Starfsumhverfi atvinnulífsins

Stjórn Samtaka atvinnulífsins ályktaði á fundi sínum í dag að hraða bæri einkavæðingu opinberra fyrirtækja í fjarskipta-, fjármála- og orkugeira. Stjórnin gagnrýnir vöxt ríkisútgjalda samkvæmt nýsamþykktum fjárlögum. Hún hvetur til ítrasta aðhalds hjá fyrirtækjum og opinberum aðilum til þess að hægt sé að tryggja markmið kjarasamninga, efnahagslegan stöðugleika og bætt lífskjör.   Sjá nánar

Við þær aðstæður sem nú eru, að næstu örfáir mánuðir skipta sköpum um framhald verðstöðugleika og þróun efnahagslífs, er rétt að allir aðilar sýni aðhald og fresti og endurmeti þörf á hækkunum. Það á jafnt við verðhækkanir einkafyrirtækja sem gjaldskrár- og skattahækkanir ríkis og sveitarfélaga. Það hefur í raun verið boðið upp á á þjóðarsátt um það markmið að koma í veg fyrir kollsteypu í íslensku efnahagslífi - hefur einhver efni á að sleppa því tækifæri? skrifar Ari Edwald, framkvæmdastjóri SA, í leiðara fréttabréfs SA.  Sjá nánar

Samtök atvinnulífsins og Samtök iðnaðarins telja að lagaboð um að starfsmenn í stærri fyrirtækjum skuli eiga aðild að stjórn þeirra sé ekki líklegt til að bæta stjórnun í íslenskum fyrirtækjum. Samtökin telja þingmannafrumvarp um þetta efni bæði óviðeigandi og óaðgengilegt og benda á að hugmyndir í þessa veru hafi hvorki verið settar fram á vinnumarkaði né kröfur um íhlutun í stjórn fyrirtækja settar fram af hálfu stéttarfélaga í kjaraviðræðum.  Sjá nánar

Ari Edwald á ársfundi SF:
Ari Edwald framkvæmdastjóri SA sagði á aðalfundi Samtaka fiskvinnslustöðva að sem haldinn var í dag að brýnasta verkefni íslensks efnahagslífs á næstu árum sé að stórauka framleiðni. Hann sagði að gera verði ráð fyrir því að um 10 þúsund manns vanti á vinnumarkaðinn árið 2010 ef hagvöxtur verði 3%. 
 Sjá nánar

Samtök atvinnulífsins telja að á næstu mánuðum ráðist hvort tekst að tryggja stöðugt rekstrarumhverfi og jafnvægi í efnahagslífinu til næstu ára. 
 Sjá nánar

Finnur Geirsson formaður SA sagði á ársfundi samtakanna sem haldinn var í dag, að það sé hugur í íslenskum atvinnurekendum. "Þeir hafa fært sér vel í nyt tímabil stöðugs rekstrarumhverfis fram til þessa og sótt fram af miklum krafti til hagsbóta fyrir landsmenn. Góður árangur til framtíðar veltur þó á því að okkur takist að tryggja bæði jafnvægi í efnahagslífinu og hagstæð samkeppnisskilyrði að öðru leyti," sagði Finnur   Sjá erindi