Vinnumarkaðsmál
31.12.2003
Kjarasamningar ættu að nást án átaka
Það kæmi á óvart ef menn sæju ástæðu til þess að efna til kjaradeilna nú, þegar höfð er í huga hin mikla aukning kaupmáttar undanfarin ár, segir Ingimundur Sigurpálsson, formaður SA, í áramótasamtali við Morgunblaðið. Hann segir mestu skipta að andrúmsloftið er jákvætt og að almenn ánægja ríkir með árangur af yfirstandandi samningum, sem hafa skilað launafólki meiri raunhækkun launa en dæmi eru um áður.
18.12.2003
Verslunarmenn leggja fram kröfugerð
LÍV og VR hafa kynnt SA kröfugerð verslunarmanna við gerð nýs kjarasamnings. Í kröfugerðinni kemur m.a. fram að félögin leggja áherslu á að tryggja áfram þann stöðugleika sem skapast hefur og að verðbólgu verði haldið í skefjum. Áhersla verði lögð á hækkun lægstu launa, en launakröfur verða nánar skilgreindar í janúar 2004.
18.12.2003
Rafiðnaðarmenn kynna kröfugerð
RSÍ hefur kynnt kröfugerð sína fyrir komandi kjara-samninga. Í henni fara þeir m.a. fram á að lágmarkslaun verði kr. 170.000 fyrir rafiðnaðarmann með sveinspróf, en kr. 215.000 fyrir sveina með þriggja ára starfsreynslu. Launahækkun á ári skili 2-3% kaupmáttaraukningu.
16.12.2003
Lagi sig að leikreglum á almennum vinnumarkaði
Starfsgreinasambandið hefur kynnt SA nýja kröfugerð í lífeyrismálum, þar sem farið er fram á sambærileg lífeyrisréttindi og ríkisstarfsmenn búa við. Í samtali við Morgunblaðið segir Ari Edwald, framkvæmdastjóri SA, eðlilegt að lífeyrisréttindi verði samræmd, en sú samræming verði að vera þannig að opinberir launa-greiðendur lagi sig að þeim leikreglum sem gildi á almennum vinnumarkaði.
15.12.2003
Einkatölvupóstur: fyrirtækin setji reglur
Það er að sjálfsögðu hvers fyrirtækis að ákveða hvort eða að hvaða marki persónleg netnotkun starfsmanna er heimiluð, segir Hrafnhildur Stefánsdóttir, yfirlögfræðingur SA, í samtali við tímaritið Birtu. Það er hins vegar ráðlegt að fyrirtæki setji skýrar reglur um slíka notkun.
12.12.2003
Slæmt innlegg í kjaraviðræður
Það blasir við að frumvarp um eftirlaun æðstu embættis-manna, sem og nokkur önnur sem hafa komið upp undanfarið, er slæmt innlegg í kjaraviðræðurnar, segir Ari Edwald, framkvæmdastjóri SA, í samtali við Morgunblaðið. Hann segir hins vegar alveg ljóst að uppákoma af þessu tagi breyti engu um það svigrúm sem til staðar sé við gerð kjarasamninga.
9.12.2003
3% atvinnuleysi í nóvember
Í nóvember voru skráðir 87.963 atvinnuleysisdagar á landinu öllu sem jafngilda því að 4.400 manns hafi að meðaltali verið á atvinnuleysisskrá í mánuðinum, eða 3% af áætlun efnahagsskrifstofu fjármálaráðuneytisins um mannafla á vinnumarkaði. Atvinnuleysið var 2,8% í október sl., sem og í nóvember 2002.
8.12.2003
Samiðn leggur fram kröfugerð sína
Samiðn, samband iðnfélaga, hefur kynnt SA kröfugerð sína fyrir komandi kjarasamninga. Þar er gert ráð fyrir að almennar launabreytingar skili 3% kaupmáttaraukningu á ári og að samið verði til tveggja ára.
4.12.2003
Hóflegar hækkanir skila meiri kaupmætti
Laun hafa lengi hækkað meira hér en í viðskiptalöndunum. Á yfirstandandi samningstímabili hafa umframhækkanir launa hér á landi verið „leiðréttar“ með lækkun gengis krónunnar og niðurstaðan er sambærilegar launahækkanir og erlendis þegar samanburður er gerður í erlendri mynt. Á árunum 1980-1990 hækkuðu laun um 1.450% en kaupmáttur minnkaði um 14%. Hóflegar launahækkanirnar eru líklegri til að skila sér í auknum kaupmætti.
4.12.2003
Skref í átt til einsleitari vinnumarkaðar
Sérstaða og sérkjör opinberra starfsmanna hafa skaðleg áhrif á frjálst flæði fólks milli almenns og opinbers vinnu-markaðar, segir Ari Edwald, framkvæmdastjóri SA, í leiðara fréttabréfsins Af vettvangi. Hann segir fjármálaráðherra eiga hrós skilið fyrir að stíga skref í átt til einsleitari vinnumarkaðar á Íslandi.
4.12.2003
Prósentuhækkanir og kaupmáttur
Háar prósentuhækkanir launa búa ekki til kjarabætur, segir Ari Edwald, framkvæmdastjóri SA, í leiðara fréttabréfsins Af vettvangi, og bendir á að kaupmáttur dróst saman um 14% á tímabilinu 1980-1990, þegar laun hækkuðu um 1450%. Vinnufriður og efnahagslegur stöðugleiki stuðla að framleiðniaukningu sem bætir lífskjör.
3.12.2003
Flóabandalagið birtir kröfugerð sína
Flóabandalagið hefur birt kröfugerð sína fyrir komandi kjarasamninga. Miðað er við að allir launataxtar undir 93.000. kr. verði felldir út við upphaf samnings og nýtt taxtakerfi byggist á þeim grunni, lægstu laun hækki um 30%, almennar launahækkanir nemi 19,25% og innröðun í nýtt launakerfi nemi 2,5%.
1.12.2003
Málþing í tilefni af Evrópuári fatlaðra
Þriðjudaginn 2. desember heldur rektor Háskóla Íslands málþing í samstarfi við félagsmálaráðuneytið, SA, ASÍ og BSRB, í tilefni af Evrópuári fatlaðra 2003. Málþingið beinir sjónum að atvinnulífinu með áherslu á ávinning samfél-agsins af virkri þátttöku allra í atvinnu og verðmæta-sköpun.
27.11.2003
Desemberuppbót
Starfsmenn skulu eigi síðar en 15. desember fá greidda desemberuppbót, sem er miðað við fullt starf allt árið kr. 37.000 hjá flestum starfsgreinum nema verslunarmönnum, þar sem hún er kr. 42.000. Sjá nánar á vinnumarkaðs-vef SA.
26.11.2003
Viðbrögð SA koma fram í viðræðunum sjálfum
Viðbrögð SA við kröfugerð Starfsgreinasambandsins sem slíkri koma ekki fram fyrr en í samningaviðræðunum sjálfum, segir Ari Edwald, framkvæmdastjóri SA, í samtali við Morgunblaðið. Það sé þó augljóst að hún sé hærri en nemur þeim kostnaðarhækkunum sem atvinnulíf býr við í nágrannalöndum okkar.
25.11.2003
Kaupmáttur jókst um 3,3%
Á tímabilinu frá 3. ársfjórðungi 2002 til 3. ársfjórðungs 2003 hækkuðu regluleg laun að meðaltali um 5,4%. Á sama tíma hækkaði vísitala neysluverðs um 2,0%. Samkvæmt því jókst kaupmáttur launa að meðaltali um 3,3%. Laun kvenna hækkuðu um 6,4% en karla um 4,9%. Sjá nánar í fréttabréfi Kjararannsóknarnefndar.
25.11.2003
Starfsgreinasambandið birtir kröfugerð sína
Starfsgreinasamband Íslands hefur birt kröfugerð sína vegna komandi kjarasamninga. Höfuðáhersla er lögð á að samið verði um nýja launatöflu, sem byggi á sex þrepum, og hækkun lægstu launa hefur forgang. Krafan gerir m.a. ráð fyrir að lægstu taxtar hækki um 30% á fjögurra ára samningstímabili og að almennar launahækkanir verði 19%.
24.11.2003
Fræðslumiðstöð atvinnulífsins opnuð
Opnuð hefur verið Fræðslumiðstöð atvinnulífsins, sem stofnuð var af SA og ASÍ. Fræðslumiðstöðin mun fyrst og fremst sinna þeim hópi, sem ekki hefur lokið framhalds-skóla, innflytjendum og öðrum sambærilegum hópum. Á íslenskum vinnumarkaði er þessi hópur mjög stór eða um 40%.
21.11.2003
2,8% atvinnuleysi í október
Í októbermánuði voru skráðir 93.408 atvinnuleysisdagar á landinu öllu sem jafngilda því að 4.059 manns hafi að meðaltali verið á atvinnuleysisskrá, eða 2,8% af áætlun efnahagsskrifstofu fjármálaráðuneytis um mannafla á vinnumarkaði. Meðalfjöldi atvinnulausra var um 15% meiri en í október árið 2002.
12.11.2003
Íslenska menntakerfið samkeppnishæfara
Stytting námstíma í framhaldsskóla hefur sem slík ekki mikil bein áhrif atvinnulífið, segir Gústaf Adolf Skúlason, forstöðumaður hjá SA, í samtali við Viðskiptablaðið. Hún mun hins vegar hafa ýmis jákvæð samfélagsleg áhrif og auka samkeppnishæfni íslenska menntakerfisins.
6.11.2003
Afkomuvæntingar fyrirtækja óbreyttar milli ára
Afkomuvæntingar fyrirtækja eru nánast óbreyttar frá því fyrir ári síðan, skv. könnun SA. Rúmur helmingur reiknar með svipaðri afkomu á næstu mánuðum, eða 52%, samanborið við 55% fyrir ári síðan. 30% reikna með batnandi afkomu í stað 28% fyrir ári síðan, og 16% með versnandi afkomu, í stað 14%. Bjartsýnin er minni á landsbyggðinni en á höfuðborgarsvæði og horfur dekkstar í sjávarútvegi.
3.11.2003
Áhersla á mikilvægi aðhalds í ríkisfjármálum
Í ræðu sinni á aðalfundi LÍÚ fjallaði Kristján Ragnarsson, fráfarandi formaður samtakanna til 33 ára, m.a. um áhrif stóriðjuframkvæmda og mikilvægi aðhalds í ríkisfjármálum, sem hann sagði ekki birtast með nægilega skýrum hætti í fjárlagafrumvarpi næsta árs.
27.10.2003
Fyrirtæki dæmdar bætur vegna brota starfsmanns á samkeppnisákvæði í ráðningarsamningi
Hæstiréttur hefur dæmt fyrrverandi starfsmann fyrirtækis til greiðslu 900.000 kr. févítis vegna brota á ákvæði í ráðningarsamningi um að hann skuldbindi sig til að ráða sig ekki hjá fjórum nafngreindum fyrirtækjum í tvö ár frá starfslokum sínum hjá fyrirtækinu.
22.10.2003
Röskun vegna vetrarfría í grunnskólum
Vetrarfrí í grunnskólum valda mikilli röskun og óþægindum á mörgum vinnustöðum segir Gústaf Adolf Skúlason, forstöðumaður hjá SA, í samtali við Morgunblaðið. Hann segir ekkert samráð hafa verið haft við atvinnulífið um vetrarfríin. Þá sé ljóst að þau bitni því miður frekar á konum en körlum á vinnumarkaðnum.
20.10.2003
Samræming vinnu og einkalífs
Þann 10. nóvember verður haldin ráðstefna um samræmingu vinnu og einkalífs á hótel Nordica, ætluð starfsmannastjórum, jafnréttisráðgjöfum o.fl. Skráning til 6. nóvember. Veitt verður viðurkenning fyrir framlag sem stuðlar að samræmingu vinnu og einkalífs í orði og verki. Óskað er eftir ábendingum vegna hennar. Sjá nánar á vef hins gullna jafnvægis.
16.10.2003
Fjölgun starfandi fólks?
Starfandi fólki fjölgaði um 2.100 frá öðrum ársfjórðungi til þess þriðja. Fjölgunin markast mjög af afleysingastörfum sumarfólks og er einkum í aldurshópnum 16-24 ára. Hjá þeim sem eru eldri en 25 ára nam fjölgunin einungis 200 störfum. Starfandi körlum fækkaði um 500 og starfandi konum fjölgaði um 700.
15.10.2003
Krefjandi valkostir Dana
Danir verða sem fyrst að taka afstöðu til þess hvort þeir vilji kalla yfir sig stórfelldar skattahækkanir og/eða niðurskurð opinberra útgjalda, eða grípa til aðgerða nú þegar til að hækka hlutfall fólks á vinnumarkaði, m.a. með hækkun eftirlaunaaldurs og auknum fjölda útlendinga á dönskum vinnumarkaði. Þetta er niðurstaða skýrslu dönsku samtaka atvinnulífsins.
13.10.2003
Full samstaða um að samningar séu virtir
Ari Edwald, framkvæmdastjóri SA, segir í samtali við Morgunblaðið að full samstaða sé um það á íslenskum vinnumarkaði að það eigi ekki að líða nein undanbrögð frá því að kjarasamningar séu virtir.
6.10.2003
Nauðsynlegt að auka sveigjanleika á vinnumarkaði
Mikið atvinnuleysi í mörgum aðildarríkja OECD stafar m.a. af stífri vinnumarkaðslöggjöf, háum óbeinum launakostnaði og óhóflega ríkri uppsagnarvernd, segir í yfirlýsingu ráðgjafanefndar stofnunarinnar. Nauðsynlegt sé að auka sveigjanleika á vinnumarkaði viðkomandi ríkja.
2.10.2003
Launin aldrei hærra hlutfall verðmætasköpunarinnar
Hlutfall launa af verðmætasköpuninni stefnir í 70% á þessu ári, sem er sögulegt hámark sem rekja má til launa- og gengisþróunar undanfarinna ára. Að meðaltali mun þetta hlutfall vera um 60% meðal OECD-ríkja. Þetta háa launahlutfall þýðir minni framlegð í atvinnulífinu, minni arðsemi fjármagns og að minna fé er varið til fjárfestinga.
2.10.2003
Launakostnaður aukist tvöfalt á við viðskiptalöndin
Á síðustu sex árum hafa laun á almennum markaði hér á landi hækkað um 45% mælt í erlendum gjaldmiðli, saman-borið við 18% hækkun að meðaltali í viðskiptalöndum okkar. Hækkunin hér á landi var því ríflega tvöföld á þessu tímabili.
2.10.2003
Lægstu launin hafa hækkað mest
Frá ársbyrjun 1997 hefur kaupmáttur lægstu launa hækkað um 40%, sem er ríflega tvöfalt meiri kaupmáttaraukning en átt hefur sér stað hjá launafólki á almennum vinnumarkaði. Við núverandi aðstæður er næsta víst að sérstakar hækkanir lægstu launa myndu færast upp allan launastigann.
2.10.2003
Í aðdraganda samningalotu
Lítið svigrúm er til launahækkana í miðlægum samningum segir Ari Edwald, framkvæmdastjóri SA, í leiðara frétta-bréfsins Af vettvangi. Hlutur launa í verðmætasköpuninni sé hærri en fái staðist til lengdar og hljóti að lækka fyrr en síðar, með hægari launabreytingum hér á landi en í viðskiptalöndunum eða með lækkun gengis krónunnar. Sú fyrri sé leið stöðugleikans en hin síðari hafi oftast verið kennd við kollsteypur.
1.10.2003
Launamunur kynjanna 3-7% í Danmörku
Samkvæmt nýlegri könnun dönsku aðila vinnumarkaðarins nemur sá launamunur sem ekki næst að útskýra með öðrum þáttum en kyni 3,4 til 7,4%. Byggt var á aðferð sem horfir ekki á kyn sem skýringarbreytu heldur gerir heildstæðar aðskildar rannsóknir á launum kynjanna og ber þau síðan saman. Aðferðinni hefur einu sinni verið beitt hérlendis og var niðurstaðan þá 7,5-11% óútskýrður munur. Ýmis gögn eru þó ófullkomnari hér.
29.9.2003
Stytting náms til stúdentsprófs
SA fagna því að hreyfing sé að komast á styttingu náms til stúdentsprófs, sem verið hefur eitt helsta stefnumál samtakanna í menntamálum. Mikið þjóðhagslegt hagræði yrði af slíkri breytingu og hagsmunir atvinnulífsins af sumarvinnu skólafólks standa ekki í vegi fyrir lengingu skólaársins í þessu skyni, sé það gert fyrri hluta sumars.
25.9.2003
Frakkar hætta við styttingu vinnuvikunnar
Frakkar hyggjast breyta nokkurra ára gömlum lögum sem kveða á um 35 klst. vinnuviku. Samkvæmt nýrri skoðanakönnun telja 67% þjóðarinnar að lögin hafi ekki náð meginmarkmiði sínu, að draga úr atvinnuleysi. Þá töldu svarendur að löggjöfin væri fyrirtækjum erfið og þvingaði þau jafnvel til að flytja starfsemi úr landi.
19.9.2003
Leonardó-styrkir: starfsþjálfun erlendis o.fl.
Viltu senda starfsmann í þjálfun erlendis? Ertu í samstarfi við aðra evrópska aðila í starfsmenntamálum? Lands-skrifstofa Leonardó á Íslandi lýsir eftir umsóknum um styrki í mannaskipta- og tilraunaverkefni Leonardo da Vinci starfsmenntaáætlunar ESB. Umsóknarfrestur er til 3. október 2003.
17.9.2003
Kaupmáttur jókst um 3,2%
Á tímabilinu frá 2. ársfjórðungi 2002 til 2. ársfjórðungs 2003 hækkuðu regluleg laun að meðaltali um 5,2%, samkvæmt niðurstöðum launakönnunar Kjararannsóknar-nefndar (KRN). Á sama tíma hækkaði vísitala neysluverðs um 2,0% og samkvæmt því jókst kaupmáttur að meðaltali um 3,2%. Sjá nánar í fréttabréfi KRN.
15.9.2003
Vaxandi hlutfall langtíma atvinnuleysis
Í lok ágúst höfðu 1.493 einstaklingar verið á atvinnu-leysisskrá í 6 mánuði eða lengur, eða 32,8% af heildarfjölda atvinnulausra. Þetta hlutfall var 24,4% í lok ágúst 2002. Sjá nánar á heimasíðu Hagstofunnar.
12.9.2003
Starfsmenntaverðlaunin til Eimskips, Eftirmenntunar vélstjóra og Verkmenntaskólans á Akureyri
Starfsmenntaverðlaunin í ár hljóta Eimskip í flokki fyrirtækja, Eftirmenntun vélstjóra í flokki skóla og fræðsluaðila og Verkmenntaskólinn á Akureyri í opnum flokki.
8.9.2003
Vika símenntunar hafin
Vika símenntunar verður haldin dagana 7.-13. september. Málþing, sérstakur símenntadagur í fyrirtækjum o.fl. er meðal þess sem verður á döfinni, en þema vikunnar að þessu sinni er „fjarnám og aðrar óhefðbundnar leiðir til náms.“ Sjá nánar á heimasíðu vikunnar.
4.9.2003
Bætt réttaröryggi fólks og fyrirtækja
Setja þarf samræmdar og skýrar framkvæmdarreglur fyrir þær stjórnvaldsstofnanir sem einhverra hluta vegna telja sig þurfa að sækja gögn inn á heimili fólks eða í fyrirtæki. Þetta er niðurstaða danskrar réttaröryggisnefndar sem danski dómsmálaráðherrann hefur gert að sinni.
2.9.2003
Ábyrgð nýs rekstraraðila gagnvart starfsmönnum
Við kaup á fyrirtæki eða hluta þess og samruna fyrirtækja geta starfsmenn átt rétt á að flytjast yfir til hins nýja rekstraraðila með óbreyttum kjörum og nýji rekstraraðilinn jafnvel verið ábyrgur fyrir ógreiddum launaskuldum fyrri vinnuveitanda gagnvart þeim starfsmönnum sem hefja störf hjá honum.
15.8.2003
Launahækkanir nær tvöfalt meiri hérlendis
Í Danmörku hafa laun að meðaltali hækkað um 3,9% frá sama tíma í fyrra. Ársmeðaltalið innan ESB eru 3%. Hérlendis hafa laun hækkað um 5,5% milli ára á almennum vinnumarkaði og um 5,9% hjá hinu opinbera. Launa-hækkanir hafa því verið næstum tvöfalt meiri hér en að jafnaði meðal okkar samkeppnisríkja og eru þær langhæstar hérlendis.
14.8.2003
Þörf á hagræðingu í heilbrigðiskerfinu
Hægt er að nýta kosti samkeppni og einkarekstrar til hagræðingar í heilbrigðiskerfinu, án þess að hlutur hins opinbera í kostnaði við hvern sjúkling minnki, né heldur gæði þjónustunnar, sagði Ari Edwald, framkvæmdastjóri SA, m.a. í erindi á málþingi LSH um rekstur sjúkrahúsa o.fl.
13.8.2003
Önnur verkefni í stað veikindafjarvistar?
Dönsku samtök atvinnulífsins hafa lagt til að í veikindavottorðum til atvinnurekenda taki læknar fram hvaða eða hvers konar verkefni viðkomandi starfsmenn geti ekki innt af hendi sökum veikindanna. Danska alþýðusambandið styður tillöguna, en sambærilegt fyrirkomulag hefur skilað góðum árangri í Noregi.
18.7.2003
Sérkjarasamningur vegna jarðgangagerðar undirritaður
Í dag var undirritaður sérkjarasamningur milli Samtaka atvinnulífsins og hlutaðeigandi verkalýðsfélaga vegna vinnu við gerð jarðganga milli Reyðarfjarðar og Fáskrúðsfjarðar. Samningurinn fjallar um skipulegar 10 daga vinnulotur, fyrirkomulag vakta, ferðir til og frá vinnustað, tryggingar og öryggismál. Samningurinn hefur sama gildistíma og aðalkjarasamningar samningsaðila, þ.e. til næstu áramóta. Sjá samninginn.
16.7.2003
Óhagkvæmt fyrirkomulag frítöku
Í Morgunblaðsgrein fjallar Gústaf Adolf Skúlason, forstöðumaður hjá SA, um þá röskun sem fylgir löngum sumarleyfistíma á Íslandi, fimmtudagsfrídaga o.fl. Hann hvetur til fækkunar skólaára og lengingar skólaársins, sem m.a. myndi stuðla að hagkvæmara fyrirkomulagi orlofstöku hérlendis.
13.7.2003
Réttur til orlofstöku, ekki orlofslauna
Úrskurðarnefnd fæðingar- og foreldraorlofsmála hefur komist að þeirri niðurstöðu að lög um fæðingar- og foreldraorlof feli ekki í sér réttinn til orlofslauna heldur einungis réttinn til orlofstöku. Þetta er í samræmi við túlkun SA og sameiginlegar forsendur SA og ASÍ sem byggt var á við setningu laganna.
7.7.2003
Fá atvinnu- og dvalarleyfi með flýtimeðferð
Sérstakt fyrirkomulag er í gildi varðandi ráðningu erlends starfsfólks úr starfsgreinum þar sem skortur ríkir í Danmörku. Danska útlendingastofan heldur lista yfir umræddar starfsgreinar og veitir starfsfólki úr þeim, frá löndum utan EES, atvinnu- og dvalarleyfi með flýtimeðferð.
3.7.2003
Hagræði af tilfærslu fimmtudagsfrídaga
Forsvarsmenn 82% fyrirtækja telja að tilfærsla einhverra fimmtudagsfrídaganna á vorin yfir á heppilegri tíma myndi stuðla að hagræði í rekstri. Helst hefur verið rætt um sumardaginn fyrsta og uppstigningardag í þessu sambandi.
3.7.2003
Viðsnúningur á vinnumarkaði
77% fyrirtækja hyggjast halda óbreyttum fjölda starfsfólks næstu 3-4 mánuði, skv. könnun SA. 13% hyggjast fjölga starfsfólki en 10% hyggjast fækka því. Þetta er töluverður viðsnúningur frá í desember, en þá hugðist 21% fyrirtækja fækka starfsfólki og 8% fjölga því. Nokkur starfsmanna-fækkun virðist framundan í fiskvinnslu, útgerð og fjármálaþjónustu, en fjölgun í iðnaði og ferðaþjónustu.
3.7.2003
Félagsdómur túlkar útkallsákvæði kjarasamninga
Samkvæmt nýlegum dómi Félagsdóms er ekki um útkall að ræða þegar haft er samband við starfsmann, sem þegar hefur verið kallaður út, og hann beðinn að vinna annað verk innan útkallstímans. Samkvæmt öðrum dómi eiga útkallsákvæði kjarasamnings einungis við um kvaðningu til vinnu sem feli í sér að starfsmaður þurfi að fara á vinnustað.
3.7.2003
Greiðari leið fyrir erlent starfsfólk
Nauðsynlegt er að greiða leið erlends starfsfólks hingað eins og hægt er í tengslum við stóriðjuframkvæmdir, m.a. með því að stytta ferla hjá Vinnumálastofnun og Útlendingastofnun, segir Hannes G. Sigurðsson, aðstoðarframkvæmdastjóri SA, í leiðara fréttabréfsins Af vettvangi. Hann segir ferlið nú alltof tímafrekt.
27.6.2003
Náið verði fylgst með áhrifum á EES-samninginn
Í áliti sínu til ráðherraráðs EFTA leggur ráðgjafarnefnd samtakanna áherslu á mikilvægi þess að EFTA fylgist grannt með áhrifum væntanlegrar stjórnarskrár ESB á EES-samninginn og hefji sem fyrst undirbúning viðbragða, til að sem best verði áfram staðinn vörður um hagsmuni EFTA-ríkjanna.
23.6.2003
3,2% kaupmáttaraukning launa
Á tímabilinu frá 1. ársfjórðungi 2002 til 1. ársfjórðungs 2003 hækkuðu regluleg laun að meðaltali um 5,1%. Á sama tíma hækkaði vísitala neysluverðs um 1,9% og samkvæmt því jókst kaupmáttur launa að meðaltali um 3,2% á tímabilinu. Sjá nánar í fréttabréfi Kjara-rannsóknarnefndar.
19.6.2003
Góð reynsla af einkarekstri fangelsa
Samkeppni milli fangelsa, í opinberum rekstri og í einkarekstri, hefur leitt til betri þjónustu og lægri kostnaðar, auk þess að vinna gegn almennri andstöðu kerfisins við breytingar, að sögn yfirmanns fangelsismála í breska innanríkisráðuneytinu. Hann segir einkareknu fangelsin meðal þeirra bestu í landinu.
13.6.2003
Vaxandi hlutfall langtímaatvinnulausra
Í lok maí hafði 1.601 einstaklingur verið á atvinnuleysis-skrá í 6 mánuði eða lengur, eða 27,6% af heildarfjölda atvinnulausra. Þetta hlutfall var 20,3% í lok maí 2002. Sjá nánar á heimasíðu Hagstofu Íslands.
13.6.2003
Minnkandi atvinnuleysi
Samkvæmt mælingum Vinnumálastofnunar jafngiltu skráðir atvinnuleysisdagar í maí 3,6% atvinnuleysi á landinu öllu. Það er lækkun úr 3,9% í apríl, en atvinnuleysið er þó enn mun hærra en fyrir ári síðan, þegar það mældist 2,5%.
12.6.2003
Íslendingar reiðubúnari að taka þátt í kostnaði við menntun sem tryggt getur þeim störf
Íslendingar eru reiðubúnari til að taka þátt í kostnaði við menntun sem tryggt getur þeim störf, en almennt gildir um EES-borgara. Nær helmingur EES-borgara, eða 47%, er ekki reiðubúinn að taka þátt í slíkum kostnaði, en hérlendis er þetta hlutfall 38%.
11.6.2003
Ráðstefna um vinnuvistfræði
Vinnuvistfræðifélag Íslands stendur fyrir ráðstefnu dagana 11.-13. ágúst nk., m.a. með stuðningi SA. Innlendir og erlendir fyrirlesarar munu fjalla um streitu, þjálfun, áhættumat, fjárhagslegan ávinning af vinnuvernd o.fl. Þá verður kynning á vörum og þjónustu og verðlauna-afhending, sem tilnefna má fyrirtæki og einstaklinga til.
7.6.2003
Mæla með auknum hlut einkaaðila
Sendinefnd Alþjóðagjaldeyrissjóðsins segir gagnlegt að auka hlut einkaaðila við að veita almannaþjónustu og efla tengsl þjónustugjalda og raunverulegs kostnaðar við þjónustuna. Í samtali við Fréttablaðið segir Gústaf Adolf Skúlason, forstöðumaður hjá SA, þetta að mestu í anda þess sem SA hafi boðað, en undanskilur þjónustugjöld í heilbrigðiskerfinu.
4.6.2003
Rangfærslur um tryggingamál sjómanna
Í frétt í Morgunblaðinu þriðjudaginn 3. júní sl. er greint frá því að Páll Steingrímsson, formaður Sjómannadagsráðs Akureyrar, hafi haldið því fram í ávarpi sínu á sjómanna-daginn að í tryggingamálum standi sjómenn flestum öðrum starfsstéttum langt að baki. Sannleikurinn er hins vegar sá að slysatrygging sjómanna er mun betri en almennt gildir um aðra launþega í landinu.
3.6.2003
Fyrirtæki minnt á fræðslusjóði atvinnulífsins
Á árinu 2000 gerðu Samtök atvinnulífsins samninga við helstu viðsemjendur um stofnun sérstakra fræðslusjóða á almennum vinnumarkaði. Rétt er að minna fyrirtæki á að líkt og launþegar geta þau sótt um styrki til þessara sjóða vegna starfsmenntamála.
1.6.2003
Á ekki og getur ekki stýrt uppbyggingu atvinnulífsins
SA vilja efla Samkeppnisstofnun til góðra verka og hafa stutt breytingar sem gera stofnuninni betur kleift að vinna gegn ólögmætu samráði fyrirtækja, segir Ari Edwald, framkvæmdastjóri SA, í samtali við Morgunblaðið. Hann segir það hins vegar ekki hlutverk Samkeppnisstofnunar að stýra uppbyggingu atvinnulífsins.
27.5.2003
Orlofsuppbót
Greiða skal orlofsuppbót við upphaf orlofstöku en þó eigi síðar en 15. ágúst. Orlofsuppbót verslunarmanna er kr. 15.400 í ár en orlofsuppbót flestra annarra starfsstétta er kr. 20.400 (verslunarmenn hafa aftur hærri desember-uppbót). Upphæðin miðast við fullt starf allt orlofsárið.
22.5.2003
Fagnar samráði um skattabreytingar
Ari Edwald, framkvæmdastjóri SA, fagnar því í samtali við Ríkisútvarpið að stjórnvöld ætli að hafa samráð við aðila vinnumarkaðarins um lækkun tekjuskatts. Hann segir fordæmi fyrir því að ráðstafanir stjórnvalda hafi greitt fyrir kjarasamningum.
19.5.2003
Veikindarétturinn bundinn í lög
Rétturinn til launa í veikinda- og slysaforföllum er bundinn í lög og það er ekki á valdi samningsaðilanna að breyta því, segir Ari Edwald, framkvæmdastjóri SA, í samtali við Morgunblaðið. Hann telur núverandi sjúkrasjóðakerfi hins vegar þarfnast endurskoðunar, algerlega óháð öllu öðru.
15.5.2003
Ráðin framkvæmdastjóri Fræðslumiðstöðvar atvinnulífsins
Ingibjörg E. Guðmundsdóttir hefur verið ráðin framkvæmdastjóri Fræðslumiðstöðvar atvinnulífsins ehf., sem ætlað er að standa fyrir víðtæku menntunar- og starfsfræðsluátaki fyrir þau 42% á íslenskum vinnumarkaði sem hafa aðeins lágmarksmenntun eða mjög takmarkaða skólagöngu að baki.
13.5.2003
Opinberir aðilar spenna upp launaþróunina
Samtök atvinnulífsins hafi lengi gagnrýnt að launahækkanir á opinberum vinnumarkaði hafi verið meiri en á almennum vinnumarkaði, segir Ari Edwald, framkvæmdastjóri SA í viðtali við DV og segir engin efni til annars í kjarasamningum en að taka tillit til þess raunveruleika sem við búum við.
8.5.2003
Ályktun ASÍ tilefnislaus
Framkvæmdastjóri Brims hf. var í fullum rétti að tjá starfsfólki fyrirtækisins skoðanir sínar á afleiðingum þess, ef stefna stjórnarandstöðuflokkanna í sjávarútvegsmálum næði fram að ganga og ályktun ASÍ var því tilefnislaus. Þetta kemur fram í lögfræðiáliti Sigurðar Líndal, fyrrverandi lagaprófessors. Sjá nánar á heimasíðu LÍÚ.
8.5.2003
Um tjáningarfrelsi forsvarsmanna fyrirtækja
Verkalýðshreyfingin hefur barist fyrir setningu löggjafar um rétt starfsfólks til upplýsinga um líklega þróun í rekstri fyrirtækja og því vekur afstaða ASÍ furðu, segir Hrafnhildur Stefánsdóttir, yfirlögfræðingur SA, í leiðara fréttabréfsins Af vettvangi, og minnir á stjórnarskrár-bundið tjáningarfrelsi.
8.5.2003
Jafnréttismálin og atvinnulífið
Að velja ekki þann hæfasta eru einfaldlega slakir stjórnunarhættir, sem ekki skila árangri á samkeppnis-markaði, segir Gústaf Adolf Skúlason, forstöðumaður hjá SA, í leiðara fréttabréfsins Af vettvangi. Hann segir tækifæri til breytinga sem stuðla myndu að jöfnun á stöðu kynjanna á vinnumarkaði og horfir m.a. til starfs- og vetrarfrísdaga í skólum.
30.4.2003
2,5% kaupmáttaraukning á árinu 2002
Á tímabilinu frá 4. ársfjórðungi 2001 til 4. ársfjórðungs 2002 hækkuðu regluleg laun að meðaltali um 4,8% og kaupmáttur launa jókst að meðaltali um 2,5%. Launaskrið hefur minnkað verulega og er komið niður á það stig sem einkennir vinnumarkað í jafnvægi.
29.4.2003
Orsakir þýska efnahagsvandans
Þýskaland býr við hverfandi hagvöxt og mikið atvinnuleysi. Ástæðurnar má ekki síst rekja til ósveigjanlegs vinnumarkaðar – svo sem ríkrar uppsagnarverndar, hás óbeins launakostnaðar og rausnarlegra atvinnuleysisbóta. Þetta kom fram í erindi yfirhagfræðings þýsku samtaka atvinnulífsins á aðalfundi SA.
29.4.2003
Ræða forsætisráðherra
Hagstjórn á Íslandi verður viðkvæm og flókin á næstu misserum og árum, sagði Davíð Oddsson, forsætis-ráðherra, í ávarpi sínu á aðalfundi Samtaka atvinnulífsins. Hann sagði menn nú sem betur fer horfa til framsækinna kjarasamninga, þar sem samspil launa, skatta og framganga ríkis gæti haft mikla þýðingu.
29.4.2003
SA og verkalýðsforystan hefji umræður
Í ræðu sinni á aðalfundi SA sagði Ingimundur Sigurpálsson, nýr formaður samtakanna, æskilegt að SA og verkalýðs-hreyfingin næðu sameiginlegri sýn á stöðu efnahagsmála og breytingar á launakostnaði næstu misseri. Hvatti hann til að forysta SA og verkalýðshreyfingarinnar ræddi meginlínur næsta samningstímabils fyrr en seinna.
29.4.2003
Bætum lífskjörin!
Í nýrri skýrslu fjalla Samtök atvinnulífsins um leiðir til að bæta lífskjörin í landinu með kerfisumbótum. Ari Edwald, framkvæmdastjóri SA, kynnti skýrsluna á aðalfundi samtakanna. Heilbrigðiskerfið hlýtur að verða höfuð-viðfangsefni ríkisfjármálanna á næstu árum, að mati hans.
25.4.2003
Fyrirtæki sýknað af kröfum vegna brota á forgangs-réttarákvæði með vísan til félagafrelsissjónarmiða
Héraðsdómur Reykjavíkur hefur kveðið upp dóma þar sem félagafrelsisákvæði stjórnarskrár eru talin ganga framar forgangsréttarákvæði kjarasamnings. Beita skuli slíkum ákvæðum af varfærni þegar saman lýstur hagsmunum starfsmanna í viðkomandi félagi og annarra starfsmanna.
23.4.2003
Yngra fólkinu frekar sagt upp
Líkurnar á að vera sagt upp störfum eru mun meiri hjá þeim sem eru yngri en 40 ára en hinum sem komnir eru yfir fertugt, skv. samantekt dönsku samtaka atvinnu-lífsins. Hlutfallslega er algengast að fólki á aldrinum 25 til 29 ára sé sagt upp störfum.
10.4.2003
Umbætur gætu minnkað atvinnuleysi um 3%
Í nýrri efnahagsspá Alþjóðagjaldeyrissjóðsins er m.a. fjallað um ósveigjanlegan vinnumarkað á meginlandi Evrópu og það kerfisbundna atvinnuleysi sem honum fylgir. Að mati sjóðsins væri hægt að minnka atvinnuleysi á evrusvæðinu um 3% með kerfisumbótum í átt til aukins sveigjanleika á vinnumarkaði.
9.4.2003
Svíar telja að efla þurfi hvatann til vinnu
Svíar eru ósáttir við áherslur sænskra stjórnvalda í velferðarmálum, samkvæmt nýrri könnun. Talað var við 1.000 manns og af þeim reyndust 58% telja of lítinn hvata til að vinna og 83% að bótakerfi almannatrygginga séu misnotuð.
3.4.2003
Fræðslumiðstöð atvinnulífsins
Undirritaður hefur verið þjónustusamningur SA og ASÍ við menntamálaráðuneytið um rekstur Fræðslumiðstöðvar atvinnulífsins, sem ætlað er að stuðla að „öðru tækifæri“ til náms fyrir þá sem standa höllum fæti á vinnumarkaði, auk vottunar o.fl. FA mun þó ekki standa sjálf fyrir námskeiðahaldi.
3.4.2003
Átak á sviði starfsmennta
Víðtækt samkomulag hefur náðst um starfsfræðslu- og menntaátak Fræðslumiðstöðvar atvinnulífsins ehf. Mjög miklu máli skiptir, bæði fyrir einstaklingana og allt atvinnulífið, að góður árangur náist, segir Jón Sigurðsson, verkefnisstjóri hjá SA, í leiðara fréttabréfsins Af vettvangi.
3.4.2003
Konur sækjast síður eftir stjórnunarstörfum
Konur eru almennt jafn góðir eða ívið betri stjórnendur en karlar en sækjast mun síður eftir stjórnunarstörfum. Þær eru samviskusamari og liprari í samskiptum en bundnari af fjölskyldu og heimili. Þetta er meðal niðurstaðna í könnun SA á viðhorfi til kynjanna sem stjórnenda.
1.4.2003
Vefsvæði hins gullna jafnvægis
Opnað hefur verið vefsvæði hins gullna jafnvægis, sem ætlað er öllum þeim sem starfs síns vegna geta stuðlað að bættu starfsumhverfi, auknum sveigjanleika og samhæfingu vinnu og einkalífs á íslenskum vinnumarkaði. SA eru meðal hollvina verkefnisins.
25.3.2003
ESB - þríhliða samráð
Á dögunum var haldinn fyrsti formlegi fundur fulltrúa aðila vinnumarkaðarins á Evrópuvettvangi með forseta ráðherraráðsins og æðstu embættismönnum ESB. Nauðsyn þess að bæta samkeppnishæfni ESB-ríkja var í brennidepli á fundinum.
24.3.2003
Þróun atvinnuleysis eftir fyrri störfum
Vinnumálastofnun hefur nú hafið flokkun atvinnulausra eftir fyrra starfi viðkomandi. Verkafólk er fjölmennast í hópi atvinnulausra, en undanfarin tvö ár er hlutfallsleg aukning mest hjá iðnaðarmönnum, eða fjórföldun. Alls hefur atvinnulausum á skrá fjölgað um 140% á þeim tíma.
21.3.2003
3,8% atvinnuleysi
Í dag, föstudaginn 21. mars eru 6.164 einstaklingar á atvinnuleysisskrá opinberra vinnumiðlana og hefur þeim nú fækkað um 36 manns á einni viku. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,78% af mannafla.
20.3.2003
Aukin útgjöld gætu hækkað tryggingagjald
SA taka ekki undir þá túlkun félagsmálaráðuneytisins að Fæðingarorlofssjóður eigi að greiða orlofslaun. Í samtali við Morgunblaðið bendir Hrafnhildur Stefánsdóttir, yfirlögfræðingur SA, á að veruleg útgjaldaaukning sjóðsins, sem fjármagnaður er með tryggingagjaldi, kalli beint á skattahækkun á atvinnulífið.
18.3.2003
Fækkun starfandi um 1,9%
Samkvæmt bráðabirgðatölum Hagstofunnar fækkaði starfandi um 3.100 á fjórða ársfjórðungi 2002 frá sama tímabili 2001. Það jafngildir 1,9% fækkun starfandi.
14.3.2003
Vaxandi langtímaatvinnuleysi
Í lok febrúar höfðu 1.239 einstaklingar verið skráðir atvinnulausir í sex mánuði eða lengur, eða 19,9% af heildarfjölda atvinnulausra. Þetta hlutfall var 12,7% í lok febrúar 2002. Einnig hefur hlutfall yngsta aldurshópsins hækkað.
14.3.2003
3,8% atvinnuleysi
Í dag, föstudaginn 14. mars eru 6.200 einstaklingar á atvinnuleysisskrá opinberra vinnumiðlana og hefur þeim nú fækkað um 127 manns á rúmri viku. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,80% af mannafla.
9.3.2003
Hátt hlutfall eldra fólks á vinnumarkaði
Hátt hlutfall eldra fólks á íslenskum vinnumarkaði er til umfjöllunar í norsku vefriti. Í greininni er m.a. rætt við Hannes G. Sigurðsson, aðstoðarframkvæmdastjóra SA, sem segir það mjög óæskilega þróun fyrir íslenskt atvinnulíf að fólk hætti yngra þátttöku á vinnumarkaði.
6.3.2003
3,9% atvinnuleysi
Í dag, fimmtudaginn 6. mars eru 6.327 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,88% af mannafla.
6.3.2003
Langir samningar bera ávöxt
Innsiglað hefur verið lengsta samningstímabil í samskiptasögu á vinnumarkaði og ávinningur almennings hefur verið mikill, segir Hannes G. Sigurðsson, aðstoðar-framkvæmdastjóri SA, í leiðara fréttabréfsins Af vettvangi. Hann varar hins vegar við blikum á lofti í efnahagsmálum og bendir á að meginverkefni nýrrar ríkisstjórnar verði sveiflujöfnun vegna stóriðjuframkvæmda.
6.3.2003
Skylt að tilkynna um störf útlendinga
Íslenskum atvinnurekendum er skylt að tilkynna Útlendingastofnun um erlenda starfsmenn sem þeir hafa í þjónustu sinni. Þeim ber einnig að tilkynna um erlenda verktaka sem starfa hér á landi á þeirra vegum.
5.3.2003
Karlar og konur ráða eins í störf
Það er enginn munur á því hvernig karlar og konur ráða kynin í störf, samkvæmt nýrri könnun meðal danskra stjórnenda. Formaður samtaka þeirra segir þetta bera vitni um að fagleg sjónarmið ráði ferðinni, óháð því hvort karlar eða konur fari með mannaráðningar.
4.3.2003
Kjarasamningar verslunarmanna halda
Niðurstaða launanefndar SA og VR/LÍV er að ekki sé tilefni til uppsagnar launaliðar kjarasamninga.
28.2.2003
Kjarasamningar halda
Niðurstaða launanefndar ASÍ og SA er að ekki sé tilefni til uppsagnar launaliðar kjarasamninga.
28.2.2003
3,9% atvinnuleysi
Í dag, föstudaginn 28. febrúar eru 6.291 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,86% af mannafla.
26.2.2003
Verkefnastyrkir úr Atvinnuleysistryggingasjóði
Fyrirtæki, stofnanir o.fl. geta sótt um styrk úr Atvinnuleysistryggingasjóði til sérstakra verkefna á vegum svæðisvinnumiðlana. Styrkfjárhæðir nema hálfum eða heilum atvinnuleysisbótum og hámarkstími eru sex mánuðir.
21.2.2003
Húsfyllir á opnum fundi SA um áhrif hágengis
Ferðaþjónustan er að tapa viðskiptum úr landi vegna hás gengis krónunnar, landvinnsla á fiski mun að óbreyttu gefa eftir, fyrirtæki sem flytja starfsemi úr landi sökum slæmra samkeppnisskilyrða koma yfirleitt ekki aftur, launaþróun er vanmetin í forsendum Seðlabankans og kallað er eftir þríhliða samráði. Þetta er meðal þess sem fram kom á opnum fundi SA.
18.2.2003
Búið í haginn fyrir framtíðina
Þátttaka í viðbótarlífeyrissparnaði hefur aukist gríðarlega síðustu misseri. Í samtali við Morgunblaðið segir Hannes G. Sigurðsson, aðstoðarframkvæmdastjóri SA, engan vafa leika á því að þessi sparnaður hafi átt stóran þátt í að draga úr ofþenslu í efnahagslífinu. Nú séu menn að búa í haginn fyrir framtíðina.
14.2.2003
3,8% atvinnuleysi
Nú eru 6.230 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnu-markaðskönnun Hagstofunnar í nóvember sl. nemur þessi fjöldi 3,8% af mannafla. Þetta er fjölgun um 115 einstaklinga á tæpri viku.
11.2.2003
Aðstæður leyfa meiri vaxtalækkun
Ákvörðun Seðlabankans um einungis 0,5% lækkun stýrivaxta veldur vonbrigðum, segir Ari Edwald, framkvæmdastjóri SA, í samtali við Morgunblaðið. Samtökin átta sig ekki á ástæðum 2,3% vaxtamunar við Evrópu, samhliða lægri verðbólgu og miklum slaka á vinnumarkaði. Þá lýsir Ari áhyggjum af gengishækkun krónunnar.
11.2.2003
SA fagna útspili ríkisstjórnarinnar
SA fagna ákvörðun ríkisstjórnarinnar um flýtingu ýmissa opinberra framkvæmda og fjármögnun þeirra með frekari einkavæðingu. Flýting sumra þessara framkvæmda er liður í að skapa rými fyrir væntanlegar virkjunar- og álversframkvæmdir. Áhersla er þó lögð á mikilvægi aðhalds í opinberum útgjöldum þegar stóriðjuframkvæmdirnar verða í hámarki.
6.2.2003
3,7% atvinnuleysi
Nú eru 6.059 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnu-markaðskönnun Hagstofunnar í nóvember sl. nemur þessi fjöldi 3,7% af mannafla. Þetta er fjölgun um 144 einstaklinga á tæpri viku.
5.2.2003
Ört vaxandi atvinnuleysi háskólagenginna
Háskólagengnu fólki á atvinnuleysiskrá hefur fjölgað ört undanfarna mánuði og misseri. Um síðustu áramót voru 363 háskólagengnir á atvinnuleysiskrá á landinu öllu. Fjöldi atvinnulausra háskólamanna á landinu jókst um tæp 75% á síðasta ári og á síðustu tveimur árum hefur fjöldinn þrefaldast.
31.1.2003
3,6% atvinnuleysi
Í dag, föstudaginn 31. janúar eru 5.915 einstaklingar á atvinnuleysisskrá opinberra vinnumiðlana. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,6% af mannafla. Þetta er fjölgun um 142 manns á einni viku.
30.1.2003
Hverjir eru atvinnulausir?
Með versnandi atvinnuástandi og vaxandi atvinnuleysi eykst þörf fyrir tölulegar upplýsingar um atvinnuleysi og samsetningu þess. Samtök atvinnulífsins hafa skoðað tölur um atvinnuleysi eftir menntun.
24.1.2003
3,6% atvinnuleysi
Í dag, föstudaginn 24. janúar eru 5.773 einstaklingar á atvinnuleysisskrá. Miðað við fjölda starfandi skv. vinnumarkaðskönnun Hagstofunnar í nóvember sl. nemur þessi fjöldi 3,6% af mannafla. Þetta er fjölgun um 129 manns á einni viku, eða sem nemur 0,1% af mannafla.
22.1.2003
Enn meiri launahækkanir í opinbera geiranum
Laun opinberra starfsmanna og bankamanna hækkuðu að meðaltali um 7,3% á 4. ársfjórðungi 2002 árs miðað við sama tíma árið 2001. Á almennum markaði hækkuðu laun á sama tíma um 4,6%. Í heild hækkaði launavísitala Hagstofunnar um 5,8%.
21.1.2003
Heimilt að skoða tölvupóst, ef farið er varlega
Lögmætir hagsmunir geta heimilað fyrirtækjum að skoða tölvupóst starfsmanna. Hins vegar þarf slík vöktun að vera gerð í skýrum og málefnalegum tilgangi, segir Hrafnhildur Stefánsdóttir, yfirlögfræðingur SA, í samtali við Morgunblaðið. Hún segir reglur fullnægjandi hérlendis.
17.1.2003
Vinnumálastofnun spáir 3,5-3,9% atvinnuleysi
Í desember voru að meðaltali 4.483 á atvinnuleysisskrá, sem jafngildir 3% af áætluðum mannafla á vinnumarkaði skv. skýrslu Vinnumálastofnunar. Stofnunin spáir 3,5-3,9% atvinnuleysi í janúar.
9.1.2003
Mikil aukning á viðbótarsparnaði árið 2002
Viðbótar lífeyrissparnaður jókst mikið á síðasta ári skv. úrvinnslu SA á gögnum Kjararannsóknarnefndar. Mest var aukningin hjá verkafólki, þar sem sparnaður var minnstur fyrir, í kjölfar þess að helmingur mótframlags vinnuveitenda var festur. Samkvæmt úttektinni taka þrír af hverjum fjórum þátt í viðbótar lífeyrissparnaði.
9.1.2003
Fyrirtæki hyggjast fækka fólki
Að meðaltali hyggjast fyrirtæki fækka starfsfólki um 1,55% á næstunni, samkvæmt könnun SA. Þetta er talsvert hærri tala en mælst hefur að undanförnu. Einkum hyggjast stærri fyrirtæki fækka fólki. Hlutfallslega er mest fækkun framundan í sjávarútvegi og meiri á landsbyggð en á höfuðborgarsvæði.
9.1.2003
Vinnuframlag eldra starfsfólks meira metið?
Forsvarsmenn 35% fyrirtækja telja eldra starfsfólk verðmætara en það yngra. Flestir, eða 62%, telja það jafn verðmætt en 3% telja það ekki eins verðmætt. Eldra fólkið þykir verðmætast meðal smæstu fyrirtækjanna, en minni munur er á milli starfsgreina.
8.1.2003
Ný lög um atvinnuréttindi útlendinga
Um áramót tóku gildi ný lög um atvinnuréttindi útlendinga. Þar er m.a. kveðið á um skyldu atvinnurekenda til að sjúkratryggja erlenda starfsmenn fyrstu sex mánuði dvalar á Íslandi. SA hafa tekið saman nokkur atriði um nýju lögin.
6.1.2003
65% kaupmáttaraukning lágmarkslauna frá 1995
Kaupmáttur lágmarkskauptaxta hefur aukist um 58% frá því í janúar 1995. Á sama tíma hefur kaupmáttur lágmarkstekjutryggingar aukist um 65%.
Hús atvinnulífsins
Borgartúni 35 - 105 Reykjavík
----------
SMELLTU TIL AÐ SÆKJA
Leit
Stjórnborð
Fánar
