Starfsumhverfi atvinnulífsins
31.12.2003
Kjarasamningar ættu að nást án átaka
Það kæmi á óvart ef menn sæju ástæðu til þess að efna til kjaradeilna nú, þegar höfð er í huga hin mikla aukning kaupmáttar undanfarin ár, segir Ingimundur Sigurpálsson, formaður SA, í áramótasamtali við Morgunblaðið. Hann segir mestu skipta að andrúmsloftið er jákvætt og að almenn ánægja ríkir með árangur af yfirstandandi samningum, sem hafa skilað launafólki meiri raunhækkun launa en dæmi eru um áður.
17.12.2003
Þörf áætlana um góða virkni innri markaðarins
Ráðgjafarnefnd EFTA hvetur EFTA/EES-ríkin til að gera áætlanir um góða virkni hins sameiginlega innri markaðar. Í áliti nefndarinnar er m.a. fjallað um mikilvægi kynningar-átaks um EES meðal núverandi og væntanlegra aðildarríkja ESB, um lágmörkun reglubyrði, gagnkvæmar viðurkenningar o.fl.
4.12.2003
Heilbrigðiskerfi í vanda
Hlutfall 65 ára og eldri er það 5. lægsta hér á landi af 30 löndum OECD, en heildarútgjöld til heilbrigðismála þau 5. hæstu, sem hlutfall af landsframleiðslu. Þá eru útgjöld hins opinbera til heilbrigðismála næst hæst hérlendis og hafa hækkað mest hér á undanförnum áratugum. Þar sem hlutfall eldra fólks er lægra en hér eru heilbrigðisútgjöld mun lægri.
12.11.2003
Nýjar bandarískar reglur um innflutning matvæla
Þann 12. desember nk. taka gildi nýjar reglur í Banda-ríkjunum um innflutning matvæla, og taka þær m.a. til skráningarskyldu fyrirtækja sem flytja matvæli þangað. Utanríkis- og sjávarútvegsráðuneytið hafa staðið fyrir kynningu á reglunum fyrir íslensk fyrirtæki. Sjá nánar á vef Samtaka fiskvinnslustöðva.
12.11.2003
Vörugjöldum mótmælt
Könnun SVÞ á áhrifum vörugjalds og virðisaukaskatts á verðlag leiðir í ljós að verð á matvælum og rafmagns-tækjum er mun hærra hér á landi en í Svíþjóð vegna þessara gjalda. Smásöluverð á appelsínusafa er til dæmis 44% hærra hér á landi en í Svíþjóð og sjónvörp eru 24% dýrari hér vegna álagðra vörugjalda og virðisaukaskatts. Sjá nánar á vef SVÞ.
10.11.2003
Ekki áhyggjur af stækkun EES og vinnumarkaðnum
Í samtali við Morgunblaðið um möguleg áhrif stækkunar EES á íslenskan vinnumarkað segir Ari Edwald, fram-kvæmdastjóri SA, samtökin ekki telja að stækkunin þarnist neins sérstaks undirbúnings að því leyti. „Ekki frekar en tilkoma EES-samningsins á sínum tíma.“ Stjórnvöld hafi þó rétt til að grípa til ráðstafana ef sérstök vandkvæði og ójafnvægi komi upp.
6.11.2003
Heilbrigð viðhorf
Ánægjuleg tíðindi eru fólgin í stjórnmálaályktun lands-fundar Samfylkingarinnar um heilbrigðismálin, segir Ari Edwald, framkvæmdastjóri SA, í leiðara fréttabréfsins Af vettvangi. Hann vonar að ályktunin reynist innlegg í að skapa breiða pólitíska samstöðu um gagngera endur-skoðun heilbrigðiskerfisins. Gríðarlegir hagsmunir séu í húfi.
5.11.2003
Lagalegar hindranir í rafrænum viðskiptum?
Hefur þú mætt lagalegum hindrunum við rafrænum viðskiptum? Sá lagarammi sem gildir á Íslandi byggir á tilskipunum ESB. Til að mæta betur þörfum atvinnulífsins að þessu leyti gengst ESB nú fyrir könnun á meðal fyrirtækja í Evrópu um lagalegar hindranir í rafrænum viðskiptum. Frestur til þátttöku er til 17. nóvember.
3.11.2003
Áhersla á mikilvægi aðhalds í ríkisfjármálum
Í ræðu sinni á aðalfundi LÍÚ fjallaði Kristján Ragnarsson, fráfarandi formaður samtakanna til 33 ára, m.a. um áhrif stóriðjuframkvæmda og mikilvægi aðhalds í ríkisfjármálum, sem hann sagði ekki birtast með nægilega skýrum hætti í fjárlagafrumvarpi næsta árs.
15.10.2003
Krefjandi valkostir Dana
Danir verða sem fyrst að taka afstöðu til þess hvort þeir vilji kalla yfir sig stórfelldar skattahækkanir og/eða niðurskurð opinberra útgjalda, eða grípa til aðgerða nú þegar til að hækka hlutfall fólks á vinnumarkaði, m.a. með hækkun eftirlaunaaldurs og auknum fjölda útlendinga á dönskum vinnumarkaði. Þetta er niðurstaða skýrslu dönsku samtaka atvinnulífsins.
6.10.2003
Nauðsynlegt að auka sveigjanleika á vinnumarkaði
Mikið atvinnuleysi í mörgum aðildarríkja OECD stafar m.a. af stífri vinnumarkaðslöggjöf, háum óbeinum launakostnaði og óhóflega ríkri uppsagnarvernd, segir í yfirlýsingu ráðgjafanefndar stofnunarinnar. Nauðsynlegt sé að auka sveigjanleika á vinnumarkaði viðkomandi ríkja.
2.10.2003
Launin aldrei hærra hlutfall verðmætasköpunarinnar
Hlutfall launa af verðmætasköpuninni stefnir í 70% á þessu ári, sem er sögulegt hámark sem rekja má til launa- og gengisþróunar undanfarinna ára. Að meðaltali mun þetta hlutfall vera um 60% meðal OECD-ríkja. Þetta háa launahlutfall þýðir minni framlegð í atvinnulífinu, minni arðsemi fjármagns og að minna fé er varið til fjárfestinga.
2.10.2003
Launakostnaður aukist tvöfalt á við viðskiptalöndin
Á síðustu sex árum hafa laun á almennum markaði hér á landi hækkað um 45% mælt í erlendum gjaldmiðli, saman-borið við 18% hækkun að meðaltali í viðskiptalöndum okkar. Hækkunin hér á landi var því ríflega tvöföld á þessu tímabili.
2.10.2003
Í aðdraganda samningalotu
Lítið svigrúm er til launahækkana í miðlægum samningum segir Ari Edwald, framkvæmdastjóri SA, í leiðara frétta-bréfsins Af vettvangi. Hlutur launa í verðmætasköpuninni sé hærri en fái staðist til lengdar og hljóti að lækka fyrr en síðar, með hægari launabreytingum hér á landi en í viðskiptalöndunum eða með lækkun gengis krónunnar. Sú fyrri sé leið stöðugleikans en hin síðari hafi oftast verið kennd við kollsteypur.
30.9.2003
Samkeppnin að aukast í íslensku atvinnulífi
Flest bendir til að samkeppni hafi aukist mikið í íslensku atvinnulífi, þótt rannsóknir séu af skornum skammti, sagði Guðrún Johnsen, hagfræðingur hjá SA, á morgunfundi Viðskipta- og hagfræðideildar HÍ. Bæði milljónamæringum og fyrirtækjum hefur fjölgað gífurlega undanfarin ár og verðlagsþróun styður ekki kenningar um neikvæð áhrif af fákeppni.
15.9.2003
Heimsviðskiptin misstu af tækifæri í Cancun
UNICE, Evrópusamtök atvinnulífsins, lýsa yfir miklum vonbrigðum með að fundur WTO í Cancun skuli hafa farið út um þúfur. Samtökin lýsa áhyggjum af mögulegum áhrifum á framtíð WTO og hvetja öll aðildarríkin til að leggja sitt af mörkum til að framhald verði á Doha-samningalotu WTO um aukið frelsi í viðskiptum.
4.9.2003
Lifi samkeppnin
„Loksins, loksins er að myndast almennur skilningur á þeirri brýnu nauðsyn sem er á endurskoðun samkeppnislaga,“ segir Ari Edwald, framkvæmda- stjóri SA. Mikilvægt sé þó að betur verði vandað til verka en við síðustu endurskoðun laganna. Ari segir samkeppni hafa stóraukist í íslensku viðskiptalífi og að mikil tækifæri séu til lífskjarabóta með því að ljúka upp fyrir samkeppni þar sem hún er nú lítil eða engin.
4.9.2003
Bætt réttaröryggi fólks og fyrirtækja
Setja þarf samræmdar og skýrar framkvæmdarreglur fyrir þær stjórnvaldsstofnanir sem einhverra hluta vegna telja sig þurfa að sækja gögn inn á heimili fólks eða í fyrirtæki. Þetta er niðurstaða danskrar réttaröryggisnefndar sem danski dómsmálaráðherrann hefur gert að sinni.
4.9.2003
Íslensk fyrirtæki með í mótun Evrópulöggjafar
Íslensk fyrirtæki munu taka þátt í nýju rafrænu umsagnar-kerfi ESB um mótun nýrrar Evrópulöggjafar, fyrir milligöngu SA og aðildarfélaga. Þannig fá íslensk fyrirtæki tækifæri til að tjá sig á frumstigi um Evrópulöggjöf sem getur haft veruleg áhrif á rekstrarumhverfi þeirra eftir að hún er tekin upp í íslenska löggjöf í gegnun EES-samninginn.
4.9.2003
Lifi samkeppnin
„Loksins, loksins er að myndast almennur skilningur á þeirri brýnu nauðsyn sem er á endurskoðun samkeppnislaga,“ segir Ari Edwald, framkvæmdastjóri SA, í leiðara frétta-bréfsins Af vettvangi. Mikilvægt sé þó að betur verði vandað til verka en við síðustu endurskoðun laganna. Ari segir samkeppni hafa stóraukist í íslensku viðskiptalífi og að mikil tækifæri séu til lífskjarabóta með því að ljúka upp fyrir samkeppni þar sem hún er nú lítil eða engin.
2.9.2003
Ábyrgð nýs rekstraraðila gagnvart starfsmönnum
Við kaup á fyrirtæki eða hluta þess og samruna fyrirtækja geta starfsmenn átt rétt á að flytjast yfir til hins nýja rekstraraðila með óbreyttum kjörum og nýji rekstraraðilinn jafnvel verið ábyrgur fyrir ógreiddum launaskuldum fyrri vinnuveitanda gagnvart þeim starfsmönnum sem hefja störf hjá honum.
14.8.2003
Þörf á hagræðingu í heilbrigðiskerfinu
Hægt er að nýta kosti samkeppni og einkarekstrar til hagræðingar í heilbrigðiskerfinu, án þess að hlutur hins opinbera í kostnaði við hvern sjúkling minnki, né heldur gæði þjónustunnar, sagði Ari Edwald, framkvæmdastjóri SA, m.a. í erindi á málþingi LSH um rekstur sjúkrahúsa o.fl.
16.7.2003
Óhagkvæmt fyrirkomulag frítöku
Í Morgunblaðsgrein fjallar Gústaf Adolf Skúlason, forstöðumaður hjá SA, um þá röskun sem fylgir löngum sumarleyfistíma á Íslandi, fimmtudagsfrídaga o.fl. Hann hvetur til fækkunar skólaára og lengingar skólaársins, sem m.a. myndi stuðla að hagkvæmara fyrirkomulagi orlofstöku hérlendis.
10.7.2003
Ísland færist niður frelsislista
Ísland færist niður um tvö sæti milli ára á lista Fraser-stofnunarinnar yfir efnahagslegt frjálsræði í heiminum. Vaxandi hlutfall samneyslunnar og aukin óánægja íslenskra fyrirtækja með reglubyrði færa Ísland niður, en jákvæð áhrif skattabreytinga og bankasölu koma væntanlega til hækkunar að ári.
3.7.2003
Hagræði af tilfærslu fimmtudagsfrídaga
Forsvarsmenn 82% fyrirtækja telja að tilfærsla einhverra fimmtudagsfrídaganna á vorin yfir á heppilegri tíma myndi stuðla að hagræði í rekstri. Helst hefur verið rætt um sumardaginn fyrsta og uppstigningardag í þessu sambandi.
27.6.2003
Náið verði fylgst með áhrifum á EES-samninginn
Í áliti sínu til ráðherraráðs EFTA leggur ráðgjafarnefnd samtakanna áherslu á mikilvægi þess að EFTA fylgist grannt með áhrifum væntanlegrar stjórnarskrár ESB á EES-samninginn og hefji sem fyrst undirbúning viðbragða, til að sem best verði áfram staðinn vörður um hagsmuni EFTA-ríkjanna.
24.6.2003
Tekjulækkun á ári sem svarar mánaðarveltu
Gengishækkun krónunnar kemur illa við allar útflutnings-greinar og greinar í erlendri samkeppni. Á fundi Samtaka fiskvinnslustöðva á dögunum var fjallað um sérstaka erfiðleika rækjuvinnslunnar, en á einu og hálfu ári hafa tekjur greinarinnar dregist saman um sem svarar eins mánaðar veltu á ári.
19.6.2003
Góð reynsla af einkarekstri fangelsa
Samkeppni milli fangelsa, í opinberum rekstri og í einkarekstri, hefur leitt til betri þjónustu og lægri kostnaðar, auk þess að vinna gegn almennri andstöðu kerfisins við breytingar, að sögn yfirmanns fangelsismála í breska innanríkisráðuneytinu. Hann segir einkareknu fangelsin meðal þeirra bestu í landinu.
11.6.2003
Ráðstefna um vinnuvistfræði
Vinnuvistfræðifélag Íslands stendur fyrir ráðstefnu dagana 11.-13. ágúst nk., m.a. með stuðningi SA. Innlendir og erlendir fyrirlesarar munu fjalla um streitu, þjálfun, áhættumat, fjárhagslegan ávinning af vinnuvernd o.fl. Þá verður kynning á vörum og þjónustu og verðlauna-afhending, sem tilnefna má fyrirtæki og einstaklinga til.
7.6.2003
Mæla með auknum hlut einkaaðila
Sendinefnd Alþjóðagjaldeyrissjóðsins segir gagnlegt að auka hlut einkaaðila við að veita almannaþjónustu og efla tengsl þjónustugjalda og raunverulegs kostnaðar við þjónustuna. Í samtali við Fréttablaðið segir Gústaf Adolf Skúlason, forstöðumaður hjá SA, þetta að mestu í anda þess sem SA hafi boðað, en undanskilur þjónustugjöld í heilbrigðiskerfinu.
3.6.2003
Leiðrétting
Umhverfis- og heilbrigðisstofa Reykjavíkur hefur gert athugasemd við upphæð lögboðinna eftirlits- og leyfisgjalda sem stofnunin leggur á atvinnulífið, eins og hún er sett fram í töflu í skýrslu SA, „Bætum lífskjörin!” Misskilnings gætti við úrvinnslu gagna hjá SA og er beðist velvirðingar á því.
1.6.2003
Á ekki og getur ekki stýrt uppbyggingu atvinnulífsins
SA vilja efla Samkeppnisstofnun til góðra verka og hafa stutt breytingar sem gera stofnuninni betur kleift að vinna gegn ólögmætu samráði fyrirtækja, segir Ari Edwald, framkvæmdastjóri SA, í samtali við Morgunblaðið. Hann segir það hins vegar ekki hlutverk Samkeppnisstofnunar að stýra uppbyggingu atvinnulífsins.
23.5.2003
Fjórar plágur ferðaþjónustunnar
Samtök ferðaþjónustunnar fagna ákvæðum í stefnu-yfirlýsingu ríkisstjórnarflokkanna um að íslenskri ferða-þjónustu verði sköpuð sambærileg rekstrarskilyrði og í samkeppnislöndum. Þau kalla hátt gengi krónunnar fjórðu plágu greinarinnar. Sjá nánar á heimasíðu SAF.
21.5.2003
Hækkun raungengis vanmetin
SA telja mat Seðlabankans á raungengi á mælikvarða launa vera vanmat. Þær samkeppnisaðstæður sem fyrirtækjum í alþjóðlegri samkeppni eru nú búnar eru orðnar það slæmar að óhjákvæmilegt er að þær leiði til verulegs samdráttar í útflutnings- og samkeppnisgreinum.
21.5.2003
Brýn nauðsyn aðhalds í opinberum fjármálum - ályktun stjórnar SA
Núverandi gengi krónunnar fær ekki staðist til lengdar, segir í ályktun stjórnar SA, en Seðlabankinn spáir því að raungengi hækki um 10% á þessu ári og að samkeppnis-staðan versni sem því nemur. Til mótvægis við stóriðjuframkvæmdir er afar brýnt að skýr aðhaldsstefna í opinberum fjármálum verði mótuð og þurfa stærstu sveitarfélögin einnig að koma að þeirri stefnumótun.
20.5.2003
Yfir 70 smærri skattar og gjöld
KPMG hafa uppfært yfirlit sitt yfir smærri skatta og gjöld sem íslensk fyrirtæki þurfa að greiða, en yfirlitið var á sínum tíma unnið fyrir SA og birt í skýrslu skattahóps samtakanna í maí 2001. Ekki hafa orðið miklar breytingar frá þeim tíma, en alls eru rúmlega 70 smærri skattar og gjöld tilgreind í yfirlitinu.
16.5.2003
Áhrif þróunar ESB á EES-samninginn
Skoða þarf áhrif þess ef EES-samningurinn verður hafður að fyrirmynd í samskiptum ESB við nágrannaríki, tryggja að stækkun EES fari fram samtímis stækkun ESB og styrkja aðgerðaáætlun EFTA-ríkjanna vegna Lissabon-ferlis ESB. Þetta er meðal þess sem fram kemur í áliti ráðgjafarnefndar EFTA.
8.5.2003
Jafnréttismálin og atvinnulífið
Að velja ekki þann hæfasta eru einfaldlega slakir stjórnunarhættir, sem ekki skila árangri á samkeppnis-markaði, segir Gústaf Adolf Skúlason, forstöðumaður hjá SA, í leiðara fréttabréfsins Af vettvangi. Hann segir tækifæri til breytinga sem stuðla myndu að jöfnun á stöðu kynjanna á vinnumarkaði og horfir m.a. til starfs- og vetrarfrísdaga í skólum.
8.5.2003
Átak til minnkunar reglubyrði í nágrannalöndunum
Öll aðildarríki OECD hafa á stefnuskrá sinni að draga úr reglubyrði fólks og fyrirtækja og auka gæði gildandi regluverks. Nokkur ríkjanna hafa tekið upp markvissar aðgerðir í þessu skyni, þeirra á meðal Noregur, Danmörk og Svíþjóð.
29.4.2003
Orsakir þýska efnahagsvandans
Þýskaland býr við hverfandi hagvöxt og mikið atvinnuleysi. Ástæðurnar má ekki síst rekja til ósveigjanlegs vinnumarkaðar – svo sem ríkrar uppsagnarverndar, hás óbeins launakostnaðar og rausnarlegra atvinnuleysisbóta. Þetta kom fram í erindi yfirhagfræðings þýsku samtaka atvinnulífsins á aðalfundi SA.
29.4.2003
Bætum lífskjörin!
Í nýrri skýrslu fjalla Samtök atvinnulífsins um leiðir til að bæta lífskjörin í landinu með kerfisumbótum. Ari Edwald, framkvæmdastjóri SA, kynnti skýrsluna á aðalfundi samtakanna. Heilbrigðiskerfið hlýtur að verða höfuð-viðfangsefni ríkisfjármálanna á næstu árum, að mati hans.
25.4.2003
15 til 40 milljarðar í eftirlitsiðnaðinn?
Bein gjöld atvinnulífsins vegna opinberrar eftirlitsstarfsemi eru 1,6 milljarðar á ári og hafa hækkað um 30% á tíu árum, á núvirði. Heildarkostnaður vegna eftirlitsiðnaðarins er þó mun meiri, en mörg fyrirtæki segja hann t.d. kalla á sérstakt starfsfólk. Ef mat ESB er yfirfært á Ísland nemur heildarkostnaðurinn 15 til 40 milljörðum króna á ári.
3.4.2003
Kvartað undan íþyngjandi reglubyrði
Um 40% fyrirtækja kvarta undan opinberri reglubyrði og segja hana íþyngjandi í sínum rekstri, samkvæmt niðurstöðum könnunar SA. Einkum eru það fyrirtæki í ferðaþjónustu, útgerð og fiskvinnslu sem kvarta sáran. Mörg fyrirtæki segja heilbrigðisnefndir sveitarfélaga rukka fyrir eftirlit sem aldrei fari fram.
21.3.2003
Bæta ber skertan markaðsaðgang fyrir sjávarafurðir
Bæta ber EFTA-ríkjunum skertan markaðsaðgang með sjávarafurðir vegna stækkunar ESB og skoða möguleikann á tollalækkunum í stað kvóta í því sambandi, segir í ályktun ráðgjafarnefndar EES um stækkun svæðisins. Nefndin segir enga lagalega stoð fyrir kröfum ESB um aukin fjárframlög EFTA-ríkjanna.
20.3.2003
Aukin útgjöld gætu hækkað tryggingagjald
SA taka ekki undir þá túlkun félagsmálaráðuneytisins að Fæðingarorlofssjóður eigi að greiða orlofslaun. Í samtali við Morgunblaðið bendir Hrafnhildur Stefánsdóttir, yfirlögfræðingur SA, á að veruleg útgjaldaaukning sjóðsins, sem fjármagnaður er með tryggingagjaldi, kalli beint á skattahækkun á atvinnulífið.
11.3.2003
Frumkvöðlastarfsemi mikil en skortir fjármagn
Mjög margir stunda frumkvöðlastarfsemi á Íslandi miðað við önnur lönd, en hins vegar virðist sú starfsemi líða fyrir skort á fjármagni og menntun. Þetta er meðal þess sem kemur fram í íslensku GEM-rannsókninni, sem Háskólinn í Reykjavík framkvæmdi með stuðningi SA o.fl.
6.3.2003
Mest aukning kaupmáttar á Íslandi
Á tímabilinu 1995-2003 eykst kaupmáttur mest hérlendis af ríkjum OECD, eða um 27%. Meðaltal OECD-ríkja er 12% og innan við 1% á evrusvæðinu. Tölur OECD sýna breytingar á almennum vinnumarkaði. Hérlendis er hækkunin enn meiri hjá hinu opinbera. Hlutur launa í verðmætasköpuninni er að öllum líkindum orðinn hærri en staðist fær til lengdar.
6.3.2003
Langir samningar bera ávöxt
Innsiglað hefur verið lengsta samningstímabil í samskiptasögu á vinnumarkaði og ávinningur almennings hefur verið mikill, segir Hannes G. Sigurðsson, aðstoðar-framkvæmdastjóri SA, í leiðara fréttabréfsins Af vettvangi. Hann varar hins vegar við blikum á lofti í efnahagsmálum og bendir á að meginverkefni nýrrar ríkisstjórnar verði sveiflujöfnun vegna stóriðjuframkvæmda.
21.2.2003
Húsfyllir á opnum fundi SA um áhrif hágengis
Ferðaþjónustan er að tapa viðskiptum úr landi vegna hás gengis krónunnar, landvinnsla á fiski mun að óbreyttu gefa eftir, fyrirtæki sem flytja starfsemi úr landi sökum slæmra samkeppnisskilyrða koma yfirleitt ekki aftur, launaþróun er vanmetin í forsendum Seðlabankans og kallað er eftir þríhliða samráði. Þetta er meðal þess sem fram kom á opnum fundi SA.
19.2.2003
Markaðsvæðing húsnæðisfjármögnunar á Íslandi
Samtök banka og verðbréfafyrirtækja telja tímabært að færa húsnæðislánamarkað á Íslandi í sambærilegt horf og almennt gerist í nágrannalöndunum. Samtökin kynna áherslur sínar í nýrri skýrslu um markaðsvæðingu húsnæðisfjármögnunar á Íslandi.
18.2.2003
Samræming vetrarfrídaga
Samræming starfsdaga grunn- og leikskóla innan hverfa er algert lágmarkstillit við fjölskyldur og atvinnulíf og því fagnaðarefni. Samræming vetrarfrís grunnskóla borgarinnar getur einnig orðið til bóta. Vetrarfríin munu þó áfram valda röskun, en ákvörðun um þau var tekin án nokkurs samráðs við umhverfi skólanna.
15.2.2003
Huga verður að samkeppnishæfni
Brýnast er að lækka og afnema skatta sem skekkja samkeppnishæfni gagnvart viðskiptalöndum eins og eignaskatta og stimpilgjöld, segir Hannes G. Sigurðsson, aðstoðarframkvæmdastjóri SA, í samtali við Fréttablaðið.
10.2.2003
Beinir sjónum að íslenskri fyrirtækjaskattalöggjöf
SA og SI gera ekki athugasemdir við að Alcoa séu veittar mikilvægar undanþágur frá íslenskum skattalögum. Samningurinn beinir hins vegar sjónum að þáttum í íslenskri fyrirtækjaskattalöggjöf sem ekki tíðkast í nágrannalöndum, svo sem eignarsköttum, stimpilgjöldum og vörugjöldum.
6.2.2003
Fyrirtæki hyggjast draga úr fjárfestingum
Tæp 40% fyrirtækja hyggjast fjárfesta minna í ár en 2002, en tæp 20% hyggjast fjárfesta meira, samkvæmt könnun SA. Samdrátturinn virðist nokkuð almennur milli greina, en algengari á landsbyggðinni en á höfuðborgarsvæðinu.
6.2.2003
Opinberir aðilar í vanskilum
Opinberir aðilar eru eða hafa nýlega verið í vanskilum við um fimmtung fyrirtækja, samkvæmt könnun SA. Ljóst er að a.m.k. helmingur fyrirtækjanna í úrtakinu er ekki í teljandi viðskiptum við opinbera aðila og því má gera að því skóna að þegar um veruleg viðskipti sé að ræða séu opinberir aðilar í vanskilum í um 40-50% tilvika. Alvarlegra er þó að í yfir 60% tilfella neita opinberir aðilar að greiða dráttarvexti.
23.1.2003
Vaxandi áhyggjur af þróun peningamála
SA hafa vaxandi áhyggjur af þróun peningamála í landinu. Gengi krónunnar hefur hækkað það mikið að verulega þrengir að samkeppnisstöðu atvinnulífsins, stefnan er í átt til verðhjöðnunar og mikill slaki á vinnumarkaði. Nauðsyn-legt er að stuðla að lækkun gengis með lækkun stýrivaxta.
22.1.2003
Enn meiri launahækkanir í opinbera geiranum
Laun opinberra starfsmanna og bankamanna hækkuðu að meðaltali um 7,3% á 4. ársfjórðungi 2002 árs miðað við sama tíma árið 2001. Á almennum markaði hækkuðu laun á sama tíma um 4,6%. Í heild hækkaði launavísitala Hagstofunnar um 5,8%.
20.1.2003
Ráðstefna um rýrnun í verslunum
„Öryggi í verslunum – skilvirkar leiðir til að koma í veg fyrir rýrnun“ er yfirskrift ráðstefnu SVÞ sem haldin verður á Grand Hótel Reykjavík 10. febrúar. Gert er ráð fyrir að árleg rýrnun í íslenskum verslunum sé á fjórða milljarð króna.
Leit
Stjórnborð
Fánar
