stefnu SA, sem vilja tryggja íslensku atvinnulífi samkeppnishæf starfsskilyrði, landsmönnum öllum til hagsbóta.
Sjá jafnframt á málefnasíðu SA, m.a. viðbótarkafla um loftslagsmál og byggðamál
Eftirlit með atvinnustarfsemi – tillögur til úrbóta
Skýrsla SA um eftirlit með atvinnustarfsemi þar sem settar eru fram tillögur til úrbóta, almennt og í einstökum atvinnu- greinum. Fjallað er um eftirlitsumhverfi rafverktaka, byggingarverktaka, veitingahúsa, bensínstöðva, fjármála- fyrirtækja og fiskeldisfyrirtækja, um skipaskoðun og matvælaeftirlit. Þá eru dæmi tekin úr fleiri áttum. Maí 2004.
Stjórnarhættir fyrirtækja - leiðbeiningar Verslunarráð Íslands, Samtök atvinnulífsins og Kauphöll Íslands hafa gefið út leiðbeiningar um starfshætti fyrirtækja sem hafa að markmiði að skýra hlutverk og störf stjórnar- manna og stjórnenda fyrirtækja á Íslandi.
Sjá nánar á vef Verslunarráðs Íslands.
Bætum lífskjörin!
Skýrsla SA um leiðir til lífskjarabóta með kerfisumbótum. Fjallað er um reglubyrði, opinbert eftirlit, vinnumarkað, matvælaverð, landbúnaðarkerfið, heilbrigðiskerfið og menntakerfið. Apríl 2003.
Sjá skýrslu (pdf-skjal)
Globalisation
Samtök atvinnu- og iðnrekenda á Norðurlöndum hafa gefið út rit þar sem sett eru fram sameiginleg viðhorf til alþjóðavæðingar, nóvember 2002
Sjá skýrslu (pdf-snið)
Samkeppnishæf samkeppnislög
Skýrsla samkeppnislagahóps SA frá í maí 2002. Samanburður á íslenskri og erlendri samkeppnislöggjöf og tillögur til úrbóta, maí 2002
Sjá skýrslu (pdf-snið)
Sveigjanleiki á vinnumarkaði og upptaka evrunnar
Skýrsla eftir Ásgeir Jónsson og Sigurð Jóhannesson þar sem m.a. er rannsakaður sveigjanleiki launakostnaðar á Íslandi, maí 2002
Sjá skýrslu (pdf-snið)
Skýrsla skattahóps SA
Ítarlegar og rökstuddar tillögur til eflingar á samkeppnishæfni íslensks skattaumhverfis, maí 2001.
Sjá skýrslu skattahóps SA (pdf-snið)
Umhverfi til nýsköpunar á Íslandi
Samstarfsverkefni SA, Deloitte & Touche og Nýsköpunarsjóðs, maí 2001.
Sjá ritið (pdf-snið)
Leit
Stjórnborð
Fánar
