Vinnumarkaðsmál
30.12.2001
Lítið dregið úr áræðni og stórhug margra fyrirtækja
Í áramótaviðtali Morgunblaðsins við Finn Geirsson, formann SA, segir hann m.a. ánægjulegt að sjá að þrátt fyrir ýmis vonbrigði og áföll á liðnu ári hafi lítið dregið úr áræðni og stórhug margra fyrirtækja. Hann segir brýnt að búa svo um hnúta að gengi krónunnar haldist sem stöðugast.
21.12.2001
Víða samdráttur framundan
Samkvæmt nýrri skýrslu Vinnumálastofnunar má vænta umtalsverðs samdráttar í byggingariðnaði og nokkurs samdráttar í iðnaði og verslun, en stöðugleika eða lítilsháttar vaxtar í fjármálaþjónustu og ýmissi annarri þjónustu. Atvinnuleysi fer vaxandi.
14.12.2001
Atvinnuleysi fer vaxandi
Atvinnulausum í nóvember hefur fjölgað í heild að meðaltali um 22,7% frá októbermánuði og fjölgað um 48,8% miðað við nóvember í fyrra. Á atvinnuleysisskrá voru 1,5% af áætluðum mannafla á vinnumarkaði. Sjá nánar á heimasíðu Vinnumálastofnunar.
13.12.2001
Endurskoðun og frestun á mati á samningsforsendum
Náðst hefur samkomulag aðila vinnumarkaðarins um að fresta tímasetningu mats á forsendum kjarasamninga frá febrúarmánuði 2002 til maímánaðar 2002.
13.12.2001
Yfirlýsing ríkisstjórnarinnar vegna samkomulags SA og ASÍ
Ríkisstjórnin hefur sent frá sér yfirlýsingu vegna samkomulags Alþýðusambands Íslands og Samtaka atvinnulífsins.
13.12.2001
Vel sóttur stofnfundur Vinnuréttarfélags Íslands
Stofnað hefur verið félag um vinnurétt á Íslandi. Starfsmannastjórar og aðrir sem fjalla um réttarstöðu starfsmanna gagnvart vinnuveitanda geta átt aðild að félaginu en tilgangur þess er að vinna að kynningu og umfjöllun á sviði vinnuréttar og stuðla að útgáfu rita um það efni.
7.12.2001
Launakönnun KRN fyrir 3. ársjórðung 2001
Dagvinnulaun hækkuðu að meðaltali um 7,6% frá 3. árfsjórðungi 2000 til 3. ársfjórðungs 2001, en vísitala neysluverðs um 8% á sama tíma. Kaupmáttur dagvinnulauna rýrnaði því að meðaltali um 0,3% á þessu tólf mánaða tímabili, en hefur að jafnaði vaxið um 5% á samningstímanum, þ.e. frá ársbyrjun 2000.
6.12.2001
Tafir á umsögnum um atvinnuleyfi
Að undanförnu hefur talsvert borið á tregðu nokkurra stéttarfélaga við veitingu umsagna um atvinnuleyfis-umsóknir fyrir útlendinga. Tafir hafa orðið og tengingar við óskyld mál. Þá virðist stöðuhækkun starfsmanns geta þvælst fyrir við endurnýjun atvinnuleyfis.
6.12.2001
Lægstu launin hækka mest
Kaupmáttur launa á almennum vinnumarkaði hefur vaxið um 5% frá gerð kjarasamninga. Þá hefur gengið eftir það markmið samninganna að þeir lægst launuðu hafa hækkað umfram aðra. Þetta er ótvíræð niðurstaða úrvinnslu á gögnum Kjararannsóknarnefndar.
6.12.2001
Tilraunarinnar virði
Markmið síðustu kjarasamninga hafa haldið betur í verðbólgu undangenginna mánaða en margir óttuðust, segir Ari Edwald, framkvæmdastjóri SA, í leiðara fréttabréfsins Af vettvangi. Mælingar á almennum vinnumarkaði sýna að lægri laun hafa hækkað meira en þau hærri. Það er tilraunarinnar virði að treysta undirstöður þessara samninga og forða því að uppúr slitni með hörmulegum afleiðingum fyrir alla.
23.11.2001
Frjáls för fólks eftir stækkun ESB
Ekki er ástæða til að ætla að stækkun ESB hafi í för með sér mikinn straum fólks frá nýjum aðildarríkjum í atvinnuleit. Einstök aðildarríki ESB vilja þó aðlögunartíma en EFTA ríkin sjá ekki ástæðu til þess. Þetta kemur fram í ályktun ráðgjafanefndar EES.
22.11.2001
Þríhliða viðræður?
Hannes G. Sigurðsson, aðstoðarframkvæmdastjóri SA, segir í Fréttablaðinu í dag að viðbúið sé að aðilar vinnumarkaðarins og stjórnvöld fari í samstarf um þríhliða viðræður um hvaða leiðir geti verið fyrir hendi til að forða því að launalið kjarasamninga verði sagt upp á næsta ári.
21.11.2001
Efla þarf tiltrú á krónuna
Til þess að hemja verðbólguna verður að efla tiltrú á krónuna. Gengisfallið á undanförnum mánuðum virðist vera aðalástæða óhagstæðrar verðlagsþróunar, sagði Finnur Geirsson, formaður SA, í fréttum útvarps.
13.11.2001
Staða miðaldra og eldra fólks á vinnumarkaði
Þörf er á aukinni umræðu um stöðu miðaldra og eldra fólks á vinnumarkaði, segir Ari Edwald, framkvæmdastjóri SA, í grein í Morgunblaðinu í dag. Hann segir hins vegar lagasetningu ekki vera leiðina til að styrkja stöðu þessa hóps.
8.11.2001
Opnaður vinnumarkaðsvefur SA
Í dag opnaði Finnur Geirsson, formaður SA, nýjan vinnumarkaðsvef samtakanna. Á vefnum er að finna ítarlegar en aðgengilegar upplýsingar um ráðningar, starfslok, veikindarétt, hvíldartíma og margt fleira. Vefurinn er opinn öllum félagsmönnum SA.
1.11.2001
Fráleit kröfugerð flugumferðarstjóra
Þróun kaupmáttar flugumferðarstjóra undanfarin ár er einsdæmi og kröfugerð þeirra fráleit, segir Ari Edwald, framkvæmdastjóri SA, í leiðara fréttabréfsins Af vettvangi. Hann segir að huga þurfi að einkavæðingu flugumsjónar á Íslandi, líkt og víða hafi verið gert í nágrannalöndunum.
29.10.2001
Einfalda þarf leið útlendinga á íslenskan vinnumarkað
Einfalda þarf leið útlendinga inn á íslenskan vinnumarkað, t.d. þannig að sama stofnun gefi út bæði dvalar- og atvinnuleyfi, sagði Jón H. Magnússon, lögmaður hjá SA, í erindi á norrænni ráðstefnu um þjónustu vinnumiðlana við innflytjendur á Norðurlöndum.
26.10.2001
Heildarsamtök geta sótt mál vegna hagsmuna manna innan aðildarfélaga sinna
Með dómi hæstaréttar í máli ASÍ gegn íslenska ríkinu er fengin viðurkenning á því að heildarsamtök á borð við SA geti átt aðild að máli um hagsmuni ótiltekinna félagsmanna sinna, enda sé nægileg stoð fyrir slíkri hagsmunagæslu í lögum samtakanna.
25.10.2001
Lítill hreyfanleiki á samevrópskum vinnumarkaði
Einungis um 2% ESB-borgara á vinnumarkaði eru starfandi utan síns heimalands. Hlutfall erlendra ESB-borgara á vinnumarkaði er lægst í löndunum við Miðjarðarhafið, í Finnlandi og í Danmörku.
16.10.2001
Atvinnuleysi eykst frá fyrra ári
Samkvæmt tölum Vinnumálastofnunar fyrir september hafði atvinnulausum fækkað um 5,2% frá ágústmánuði en fjölgað um 19% miðað við september í fyrra. Sjá nánar á vef Vinnumálastofnunar.
15.10.2001
Eftirspurn eftir vinnuafli minnkar
Samkvæmt atvinnukönnun Þjóðhagsstofnunar í september vilja atvinnurekendur fækka við sig starfsfólki. Fram á mitt næsta ár mun eftirspurn á vinnumarkaði dragast saman um rúmlega 3%, samkvæmt könnuninni.
9.10.2001
Samneyslan eykst meira en landsframleiðsla
Hlutur samneyslu af vergri landsframleiðslu fer enn vaxandi á næsta ári samkvæmt spá Þjóðhagsstofnunar. Stofnunin spáir að hlutfallið fari í 24,5%, en árið 1991 var það 20,5%.
5.10.2001
8% kaupmáttaraukning á samningstímanum
Laun hafa að jafnaði hækkað um 15% og kaupmáttur þeirra um 8% á yfirstandandi samningstímabili, samkvæmt mælingum Kjararannsóknarnefndar frá 1. ársfjórðungi 2000 til 2. ársfjórðungs 2001.
4.10.2001
75% lægst launaðra hækka umfram lágmark
Laun 71% launafólks hækkuðu umfram lágmarkshækkanir kjarasamninga á tímabilinu frá ársbyrjun 2000 fram á mitt þetta ár. Í hópi þeirra lægst launuðu hækkuðu 75% umfram lágmarkshækkanir kjarasamninga.
3.10.2001
Málþing um starfsendurhæfingu
Þriðjudaginn 13. nóvember nk. standa Samtök atvinnulífsins o.fl. að málþingi um starfsendurhæfingu. Markmið málþingsins er að skapa umræðu um skipulag starfsendurhæfingar á Íslandi og leiðir til úrbóta.
25.9.2001
3,4% kaupmáttaraukning
Dagvinnulaun hækkuðu að meðaltali um 9,6% á tímabilinu frá öðrum ársfjórðungi 2000 til annars ársfjórðungs 2001. Vísitala neysluverðs hækkaði um 6% á sama tíma og jókst því kaupmáttur dagvinnulauna að meðaltali um 3,4%. Þetta er meðal niðurstaðna launakönnunar Kjararannsóknarnefndar.
6.9.2001
Hve langt á að ganga í því að taka upp nýjar Evrópureglur ?
Tilskipunum ESB á sviði félagsmála fjölgar stöðugt. Margar þeirra eru til þess fallnar að draga úr sveigjanleika íslensks vinnumarkaðar. Að mati SA er mikilvægt að ekki sé gengið lengra við innleiðingu þeirra en nauðsynlegt er vegna EES-samningsins.
30.8.2001
ESB: hærra hlutfall kvenna á vinnumarkaði
Innan ESB hefur meðaltalshlutfall kvenna á vinnumarkaði aukist úr um 50% árið 1995 í um 54% árið 2000. Hæst er það um 72% í Svíþjóð og Danmörku. Á Íslandi er hlutfall kvenna á vinnumarkaði hins vegar 79% og er þó miðað við mun hærri lífaldur.
2.8.2001
Ólögleg gjaldheimta og verðsamráð heilsugæslulækna?
Um helmingur heilsugæslustöðva hefur á undanförnum mánuðum hækkað gjald fyrir fjarvistarvottorð til atvinnurekenda, á grundvelli viðmiðunargjaldskrár Læknafélags Íslands sem ekki getur talist samræmast ákvæðum samkeppnislaga. Ennfremur virðist gjaldtaka stöðvanna viðhöfð án lagaheimildar og hið sama gildir um tekjur heilsugæslulækna af gjaldtökunni.
24.7.2001
Eyðni og vinnumarkaðurinn
Alþjóðavinnumálastofnunin hefur samþykkt leiðbeinandi reglur um baráttuna gegn útbreiðslu eyðni og um stöðu HIV-smitaðra á vinnumarkaði. Alþjóðasamtök atvinnurekenda hyggjast gefa út handbók af þessu tilefni og óska eftir reynslusögum frá atvinnurekendum.
20.7.2001
Laun hækkuðu um 0,8% í júní
Samkvæmt launavísitölu Hagstofunnar hækkuðu laun á Íslandi að meðaltali um 0,8% í júní. Kaupmáttur launa hefur að meðaltali aukist um 25,1% frá árinu 1995.
13.7.2001
Ísland sker sig úr
Laun og kaupmáttur launa hækkuðu margfalt meira hérlendis en í samanburðarlöndunum
frá 1. ársfjórðungi 2000 til 1. ársfjórðungs 2001. Á súluriti sést mjög
greinilega hvernig Ísland hefur skorið sig úr á þessum sviðum.
6.7.2001
Minnkandi munur atvinnutekna
Tekjumunur atvinnutekna hefur farið minnkandi frá árinu 1995, samkvæmt yfirliti Þjóðhagsstofnunar. Lítið atvinnuleysi er líklega helsta skýringin.
5.7.2001
Framleiðni vex – en kaupmáttur hefur vaxið hraðar undanfarin ár
Frá 1995-2000 jókst kaupmáttur á vinnustund um tæplega 19%, á meðan afköstin jukust aðeins um rúm 10%. Ef þensluskeiðinu er að ljúka, eins og margir telja, er líklegt að draga muni úr framleiðni fyrst um sinn, því að í fyrirtækjunum verður þá fjármagn og vinnuafl sem ekki nýtist að fullu.
5.7.2001
Tíðindalítið af vinnumarkaði
Samkvæmt könnun Samtaka atvinnulífsins virðast íslensk fyrirtæki hvorki ætla að fjölga né fækka starfsfólki næstu tvo til þrjá mánuði. Nokkur munur er þó milli höfuðborgarsvæðis og landsbyggðar, og á milli lítilla og stærri fyrirtækja.
25.6.2001
Um heimsmetið í verkföllum
Íslendingar hafa um langt árabil trónað á toppinum í alþjóðlegum samanburði um tapaða vinnudaga vegna verkfalla. Á almenna vinnumarkaðinum eru Íslendingar hins vegar nálægt meðaltali bæði OECD-ríkja og ESB.
21.6.2001
Stækkun ESB: stefnir í kapphlaup um vinnuafl
Á meðan flest ESB-ríki reyna að „vernda“ sinn vinnumarkað í tengslum við stækkun er þróunin í átt til samkeppni um þetta vinnuafl, segja samtök atvinnulífsins í Danmörku. Talsmaður ESB bendir á að fyrirtækin keppi um vinnuafl, ekki aðildarríkin.
19.6.2001
Villandi auglýsing Sleipnis
Í auglýsingu sinni í Morgunblaðinu setur Bifreiðastjórafélagið Sleipnir fram villandi upplýsingar um launakjör bifreiðastjóra.
18.6.2001
Fréttabréf kjararannsóknarnefndar á vefnum
Fréttabréf kjararannsóknarnefndar er komið á vef SA á pdf-sniði. Sjá nánar
15.6.2001
Nýr kjarasamningur við leiðsögumenn
Samtök atvinnulífsins og Félag leiðsögumanna undirrituðu kjarasamning 17. maí sl. og gildir samningurinn frá undirskriftardegi til 31. október 2004. Leiðsögumenn hafa samþykkt samninginn.
12.6.2001
Kaupmáttur eykst um 9,4% milli ára
Samkvæmt niðurstöðum launakönnunar Kjararannsóknarnefndar jókst kaupmáttur dagvinnulauna að meðaltali um 9,4% á tímabilinu frá 1. ársfjórðungi 2000 til 1. ársfjórðungs 2001.
8.6.2001
Vinnumarkaðsskýrsla Hagstofu Íslands
Hagstofa Íslands hefur gefið út skýrsluna Vinnumarkaður 2000. Þar er að finna ítarlegar upplýsingar um atvinnuþátttöku landsmanna árin 1991-2000, vinnutíma, atvinnugreinar o.fl. Sjá skýrsluna á heimasíðu Hagstofu Íslands.
17.5.2001
Lög á verkföll sjómanna og verkbönn útgerðarmanna
Alþingi hefur sett lög á verkföll sjómanna og verkbönn útgerðarmanna. Slíkt inngrip af hálfu stjórnvalda hefur vofað yfir samningaferlinu og því miður hefur það verið mat samningamanna SA og LÍÚ að sá möguleiki hafi dregið úr vilja sjómannaforystunnar til samninga. Þeir hafi treyst á betri samninga við stjórnmálamenn.
10.5.2001
Viðauki við kjarasamning Flóabandalagsins
Í dag var undirritað samkomulag um viðauka við kjarasamninga Eflingar, Hlífar og Verkalýðs- og sjómannafélags Keflavíkur og nágrennis. Með samkomulaginu eru kjarasamningar félaganna að hluta samræmdir kjarasamningi SA og SGS (VMSÍ).
9.5.2001
Samið við vélstjóra til fjögurra og hálfs árs
SA og LÍÚ hafa gert kjarasamning við Vélstjórafélag Íslands og gildir samningurinn í fjögur og hálft ár. Umfjöllun um helstu breytingar frá núgildandi samningi er að finna á heimasíðu LÍÚ.
8.5.2001
ASÍ og SA funda um efnahagsástandið
Alþýðusamband Íslands og Samtök atvinnulífsins munu á næstu dögum fara yfir
stöðu og þróun efnhagsmála til að meta hvort, og þá með hvaða hætti, megi
treysta þann stöðugleika sem stefnt var að með kjarasamningum á almennum vinnumarkaði. Þetta var niðurstaða fundar fulltrúa ASÍ og SA um efnahagsástandið, sem haldinn var í
gær, 7. maí.
3.5.2001
Réttarstaða fjarvinnufólks og vinnuveitenda
Almennt gilda sömu reglur um starfskjör fjarvinnufólks og annarra launþega. Að ýmsu þarf þó að huga og þannig leiðir t.d. af eðli máls að skyldur vinnuveitenda geta aldrei orðið fyllilega þær sömu hvað varðar vinnuumhverfi viðkomandi starfsmanna, og þegar vinna er framkvæmd á starfsstöð fyrirtækisins, sagði Hrafnhildur Stefánsdóttir, yfirlögfræðingur SA, á ráðstefnu IMG og Símans.
3.5.2001
Órói á gjaldeyrismarkaði
Mikilvægast nú er að endurvekja trú á íslenskt efnahagslíf, en þá fara markaðsaðilar á ný að taka stöðu með krónunni, segir Hannes G. Sigurðsson, aðstoðarframkvæmdastjóri SA, í leiðara fréttabréfsins Af vettvangi. Finna þarf lausn á sjómannadeilunni, en það hefði mikil áhrif til skamms tíma. Þá er mikilvægt að metnaðarfullum áformum stjórnvalda um einkavæðingu verði hraðað eins og kostur er og að niðurstaða fáist fljótt í samningum Norðuráls og stjórnvalda. Síðast en ekki síst skiptir miklu máli að stjórnvöld kynni með skýrum hætti áform sín um aðgerðir til að bæta starfsskilyrði íslensk atvinnulífs, einkum á sviði skattamála.
27.4.2001
Orlofsuppbót 2001
Orlofsuppbót í ár er mismunandi eftir starfsstéttum. Á vef SA hafa nú verið settar upplýsingar um fjárhæðir orlofsuppbóta fyrir orlofsárið sem hefst 1. maí 2001, leiðbeiningar um útreikninga sem og aðrar upplýsingar. Greiða skal orlofsuppbót við upphaf orlofstöku en þó eigi síðar en 15. ágúst. Sjá nánar
26.4.2001
Aðildarfyrirtæki SA ráði ekki verkfallsmenn til starfa
Samtök atvinnulífsins hafa beint þeim eindregnu tilmælum til aðildarfyrirtækja að ráða ekki verkfallsmenn til starfa, en samkvæmt samþykktum SA er félagsmönnum óheimilt að ráða til sín launþega sem eru í verkfalli eða verkbanni. Þá eru þeir sem kunna að hafa ráðið verkfallsmenn til vinnu vegna ókunnugleika um kjaradeiluna vinsamlegast beðnir að láta þá hætta störfum.
5.4.2001
Nálægt 40% leggja aukaframlag í lífeyrissjóð
Hlutfall launþega sem leggja viðbótarsparnað í lífeyrissjóð virðist orðið nálægt 40%. Þetta er meiri þátttaka en gert var ráð fyrir við undirritun kjarasamninga í vor, sem þýðir hærri launakostnað fyrirtækja af mótframlagi en reiknað var með.
23.3.2001
Laun kvenna hækka meira en laun karla
Laun kvenna hafa hækkað umtalsvert meira en laun karla á undanförnum árum, eða um 3% meira frá fjórða ársfjórðungi 1997 til jafnlengdar ársins 2000, samkvæmt mælingum Kjararannsóknarnefndar. Um er að ræða stöðuga þróun á tímabilinu.
23.3.2001
Samið við Samiðn um orlofs- og desemberuppbót
Í dag var undirritaður samningur við Samiðn um útfærslu hækkunar orlofs- og desemberuppbótar. Samningurinn nær til byggingamanna sem fá uppbætur greiddar jafnharðan og reiknitala trésmiða í ákvæðisvinnu tekur einnig hækkun.
22.3.2001
Kaupmáttur dagvinnulauna jókst um 4,3%
Samkvæmt niðurstöðum launakönnunar Kjararannsóknarnefndar fyrir 4. ársfjórðung 2000 jókst kaupmáttur dagvinnulauna um 4,3% frá 4. ársfjórðungi 1999. Laun kvenna hækkuðu meira en laun karla.
20.3.2001
Verkfalli fiskimanna frestað með lagasetningu
Verkfalli fiskimanna hefur verið frestað til 1. apríl, með lögum frá Alþingi.
13.3.2001
Hver á að kosta vinnustaðakennslu?
Mörg fyrirtæki bera mikinn kostnað af vinnustaðanámi en önnur taka ekki nema, og skekkir þetta samkeppnisstöðuna. Í greinargerð starfshóps Samtaka iðnaðarins, sem unnin er í samvinnu við Samtök ferðaþjónustunnar, er fjallað um hvort jafna þurfi þennan mun og þá hvernig.
10.3.2001
Jafnrétti kynjanna er hagsmunamál atvinnulífsins
Fyrirtækin þurfa á sem hæfustu starfsfólki að halda og því er jöfn staða kynjanna hagsmunamál atvinnulífsins, sagði Finnur Geirsson, formaður SA, í ávarpi sínu á málþingi um Evrópuvinnurétt og jafnréttislöggjöf. Hann lagði áherslu á mikilvægi þess að jafnréttislöggjöfin kallaði ekki á aukið skrifræði og sagði fyrirtækin best til þess fallin að ákveða hvernig ná mætti almennum markmiðum jafnréttislaga.
10.3.2001
Jafnréttislöggjöfin: tími kominn á jákvæða umræðu um framkvæmdina
Tími er kominn á jákvæða umræðu um framkvæmd jafnréttislaga, sagði Hrafnhildur Stefánsdóttir, yfirlögfræðingur SA, í almennum umræðum á málþingi SA og norrænu ráðherranefndarinnar um Evrópuvinnurétt og jafnréttislöggjöf. Á málþinginu var m.a. fjallað um reynslu fyrirtækja og stéttarfélaga af framkvæmd laganna.
9.3.2001
„Boð og bönn tryggja ekki störf”
Mikilvægi sveigjanleikans á íslenskum vinnumarkaði var meðal helstu umfjöllunarefna á málþingi SA og norrænu ráðherranefndarinnar um Evrópuvinnurétt og jafnréttislöggjöf. Ari Edwald, framkvæmdastjóri SA, og Þórarinn V. Þórarinsson, forstjóri Landssímans, sögðu m.a. að takmarkanir á rétti fyrirtækja til þess að segja upp starfsfólki gætu haft þau áhrif að fækka störfum í stað þess að fjölga þeim.
7.3.2001
Kjarasamningar halda
Launanefnd SA og ASÍ telur ekki vera tilefni til uppsagnar á launalið kjarasamninga. Samstaða var í nefndinni um að verðlagsþróun gæfi ekki slíkt tilefni en álit voru uppi um mat á frávikum kjarasamninga opinberra starfsmanna frá þeim launakostnaði sem samið var um á almennum vinnumarkaði. Til að stuðla að sátt um þá niðurstöðu að ekki væri tilefni til uppsagna var gert samkomulag um hækkun orlofs- og desemberuppbótar.
7.3.2001
Hækkun eingreiðslna til verslunarmanna
Undirritað hefur verið samkomulag um hækkun desember- og orlofsuppbótar félagsmanna í VR, til samræmis við niðurstöðu launanefndar ASÍ og SA. Sama niðurstaða mun gilda um LÍV.
2.3.2001
Helmings hækkun kaupmáttar
Sé lágmarkstekjutryggingin notuð sem mælikvarði á lágmarkslaun hefur kaupmáttur þeirra hækkað um helming á hálfum áratug.
1.3.2001
Kaupmáttur lágmarkslauna aldrei hærri
Kaupmáttur lágmarkslauna hefur aldrei verið hærri en um þessar mundir og hefur hann vaxið um þriðjung frá miðjum síðasta áratug. Miðað við fyrirliggjandi verðbólguspá Seðlabankans mun kaupmáttur lágmarkslauna halda áfram að vaxa og verða 42% hærri á árinu 2002 en um miðjan síðasta áratug.
22.2.2001
Villandi meðaltalstölur í launakönnun VR
Bornar eru saman ósambærilegar tölur og háum prósentutölum skartað í krafti stóraukins vægis stjórnenda og sérfræðinga meðal svarenda, skrifar Gústaf Adolf Skúlason í grein í Morgunblaðinu í dag.
22.2.2001
Samið við blaðamenn
Í gær var undirritaður kjarasamningur milli SA og Blaðamannafélags Íslands. Samningurinn gildir til 30. október 2004.
16.2.2001
Málþing um Evrópuvinnurétt og jafnréttislöggjöf
Að málþinginu standa Samtök atvinnulífsins í samstarfi við Norrænu ráðherranefndina, dagana 9.-10. mars á Hótel Loftleiðum. Dagskrá, almennar upplýsingar og skráningareyðublöð eru nú komin á vef SA.
12.2.2001
Launakönnun VR: hækkuðu launin um 19% eða 10?
Sveiflur í svörun ólíkra hópa eru það miklar á milli ára að setja má spurningarmerki við gildi samanburðarins. Vegur þar þyngst stóraukið hlutfall stjórnenda og sérfræðinga.
Leit
Stjórnborð
Fánar
