Samkeppnismál

Framkvæmdastjórn SA hefur beint því til efnahags- og viðskiptanefndar Alþingis, að hún beiti sér fyrir sjálfstæðri skoðun á því að hvaða leyti íslensk samkeppnislög og framganga og vinnuaðferðir Samkeppnisstofnunar séu frábrugðin því sem annars staðar gerist innan EES.

Nýlegar sektarákvarðanir Samkeppnisstofnunar og húsleitir hennar hjá olíufélögunum vekja upp alvarlegar spurningar um vinnubrögð stofnunarinnar, segir Ari Edwald, framkvæmdastjóri SA, í leiðara fréttabréfsins Af vettvangi.