Vinnumarkaðsmál

Nær fullbókað er á námskeið Samtaka atvinnulífsins um gerð jafnréttisáætlana og framkvæmd þeirra sem fram fer í fyrramálið í Húsi atvinnulífsins. Örfá sæti eru þó laus en um er að ræða vinnustofu þar sem þátttakendur taka virkan þátt en námskeiðin eru sniðin að þörfum þátttakenda hverju sinni og fyrirtækjum þeirra. Námskeiðið er opið félagsmönnum SA og eru áhugasamir beðnir um að skrá sig sem fyrst með því að senda tölvupóst á sa@sa.is.

Nefnd SA og ASÍ um samningsforsendur hefur tekið til starfa en hlutverk hennar er að meta forsendur kjarasamninga á almennum vinnumarkaði sem skrifað var undir í febrúar síðastliðnum. Nefndin átti sinn fyrsta fund í gær og má búast við að fleiri fundnir verði haldnir. „Við fórum yfir málin og ræddum þetta vítt og breitt. Við eigum eftir að hittast oft," sagði Vilhjálmur Egilsson, framkvæmdastjóri Samtaka atvinnulífsins, í samtali við Fréttablaðið eftir fundinn.